फ़र्त-ए-शौक़ उस बुत के कूचे में लगा ले जाएगा
काबा-ए-मक़्सूद तक मुझ को ख़ुदा ले जाएगा
काट कर पर भी मुझे सय्याद बे-क़ाबू न छोड़
ना-तवाँ हूँ बाद का झोका उड़ा ले जाएगा
रोते रोते जान जावेगी फ़िराक़-ए-यार में
अश्क का दरिया मिरा मुर्दा बहा ले जाएगा
दिल मिरा मुट्ठी में रखते हो तुम्हारे हाथ से
छीन कर इक दिन उसे दुज़्द-ए-हिना ले जाएगा
मिस्र तक पहुँचे न जो कन'आँ से वो यूसुफ़ हूँ मैं
दस्त-ए-इख़्वाँ से छुटा तो भेड़िया ले जाएगा
एक गुल उस बाग़ का बू-ए-वफ़ा रखता नहीं
सब्ज़ा-ए-बेगाना शौक़-ए-आश्ना ले जाएगा
वा'दा-ए-सादिक़ तो इज़राईल से है देखिए
इस सिरे से मुझ को कब तक उस सिरा ले जाएगा
बाग़बाँ गुलशन के दरवाज़े को क्या रखता है बंद
कौन ग़ुंचे की कुलह गुल की क़बा ले जाएगा
उस्तुख़्वाँ उजरत में देंगे हम फ़क़ीर ऐ शाह-ए-हुस्न
'अर्ज़ी अपने शौक़ की तुझ तक हुमा ले जाएगा
कश्ती-ए-तन बहर-ए-हस्ती में रही बरसों तबाह
पार इसे इक दम में इस का नाख़ुदा ले जाएगा
हुस्न दिखला देगा ऐ बुत तुझ में शान अल्लाह की
तेरे आगे 'आलम अपनी इल्तिजा ले जाएगा
बोसे लेगा दस्त-ए-तेग़-ए-क़ातिल-ए-बेबाक के
'आतिश'-ए-मक़्तूल अपना ख़ूँ-बहा ले जाएगा
fart-e-shauq us but ke kūche meñ lagā le jā.egā
kāba-e-maqsūd tak mujh ko ḳhudā le jā.egā
kaaT kar par bhī mujhe sayyād be-qābū na chhoḌ
nā-tavāñ huuñ baad kā jhokā uḌā le jā.egā
rote rote jaan jāvegī firāq-e-yār meñ
ashk kā dariyā mirā murda bahā le jā.egā
dil mirā muTThī meñ rakhte ho tumhāre haath se
chhīn kar ik din use duzd-e-hinā le jā.egā
misr tak pahuñche na jo kan'āñ se vo yūsuf huuñ maiñ
dast-e-iḳhvāñ se chhuTā to bheḌiyā le jā.egā
ek gul us baaġh kā bū-e-vafā rakhtā nahīñ
sabza-e-begāna shauq-e-āshnā le jā.egā
va.ada-e-sādiq to izrā.īl se hai dekhiye
is sire se mujh ko kab tak us sirā le jā.egā
bāġhbāñ gulshan ke darvāze ko kyā rakhtā hai band
kaun ġhunche kī kulah gul kī qabā le jā.egā
ustuḳhvāñ ujrat meñ deñge ham faqīr ai shāh-e-husn
'arzī apne shauq kī tujh tak humā le jā.egā
kashtī-e-tan bahr-e-hastī meñ rahī barsoñ tabāh
paar ise ik dam meñ is kā nāḳhudā le jā.egā
husn dikhlā degā ai but tujh meñ shaan allāh kī
tere aage 'ālam apnī iltijā le jā.egā
bose legā dast-e-teġh-e-qātil-e-bebāk ke
'ātish'-e-maqtūl apnā ḳhūñ-bahā le jā.egā
فرط شوق اس بت کے کوچہ میں لگا لے جائے گا
کعبۂ مقصود تک مجھ کو خدا لے جائے گا
کاٹ کر پر بھی مجھے صیاد بے قابو نہ چھوڑ
ناتواں ہوں باد کا جھوکا اڑا لے جائے گا
روتے روتے جان جاوے گی فراق یار میں
اشک کا دریا مرا مردہ بہا لے جائے گا
دل مرا مٹھی میں رکھتے ہو تمہارے ہاتھ سے
چھین کر اک دن اسے دزد حنا لے جائے گا
مصر تک پہنچے نہ جو کنعاں سے وہ یوسف ہوں میں
دست اخواں سے چھٹا تو بھیڑیا لے جائے گا
ایک گل اس باغ کا بوئے وفا رکھتا نہیں
سبزۂ بیگانہ شوق آشنا لے جائے گا
وعدۂ صادق تو عزرائیل سے ہے دیکھیے
اس سرے سے مجھ کو کب تک اس سرا لے جائے گا
باغباں گلشن کے دروازے کو کیا رکھتا ہے بند
کون غنچے کی کلہ گل کی قبا لے جائے گا
استخواں اجرت میں دیں گے ہم فقیر اے شاہ حسن
عرضی اپنے شوق کی تجھ تک ہما لے جائے گا
کشتیٔ تن بحر ہستی میں رہی برسوں تباہ
پار اسے اک دم میں اس کا ناخدا لے جائے گا
حسن دکھلا دے گا اے بت تجھ میں شان اللہ کی
تیرے آگے عالم اپنی التجا لے جائے گا
بوسے لے گا دست تیغ قاتل بے باک کے
آتشؔ مقتول اپنا خوں بہا لے جائے گا