फ़ुज़ूल करते हो जीना मुहाल शा'इर का
वो जी रहा है यही है कमाल शा'इर का
झिजक रहा है वो पहलू में इस तरह आते
कि जैसे सहमा हुआ इक ख़याल शा'इर का
सँभालता है वो जिस तरह आग लफ़्ज़ों की
सँभाल तुम नहीं सकते वबाल शा'इर का
ये तितलियों के परों से तराशना मिसरे'
लहू को रंग बनाना कमाल शा'इर का
किसे ख़बर है तिरे काग़ज़ी गुलिस्ताँ को
जला के राख न कर दे जलाल शा'इर का
ये आँसुओं की अमानत है लफ़्ज़ का पर्दा
इसी से बनता है सारा मलाल शा'इर का
ज़रा सा सब्र करो मैं उठा के लाता हूँ
तुम्हारे रू-ब-रू चेहरा निढाल शा'इर का
उदासियों में वो ख़ुशियों की आँच रखता है
उसी तपिश से सँवरता है हाल शा'इर का
वो अपने दर्द को लिखता है इक दवा की तरह
तू अपनी मर्ज़ी से मिसरा' उछाल शा'इर का
ज़रा सा हुस्न-ए-नज़र से तो देख लो 'एहसान'
तुम्हारे ख़्वाब बुनेगा कमाल शा'इर का
fuzūl karte ho jiinā muhāl shā'ir kā
vo jī rahā hai yahī hai kamāl shā'ir kā
jhijak rahā hai vo pahlū meñ is tarah aate
ki jaise sahmā huā ik ḳhayāl shā'ir kā
sañbhāltā hai vo jis tarh aag lafzoñ kī
sañbhāl tum nahīñ sakte vabāl shā'ir kā
ye titliyoñ ke paroñ se tarāshnā misre'
lahū ko rang banānā kamāl shā'ir kā
kise ḳhabar hai tire kāġhazī gulistāñ ko
jalā ke raakh na kar de jalāl shā'ir kā
ye āñsuoñ kī amānat hai lafz kā parda
isī se bantā hai saarā malāl shā'ir kā
zarā sā sabr karo maiñ uThā ke laatā huuñ
tumhāre rū-barū chehra niDhāl shā'ir kā
udāsiyoñ meñ vo ḳhushiyoñ kī aañch rakhtā hai
usī tapish se sañvartā hai haal shā'ir kā
vo apne dard ko likhtā hai ik davā kī tarah
tū apnī marzī se misra' uchhāl shā'ir kā
zarā sā husn-e-nazar se to dekh lo 'ehsān'
tumhāre ḳhvāb bunegā kamāl shā'ir kā
فضول کرتے ہو جینا محال شاعر کا
وہ جی رہا ہے یہی ہے کمال شاعر کا
جھجک رہا ہے وہ پہلو میں اس طرح آتے
کہ جیسے سہما ہوا اک خیال شاعر کا
سنبھالتا ہے وہ جس طرح آگ لفظوں کی
سنبھال تم نہیں سکتے وبال شاعر کا
یہ تتلیوں کے پروں سے تراشنا مصرعے
لہو کو رنگ بنانا کمال شاعر کا
کسے خبر ہے ترے کاغذی گلستاں کو
جلا کے راکھ نہ کر دے جلال شاعر کا
یہ آنسوؤں کی امانت ہے لفظ کا پردہ
اسی سے بنتا ہے سارا ملال شاعر کا
ذرا سا صبر کرو میں اٹھا کے لاتا ہوں
تمہارے روبرو چہرہ نڈھال شاعر کا
اداسیوں میں وہ خوشیوں کی آنچ رکھتا ہے
اسی تپش سے سنورتا ہے حال شاعر کا
وہ اپنے درد کو لکھتا ہے اک دوا کی طرح
تو اپنی مرضی سے مصرع اچھال شاعر کا
ذرا سا حسن نظر سے تو دیکھ لو احسانؔ
تمہارے خواب بنے گا کمال شاعر کا