फ़िक्र रखते हैं कहाँ ज़ेहन अगर रखते हैं
दश्त-ए-बे-आब में जो तुख़्म-ए-हुनर रखते हैं
हर नई बात भुला देती है पहले का ख़याल
वो तो अख़बार हैं बस ताज़ा ख़बर रखते हैं
मिट गया रंग-ए-तअल्लुक़ तो ये चेहरे के नुक़ूश
एक इक ख़त्त-ए-तअस्सुर में ख़बर रखते हैं
ऐसे लोगों का मिला हम को ज़माना जो लोग
कोर-बीना हैं मगर हम पे नज़र रखते हैं
कोई आहट है न दस्तक कि बिछड़ जाए सुकूत
जिन को दीवार मयस्सर हो वो दर रखते हैं
जब भी आती है किसी सम्त से मक़्तल की हवा
ध्यान आता है अभी दोष पे सर रखते हैं
fikr rakhte haiñ kahāñ zehn agar rakhte haiñ
dasht-e-be-āb meñ jo tuḳhm-e-hunar rakhte haiñ
har na.ī baat bhulā detī hai pahle kā ḳhayāl
vo to aḳhbār haiñ bas taaza ḳhabar rakhte haiñ
miT gayā rang-e-ta.alluq to ye chehre ke nuqūsh
ek ik ḳhatt-e-ta.assur meñ ḳhabar rakhte haiñ
aise logoñ kā milā ham ko zamāna jo log
kor-bīnā haiñ magar ham pe nazar rakhte haiñ
koī aahaT hai na dastak ki bichhaḌ jaa.e sukūt
jin ko dīvār mayassar ho vo dar rakhte haiñ
jab bhī aatī hai kisī samt se maqtal kī havā
dhyān aatā hai abhī dosh pe sar rakhte haiñ
فکر رکھتے ہیں کہاں ذہن اگر رکھتے ہیں
دشت بے آب میں جو تخم ہنر رکھتے ہیں
ہر نئی بات بھلا دیتی ہے پہلے کا خیال
وہ تو اخبار ہیں بس تازہ خبر رکھتے ہیں
مٹ گیا رنگ تعلق تو یہ چہرے کے نقوش
ایک اک خط تأثر میں خبر رکھتے ہیں
ایسے لوگوں کا ملا ہم کو زمانہ جو لوگ
کور بینا ہیں مگر ہم پہ نظر رکھتے ہیں
کوئی آہٹ ہے نہ دستک کہ بچھڑ جائے سکوت
جن کو دیوار میسر ہو وہ در رکھتے ہیں
جب بھی آتی ہے کسی سمت سے مقتل کی ہوا
دھیان آتا ہے ابھی دوش پہ سر رکھتے ہیں