फ़िराक़-ओ-वस्ल तो यक-दम थीं 'आरज़ी रस्में
हमें गुनाह ने बाँधा हुआ है आपस में
ख़ुशी थी इतनी तिरी रेल छूट जाने की
मैं बुक्स रख के उठाता रहा तिरी क़स्में
मिरी तो ख़ैर थी कम्बख़्त तितलियों को भी
मज़ा ही और मिला सुर्ख़ फूलों के रस में
नज़र जो ख़्वाब सा चेहरा कोई सिरहाने पड़ा
उसे भी चाट गया मैं किताब की चस में
वो बाग़ लाज़मी होगा ये पेड़ भी होगा
पर ऐसे फूल तो खिलते नहीं हैं उंदुलस में
सहर की पहली किरन ने क़फ़स में पर मारे
तो ख़ून दौड़ गया पत्थरों की नस-नस में
उसी के पीछे है दुनिया का सब से दौलत-मंद
जो हुस्न इक दफ़ा देखा था गश्ती सर्कस में
वो पैसे गिनती है तनती है चलती बनती है
मैं सोचता हूँ कि क्या कुछ नहीं मिरे बस में
अभी sakuul की घंटी नहीं बजी 'बाबर'
मैं झुक के बाँध रहा हूँ मतीन के तस्मे
firāq-o-vasl to yak-dam thiiñ 'ārzī rasmeñ
hameñ gunāh ne bāñdhā huā hai aapas meñ
ḳhushī thī itnī tirī rail chhūT jaane kī
maiñ books rakh ke uThātā rahā tirī qasmeñ
mirī to ḳhair thī kambaḳht titliyoñ ko bhī
maza hī aur milā surḳh phūloñ ke ras meñ
nazar jo ḳhvāb sā chehra koī sirhāne paḌā
use bhī chaaT gayā maiñ kitāb kī chas meñ
vo baaġh lāzmī hogā ye peḌ bhī hogā
par aise phuul to khilte nahīñ haiñ undulas meñ
sahar kī pahlī kiran ne qafas meñ par maare
to ḳhuun dauḌ gayā pattharoñ kī nas-nas meñ
usī ke pīchhe hai duniyā kā sab se daulat-mand
jo husn ik dafa dekhā thā gashtī circus meñ
vo paise gintī hai tantī hai chaltī bantī hai
maiñ sochtā huuñ ki kyā kuchh nahīñ mire bas meñ
abhī schōl kī ghanTī nahīñ bajī 'bābar'
maiñ jhuk ke bāñdh rahā huuñ matīn ke tasme
فراق و وصل تو یک دم تھیں عارضی رسمیں
ہمیں گناہ نے باندھا ہوا ہے آپس میں
خوشی تھی اتنی تری ریل چھوٹ جانے کی
میں بکس رکھ کے اٹھاتا رہا تری قسمیں
مری تو خیر تھی کمبخت تتلیوں کو بھی
مزہ ہی اور ملا سرخ پھولوں کے رس میں
نظر جو خواب سا چہرہ کوئی سرہانے پڑا
اسے بھی چاٹ گیا میں کتاب کی چس میں
وہ باغ لازمی ہو گا یہ پیڑ بھی ہو گا
پر ایسے پھول تو کھلتے نہیں ہیں اندلس میں
سحر کی پہلی کرن نے قفس میں پر مارے
تو خون دوڑ گیا پتھروں کی نس نس میں
اسی کے پیچھے ہے دنیا کا سب سے دولت مند
جو حسن اک دفعہ دیکھا تھا گشتی سرکس میں
وہ پیسے گنتی ہے تنتی ہے چلتی بنتی ہے
میں سوچتا ہوں کہ کیا کچھ نہیں مرے بس میں
ابھی سکول کی گھنٹی نہیں بجی بابرؔ
میں جھک کے باندھ رہا ہوں متین کے تسمے