फ़सील-ए-शहर से निकलो भला इसी में है
कि ज़लज़लों की हुकूमत गली गली में है
दिया कहीं भी जलाना मुझे ख़बर करना
मिरे लहू का उजाला भी रौशनी में है
वो मुस्कुरा के ख़ुदा का पता बताता है
न जाने कौन सा जादू उस आदमी में है
चला हूँ मौत के पैकर को क़त्ल करने मगर
ये वस्फ़-ए-ख़ास तो ख़ुद मेरी ज़िंदगी में है
दरीचे अपने खुले रखना शब के पिछले पहर
सुना है 'इश्क़ का अंदाज़ चाँदनी में है
fasīl-e-shahr se niklo bhalā isī meñ hai
ki zalzaloñ kī hukūmat galī galī meñ hai
diyā kahīñ bhī jalānā mujhe ḳhabar karnā
mire lahū kā ujālā bhī raushnī meñ hai
vo muskurā ke ḳhudā kā patā batātā hai
na jaane kaun sā jaadū us aadmī meñ hai
chalā huuñ maut ke paikar ko qatl karne magar
ye vasf-e-ḳhās to ḳhud merī zindagī meñ hai
darīche apne khule rakhnā shab ke pichhle pahar
sunā hai 'ishq kā andāz chāñdnī meñ hai
فصیل شہر سے نکلو بھلا اسی میں ہے
کہ زلزلوں کی حکومت گلی گلی میں ہے
دیا کہیں بھی جلانا مجھے خبر کرنا
مرے لہو کا اجالا بھی روشنی میں ہے
وہ مسکرا کے خدا کا پتا بتاتا ہے
نہ جانے کون سا جادو اس آدمی میں ہے
چلا ہوں موت کے پیکر کو قتل کرنے مگر
یہ وصف خاص تو خود میری زندگی میں ہے
دریچے اپنے کھلے رکھنا شب کے پچھلے پہر
سنا ہے عشق کا انداز چاندنی میں ہے