फ़रेब-ए-हुस्न से गब्र-ओ-मुसलमाँ का चलन बिगड़ा
ख़ुदा की याद भूला शैख़ बुत से बरहमन बिगड़ा
क़बा-ए-गुल को फाड़ा जब मिरा गुल-पैरहन बिगड़ा
बन आई कुछ न ग़ुंचे से जो वो ग़ुंचा-दहन बिगड़ा
नहीं बे-वज्ह हँसना इस क़दर ज़ख़्म-ए-शहीदाँ का
तिरी तलवार का मुँह कुछ न कुछ ऐ तेग़-ज़न बिगड़ा
तकल्लुफ़ क्या जो खोई जान-ए-शीरीं फोड़ कर सर को
जो थी ग़ैरत तो फिर ख़ुसरव से होता कोहकन बिगड़ा
किसी चश्म-ए-सियह का जब हुआ साबित मैं दीवाना
तो मुझ से सुस्त हाथी की तरह जंगली हिरन बिगड़ा
असर इक्सीर का युम्न-ए-क़दम से तेरी पाया है
जुज़ामी ख़ाक-ए-रह मल कर बनाते हैं बदन बिगड़ा
तिरी तक़लीद से कब्क-ए-दरी ने ठोकरें खाईं
चला जब जानवर इंसाँ की चाल उस का चलन बिगड़ा
ज़वाल हुस्न खिलवाता है मेवे की क़सम मुझ से
लगाया दाग़ ख़त ने आन कर सेब-ए-ज़क़न बिगड़ा
रुख़-ए-सादा नहीं उस शोख़ का नक़्श-ए-अदावत से
नज़र आते ही आपस में हर अहल-ए-अंजुमन बिगड़ा
जो बद-ख़ू तिफ़्ल-ए-अश्क ऐ चश्म-ए-तर हैं देखना इक दिन
घरौंदे की तरह से गुम्बद-ए-चर्ख़-ए-कुहन बिगड़ा
सफ़-ए-मिज़्गाँ की जुम्बिश का किया इक़बाल ने कुश्ता
शहीदों के हुए सालार जब हम से तुमन बिगड़ा
किसी की जब कोई तक़लीद करता है मैं रोता हूँ
हँसा गुल की तरह ग़ुंचा जहाँ उस का दहन बिगड़ा
कमाल-ए-दोस्ती अंदेशा-ए-दुश्मन नहीं रखता
किसी भँवरे से किस दिन कोई मार-ए-यास्मन बिगड़ा
रही नफ़रत हमेशा दाग़-ए-उर्यानी को फाए से
हुआ जब क़त' जामा पर हमारे पैरहन बिगड़ा
रगड़वाईं ये मुझ से एड़ियाँ ग़ुर्बत में वहशत ने
हुआ मसदूद रस्ता जादा-ए-राह-ए-वतन बिगड़ा
कहा बुलबुल ने जब तोड़ा गुल-ए-सौसन को गुलचीं ने
इलाही ख़ैर कीजो नील-ए-रुख़्सार-ए-चमन बिगड़ा
इरादा मेरे खाने का न ऐ ज़ाग़-ओ-ज़ग़न कीजो
वो कुश्ता हूँ जिसे सूँघे से कुत्तों का बदन बिगड़ा
अमानत की तरह रक्खा ज़मीं ने रोज़-ए-महशर तक
न इक मू कम हुआ अपना न इक तार-ए-कफ़न बिगड़ा
जहाँ ख़ाली नहीं रहता कभी ईज़ा-दहिंदों से
हुआ नासूर-ए-नौ पैदा अगर ज़ख़्म-ए-कुहन बिगड़ा
तवंगर था बनी थी जब तक उस महबूब-ए-आलम से
मैं मुफ़्लिस हो गया जिस रोज़ से वो सीम-तन बिगड़ा
लगे मुँह भी चिढ़ाने देते देते गालियाँ साहब
ज़बाँ बिगड़ी तो बिगड़ी थी ख़बर लीजे दहन बिगड़ा
बनावट कैफ़-ए-मय से खुल गई उस शोख़ की 'आतिश'
लगा कर मुँह से पैमाने को वो पैमाँ-शिकन बिगड़ा
fareb-e-husn se gabr-o-musalmāñ kā chalan bigḌā
ḳhudā kī yaad bhūlā shaiḳh but se barhaman bigḌā
qabā-e-gul ko phāḌā jab mirā gul-pairahan bigḌā
ban aa.ī kuchh na ġhunche se jo vo ġhuncha-dahan bigḌā
nahīñ be-vaj.h hañsnā is qadar zaḳhm-e-shahīdāñ kā
tirī talvār kā muñh kuchh na kuchh ai teġh-zan bigḌā
takalluf kyā jo khoī jān-e-shīrīñ phoḌ kar sar ko
jo thī ġhairat to phir ḳhusrav se hotā kohkan bigḌā
kisī chashm-e-siyah kā jab huā sābit maiñ dīvāna
to mujh se sust hāthī kī tarah jañglī hiran bigḌā
asar iksīr kā yumn-e-qadam se terī paayā hai
juzāmī ḳhāk-e-rah mal kar banāte haiñ badan bigḌā
tirī taqlīd se kabk-e-darī ne Thokareñ khā.īñ
chalā jab jānvar insāñ kī chaal us kā chalan bigḌā
zavāl husn khilvātā hai meve kī qasam mujh se
lagāyā daaġh ḳhat ne aan kar seb-e-zaqan bigḌā
ruḳh-e-sāda nahīñ us shoḳh kā naqsh-e-adāvat se
nazar aate hī aapas meñ har ahl-e-anjuman bigḌā
jo bad-ḳhū tifl-e-ashk ai chashm-e-tar haiñ dekhnā ik din
gharauñde kī tarah se gumbad-e-charḳh-e-kuhan bigḌā
saf-e-mizhgāñ kī jumbish kā kiyā iqbāl ne kushta
shahīdoñ ke hue sālār jab ham se tuman bigḌā
kisī kī jab koī taqlīd kartā hai maiñ rotā huuñ
hañsā gul kī tarah ġhuncha jahāñ us kā dahan bigḌā
kamāl-e-dostī andesha-e-dushman nahīñ rakhtā
kisī bhañvre se kis din koī mār-e-yāsman bigḌā
rahī nafrat hamesha dāġh-e-uryānī ko phaa.e se
huā jab qat' jaama par hamāre pairahan bigḌā
ragaḌvā.īñ ye mujh se eḌiyāñ ġhurbat meñ vahshat ne
huā masdūd rasta jāda-e-rāh-e-vatan bigḌā
kahā bulbul ne jab toḌā gul-e-sausan ko gulchīñ ne
ilāhī ḳhair kiijo nīl-e-ruḳhsār-e-chaman bigḌā
irāda mere khāne kā na ai zāġh-o-zaġhan kiijo
vo kushta huuñ jise sūñghe se kuttoñ kā badan bigḌā
amānat kī tarah rakkhā zamīñ ne roz-e-mahshar tak
na ik mū kam huā apnā na ik tār-e-kafan bigḌā
jahāñ ḳhālī nahīñ rahtā kabhī īzā-dahindoñ se
huā nāsūr-e-nau paidā agar zaḳhm-e-kuhan bigḌā
tavañgar thā banī thī jab tak us mahbūb-e-ālam se
maiñ muflis ho gayā jis roz se vo sīm-tan bigḌā
lage muñh bhī chiḌhāne dete dete gāliyāñ sāhab
zabāñ bigḌī to bigḌī thī ḳhabar liije dahan bigḌā
banāvaT kaif-e-mai se khul ga.ī us shoḳh kī 'ātish'
lagā kar muñh se paimāne ko vo paimāñ-shikan bigḌā
فریب حسن سے گبر و مسلماں کا چلن بگڑا
خدا کی یاد بھولا شیخ بت سے برہمن بگڑا
قبائے گل کو پھاڑا جب مرا گل پیرہن بگڑا
بن آئی کچھ نہ غنچے سے جو وہ غنچہ دہن بگڑا
نہیں بے وجہ ہنسنا اس قدر زخم شہیداں کا
تری تلوار کا منہ کچھ نہ کچھ اے تیغ زن بگڑا
تکلف کیا جو کھوئی جان شیریں پھوڑ کر سر کو
جو تھی غیرت تو پھر خسرو سے ہوتا کوہ کن بگڑا
کسی چشم سیہ کا جب ہوا ثابت میں دیوانہ
تو مجھ سے سست ہاتھی کی طرح جنگلی ہرن بگڑا
اثر اکسیر کا یمن قدم سے تیری پایا ہے
جذامی خاک رہ مل کر بناتے ہیں بدن بگڑا
تری تقلید سے کبک دری نے ٹھوکریں کھائیں
چلا جب جانور انساں کی چال اس کا چلن بگڑا
زوال حسن کھلواتا ہے میوے کی قسم مجھ سے
لگایا داغ خط نے آن کر سیب ذقن بگڑا
رخ سادہ نہیں اس شوخ کا نقش عداوت سے
نظر آتے ہی آپس میں ہر اہل انجمن بگڑا
جو بد خو طفل اشک اے چشم تر ہیں دیکھنا اک دن
گھروندے کی طرح سے گنبد چرخ کہن بگڑا
صف مژگاں کی جنبش کا کیا اقبال نے کشتہ
شہیدوں کے ہوئے سالار جب ہم سے تمن بگڑا
کسی کی جب کوئی تقلید کرتا ہے میں روتا ہوں
ہنسا گل کی طرح غنچہ جہاں اس کا دہن بگڑا
کمال دوستی اندیشۂ دشمن نہیں رکھتا
کسی بھونرے سے کس دن کوئی مار یاثمن بگڑا
رہی نفرت ہمیشہ داغ عریانی کو پھائے سے
ہوا جب قطع جامہ پر ہمارے پیرہن بگڑا
رگڑوائیں یہ مجھ سے ایڑیاں غربت میں وحشت نے
ہوا مسدود رستہ جادۂ راہ وطن بگڑا
کہا بلبل نے جب توڑا گل سوسن کو گلچیں نے
الٰہی خیر کیجو نیل رخسار چمن بگڑا
ارادہ میرے کھانے کا نہ اے زاغ و زغن کیجو
وہ کشتہ ہوں جسے سونگھے سے کتوں کا بدن بگڑا
امانت کی طرح رکھا زمیں نے روز محشر تک
نہ اک مو کم ہوا اپنا نہ اک تار کفن بگڑا
جہاں خالی نہیں رہتا کبھی ایذا دہندوں سے
ہوا ناسور نو پیدا اگر زخم کہن بگڑا
تونگر تھا بنی تھی جب تک اس محبوب عالم سے
میں مفلس ہو گیا جس روز سے وہ سیم تن بگڑا
لگے منہ بھی چڑھانے دیتے دیتے گالیاں صاحب
زباں بگڑی تو بگڑی تھی خبر لیجے دہن بگڑا
بناوٹ کیف مے سے کھل گئی اس شوخ کی آتشؔ
لگا کر منہ سے پیمانے کو وہ پیماں شکن بگڑا