ग़ैरत-ए-मेहर रश्क-ए-माह हो तुम
ख़ूबसूरत हो बादशाह हो तुम
जिस ने देखा तुम्हें वो मर ही गया
हुस्न से तेग़-ए-बे-पनाह हो तुम
क्यूँ-कर आँखें न हम को दिखलाओ
कैसे ख़ुश-चश्म ख़ुश-निगाह हो तुम
हुस्न में आप के है शान-ए-ख़ुदा
इश्क़-बाज़ों के सज्दा-गाह हो तुम
हर लिबास आप को है ज़ेबिंदा
जामा-ज़ेबों के बादशाह हो तुम
फ़ौक़ है सारे ख़ुश-जमालों पर
वो सितारे जो हैं तो माह हो तुम
हम से पर्दा वही हिजाब का है
कूचा-गर्दों से रू-बराह हो तुम
क्यूँ मोहब्बत बढ़ाई थी तुम से
हम गुनहगार बे-गुनाह हो तुम
जो कि हक़्क़-ए-वफ़ा बजा लाए
शाहिद अल्लाह है गवाह हो तुम
है तुम्हारा ख़याल पेश-ए-नज़र
जिस तरफ़ जाएँ सद्द-ए-राह हो तुम
दोनों बंदे उसी के हैं 'आतिश'
ख़्वाह हम उस में होवें ख़्वाह हो तुम
ġhairat-e-mehr rashk-e-māh ho tum
ḳhūbsūrat ho bādshāh ho tum
jis ne dekhā tumheñ vo mar hī gayā
husn se teġh-e-be-panāh ho tum
kyūñ-kar āñkheñ na ham ko dikhlāo
kaise ḳhush-chashm ḳhush-nigāh ho tum
husn meñ aap ke hai shān-e-ḳhudā
ishq-bāzoñ ke sajda-gāh ho tum
har libās aap ko hai zebinda
jāma-zeboñ ke bādshāh ho tum
fauq hai saare ḳhush-jamāloñ par
vo sitāre jo haiñ to maah ho tum
ham se parda vahī hijāb kā hai
kūcha-gardoñ se rū-barāh ho tum
kyuuñ mohabbat baḌhā.ī thī tum se
ham gunahgār be-gunāh ho tum
jo ki haqq-e-vafā bajā laa.e
shāhid allāh hai gavāh ho tum
hai tumhārā ḳhayāl pesh-e-nazar
jis taraf jaa.eñ sadd-e-rāh ho tum
donoñ bande usī ke haiñ 'ātish'
ḳhvāh ham us meñ hoveñ ḳhvāh ho tum
غیرت مہر رشک ماہ ہو تم
خوب صورت ہو بادشاہ ہو تم
جس نے دیکھا تمہیں وہ مر ہی گیا
حسن سے تیغ بے پناہ ہو تم
کیوں کر آنکھیں نہ ہم کو دکھلاؤ
کیسے خوش چشم خوش نگاہ ہو تم
حسن میں آپ کے ہے شان خدا
عشق بازوں کے سجدہ گاہ ہو تم
ہر لباس آپ کو ہے زیبندہ
جامہ زیبوں کے بادشاہ ہو تم
فوق ہے سارے خوش جمالوں پر
وہ ستارے جو ہیں تو ماہ ہو تم
ہم سے پردہ وہی حجاب کا ہے
کوچہ گردوں سے رو براہ ہو تم
کیوں محبت بڑھائی تھی تم سے
ہم گنہ گار بے گناہ ہو تم
جو کہ حق وفا بجا لائے
شاہد اللہ ہے گواہ ہو تم
ہے تمہارا خیال پیش نظر
جس طرف جائیں سد راہ ہو تم
دونوں بندے اسی کے ہیں آتشؔ
خواہ ہم اس میں ہوویں خواہ ہو تم