फ़िक्र कर ता'मीर-ए-दिल की वो यहीं आ जाएगा
बन गया जिस दिन मकाँ ख़ुद ही मकीं आ जाएगा
कौनसा हम रोज़ रोज़ उस को बुलाते हैं यहाँ
बे-मुरव्वत है मगर इतना नहीं आ जाएगा
हम से मिल लेने का मतलब ये नहीं होगा कि अब
हर कोई उस को बुला ले हर कहीं आ जाएगा
ख़ुद भी वो चालाक है लेकिन अगर हिम्मत करो
पहला पहला झूट है उस को यक़ीं आ जाएगा
सरख़ुशी का सिलसिला चलता रहेगा और फिर
दरमियाँ में फिर कोई हर्फ़-ए-हज़ीं आ जाएगा
हम तो समझे थे कि इस लश्कर-कशी से हुस्न का
कुछ 'इलाक़ा और भी ज़ेर-ए-नगीं आ जाएगा
ज़ख़्म-ए-दिल तो सात पर्दों में निहाँ होगा 'ज़फ़र'
और सब के सामने दाग़-ए-जबीं आ जाएगा
fikr kar tā'mīr-e-dil kī vo yahīñ aa jā.egā
ban gayā jis din makāñ ḳhud hī makīñ aa jā.egā
kaunsā ham roz roz us ko bulāte haiñ yahāñ
be-muravvat hai magar itnā nahīñ aa jā.egā
ham se mil lene kā matlab ye nahīñ hogā ki ab
har koī us ko bulā le har kahīñ aa jā.egā
ḳhud bhī vo chālāk hai lekin agar himmat karo
pahlā pahlā jhuuT hai us ko yaqīñ aa jā.egā
sarḳhushī kā silsila chaltā rahegā aur phir
darmiyāñ meñ phir koī harf-e-hazīñ aa jā.egā
ham to samjhe the ki is lashkar-kashī se husn kā
kuchh 'ilāqa aur bhī zer-e-nagīñ aa jā.egā
zaḳhm-e-dil to saat pardoñ meñ nihāñ hogā 'zafar'
aur sab ke sāmne dāġh-e-jabīñ aa jā.egā
فکر کر تعمیر دل کی وہ یہیں آ جائے گا
بن گیا جس دن مکاں خود ہی مکیں آ جائے گا
کونسا ہم روز روز اس کو بلاتے ہیں یہاں
بے مروت ہے مگر اتنا نہیں آ جائے گا
ہم سے مل لینے کا مطلب یہ نہیں ہوگا کہ اب
ہر کوئی اس کو بلا لے ہر کہیں آ جائے گا
خود بھی وہ چالاک ہے لیکن اگر ہمت کرو
پہلا پہلا جھوٹ ہے اس کو یقیں آ جائے گا
سر خوشی کا سلسلہ چلتا رہے گا اور پھر
درمیاں میں پھر کوئی حرف حزیں آ جائے گا
ہم تو سمجھے تھے کہ اس لشکر کشی سے حسن کا
کچھ علاقہ اور بھی زیر نگیں آ جائے گا
زخم دل تو سات پردوں میں نہاں ہوگا ظفرؔ
اور سب کے سامنے داغ جبیں آ جائے گا