फ़ज़ा में कर्ब का एहसास घोलती हुई रात
हवस की खिड़कियाँ दरवाज़े खोलती हुई रात
'अजीब रिश्ते बनाती है तोड़ देती है
नई रुतों के सफ़ीरों से बोलती हुई रात
ये धड़कनों के अंधेरे ये ज़ख़्म ज़ख़्म चराग़
किवाड़ ख़ाली मकानों के खोलती हुई रात
अथाह गहरा अंधेरा ग़ज़ब का सन्नाटा
फ़ज़ा में दर्द का तेज़ाब घोलती हुई रात
किधर से आती है आवारा ख़ुशबुओं की तरह
बरहना जिस्म के साए टटोलती हुई रात
न रतजगों के हैं चर्चे न कोई ग़म का अलाव
सँभल के आए ज़रा घर में डोलती हुई रात
कहाँ से लाएँगे सब्र-ओ-सुकून के लम्हे
कि मेरे घर में है कोहराम तौलती हुई रात
हमारे साथ है तन्हाइयों की भीड़ में 'रिंद'
किसी के लम्स की ख़ैरात रोलती हुई रात
fazā meñ karb kā ehsās gholtī huī raat
havas kī khiḌkiyāñ darvāze kholtī huī raat
'ajīb rishte banātī hai toḌ detī hai
na.ī rutoñ ke safīroñ se boltī huī raat
ye dhaḌkanoñ ke añdhere ye zaḳhm zaḳhm charāġh
kivāḌ ḳhālī makānoñ ke kholtī huī raat
athāh gahrā añdherā ġhazab kā sannāTā
fazā meñ dard kā tezāb gholtī huī raat
kidhar se aatī hai āvāra ḳhushbuoñ kī tarah
barahna jism ke saa.e TaToltī huī raat
na ratjagoñ ke haiñ charche na koī ġham kā alaav
sambhal ke aa.e zarā ghar meñ Doltī huī raat
kahāñ se lā.eñge sabr-o-sukūn ke lamhe
ki mere ghar meñ hai kohrām taultī huī raat
hamāre saath hai tanhā.iyoñ kī bhiiḌ meñ 'rind'
kisī ke lams kī ḳhairāt roltī huī raat
فضا میں کرب کا احساس گھولتی ہوئی رات
ہوس کی کھڑکیاں دروازے کھولتی ہوئی رات
عجیب رشتے بناتی ہے توڑ دیتی ہے
نئی رتوں کے سفیروں سے بولتی ہوئی رات
یہ دھڑکنوں کے اندھیرے یہ زخم زخم چراغ
کواڑ خالی مکانوں کے کھولتی ہوئی رات
اتھاہ گہرا اندھیرا غضب کا سناٹا
فضا میں درد کا تیزاب گھولتی ہوئی رات
کدھر سے آتی ہے آوارہ خوشبوؤں کی طرح
برہنہ جسم کے سائے ٹٹولتی ہوئی رات
نہ رتجگوں کے ہیں چرچے نہ کوئی غم کا الاؤ
سنبھل کے آئے ذرا گھر میں ڈولتی ہوئی رات
کہاں سے لائیں گے صبر و سکون کے لمحے
کہ میرے گھر میں ہے کہرام تولتی ہوئی رات
ہمارے ساتھ ہے تنہائیوں کی بھیڑ میں رندؔ
کسی کے لمس کی خیرات رولتی ہوئی رات