फ़िक्र-ए-अंजाम न आग़ाज़ का कुछ होश रहा
चार दिन तक तो जवानी का अजब जोश रहा
मैं क़फ़स में भी किसी रोज़ न ख़ामोश रहा
कश्मकश में भी तबीअ'त का वही जोश रहा
नश्शा-ए-उलफ़्त-ए-साक़ी का अजब जोश रहा
हौल-ए-सहरा-ए-क़यामत भी फ़रामोश रहा
ग़ैर हों जुरअ'-ए-कश-ए-बज़्म-ए-तमन्ना अफ़्सोस
ख़ून के घूँट मैं पीता रहा ख़ामोश रहा
हेच आफ़त न-रसद गोशा-ए-तन्हाई रा
दश्त-ए-ग़ुर्बत में मैं ये सोंंच के रू-पोश रहा
मौसम-ए-गुल की हवा दारू-ए-बेहोशी थी
सर उठाने का भी सब्ज़े को न कुछ होश रहा
निकहत-ए-गुल की तरह जामे से बाहर हूँगा
फ़स्ल-ए-गुल का जो गुलिस्ताँ में यही जोश रहा
बहर-ए-रहमत में बहुत होगा तलातुम बरपा
तुझ को ऐ अश्क-ए-नदामत जो यही जोश रहा
अपने सर से भी किसी रोज़ गुज़र जाएगा
आब-ए-शमशीर को क़ातिल जो यही जोश रहा
साया-ए-दामन-ए-क़ातिल में जो नींद आई मुझे
फिर तो करवट भी बदलने का न कुछ होश रहा
धूम सुनता रहा अब आते हैं अब आते हैं
हश्र तक मैं यूँही खोले हुए आग़ोश रहा
दूर खिंचती ही गई मंज़िल-ए-मक़्सूद मगर
रह-रव-ए-इश्क़ की हिम्मत का वही जोश रहा
रहमत-ए-हक़ रही हम आसियों पर साया-फ़गन
सर पे छाया हुआ इक अब्र-ए-ख़ता-पोश रहा
उठते उठते थी वही बज़्म की मस्ताना रविश
चलते चलते भी ख़ुम-ए-मय को वही जोश रहा
फिर गईं आँखें मिरी कूचा-ए-जानाँ की तरफ़
शुक्र है मरते दम इतना तो मुझे होश रहा
fikr-e-anjām na āġhāz kā kuchh hosh rahā
chaar din tak to javānī kā ajab josh rahā
maiñ qafas meñ bhī kisī roz na ḳhāmosh rahā
kashmakash meñ bhī tabī.at kā vahī josh rahā
nashsha-e-ulfat-e-sāqī kā ajab josh rahā
haul-e-sahrā-e-qayāmat bhī farāmosh rahā
ġhair hoñ jur.a-e-kash-e-bazm-e-tamannā afsos
ḳhuun ke ghūñT maiñ piitā rahā ḳhāmosh rahā
hech aafat na-rasad gosha-e-tanhā.ī rā
dasht-e-ġhurbat meñ maiñ ye soñch ke rū-posh rahā
mausam-e-gul kī havā dārū-e-be-hoshī thī
sar uThāne kā bhī sabze ko na kuchh hosh rahā
nik.hat-e-gul kī tarah jaame se bāhar hūñgā
fasl-e-gul kā jo gulistāñ meñ yahī josh rahā
bahr-e-rahmat meñ bahut hogā talātum barpā
tujh ko ai ashk-e-nadāmat jo yahī josh rahā
apne sar se bhī kisī roz guzar jā.egā
āb-e-shamshīr ko qātil jo yahī josh rahā
sāya-e-dāman-e-qātil meñ jo niiñd aa.ī mujhe
phir to karvaT bhī badalne kā na kuchh hosh rahā
dhuum suntā rahā ab aate haiñ ab aate haiñ
hashr tak maiñ yūñhī khole hue āġhosh rahā
duur khiñchtī hī ga.ī manzil-e-maqsūd magar
rah-rav-e-ishq kī himmat kā vahī josh rahā
rahmat-e-haq rahī ham āsiyoñ par sāya-fagan
sar pe chhāyā huā ik abr-e-ḳhatā-posh rahā
uThte uThte thī vahī bazm kī mastāna ravish
chalte chalte bhī ḳhum-e-mai ko vahī josh rahā
phir ga.iiñ āñkheñ mirī kūcha-e-jānāñ kī taraf
shukr hai marte dam itnā to mujhe hosh rahā
فکر انجام نہ آغاز کا کچھ ہوش رہا
چار دن تک تو جوانی کا عجب جوش رہا
میں قفس میں بھی کسی روز نہ خاموش رہا
کشمکش میں بھی طبیعت کا وہی جوش رہا
نشۂ الفت ساقی کا عجب جوش رہا
ہول صحرائے قیامت بھی فراموش رہا
غیر ہوں جرعہ کش بزم تمنا افسوس
خون کے گھونٹ میں پیتا رہا خاموش رہا
ہیچ آفت نرسد گوشۂ تنہائی را
دشت غربت میں میں یہ سونچ کے روپوش رہا
موسم گل کی ہوا داروئے بے ہوشی تھی
سر اٹھانے کا بھی سبزے کو نہ کچھ ہوش رہا
نکہت گل کی طرح جامے سے باہر ہوں گا
فصل گل کا جو گلستاں میں یہی جوش رہا
بحر رحمت میں بہت ہوگا تلاطم برپا
تجھ کو اے اشک ندامت جو یہی جوش رہا
اپنے سر سے بھی کسی روز گزر جائے گا
آب شمشیر کو قاتل جو یہی جوش رہا
سایۂ دامن قاتل میں جو نیند آئی مجھے
پھر تو کروٹ بھی بدلنے کا نہ کچھ ہوش رہا
دھوم سنتا رہا اب آتے ہیں اب آتے ہیں
حشر تک میں یوں ہی کھولے ہوئے آغوش رہا
دور کھنچتی ہی گئی منزل مقصود مگر
رہرو عشق کی ہمت کا وہی جوش رہا
رحمت حق رہی ہم عاصیوں پر سایہ فگن
سر پہ چھایا ہوا اک ابر خطا پوش رہا
اٹھتے اٹھتے تھی وہی بزم کی مستانہ روش
چلتے چلتے بھی خم مے کو وہی جوش رہا
پھر گئیں آنکھیں مری کوچۂ جاناں کی طرف
شکر ہے مرتے دم اتنا تو مجھے ہوش رہا