कसरत-ए-जल्वा को आईना-ए-वहदत समझो
जिस की सूरत नज़र आए वही सूरत समझो
ग़म को ग़म और न मुसीबत को मुसीबत समझो
जो दर-ए-दोस्त से मिल जाए ग़नीमत समझो
झुक के जो सैंकड़ों फ़ित्नों को जगा सकती हैं
वो निगाहें अगर उट्ठें तो क़यामत समझो
नहीं होते हैं रिया-कारी के सज्दे मुझ से
मैं अगर सर न झुकाऊँ तो इबादत समझो
रफ़्ता रफ़्ता मिरी ख़ुद्दारी से वाक़िफ़ होगे
अभी कुछ दिन मिरे अंदाज़-ए-मोहब्बत समझो
जल्वा देखोगे कहाँ दिल के अलावा अपना
मिरे टूटे हुए आईने की क़िस्मत समझो
कम नहीं दूर असीरी में सहारा ये भी
क़ैद में याद-ए-नशेमन को ग़नीमत समझो
ख़ूब समझाया है ये कातिब-ए-क़िस्मत ने हमें
जो मयस्सर हो जहाँ में उसे क़िस्मत समझो
हम-जफ़ाओं को भी अंदाज़-ए-इनायत समझें
और तुम शुक्र-ए-सितम को भी शिकायत समझो
मेरी आँखों में अभी अश्क बहुत बाक़ी हैं
तुम जो महफ़िल में चराग़ों की ज़रूरत समझो
ऐ 'सबा' क्यूँ हो दर-ए-ग़ैर पे तौहीन-तलब
अपने ही दर को हमेशा दर-ए-दौलत समझो
kasrat-e-jalva ko ā.īna-e-vahdat samjho
jis kī sūrat nazar aa.e vahī sūrat samjho
ġham ko ġham aur na musībat ko musībat samjho
jo dar-e-dost se mil jaa.e ġhanīmat samjho
jhuk ke jo saiñkaḌoñ fitnoñ ko jagā saktī haiñ
vo nigāheñ agar uTTheñ to qayāmat samjho
nahīñ hote haiñ riyā-kārī ke sajde mujh se
maiñ agar sar na jhukā.ūñ to ibādat samjho
rafta rafta mirī ḳhuddārī se vāqif hoge
abhī kuchh din mire andāz-e-mohabbat samjho
jalva dekhoge kahāñ dil ke alāva apnā
mire TuuTe hue ā.īne kī qismat samjho
kam nahīñ duur asīrī meñ sahārā ye bhī
qaid meñ yād-e-nasheman ko ġhanīmat samjho
ḳhuub samjhāyā hai ye kātib-e-qismat ne hameñ
jo mayassar ho jahāñ meñ use qismat samjho
ham-jafāoñ ko bhī andāz-e-ināyat samjheñ
aur tum shukr-e-sitam ko bhī shikāyat samjho
merī āñkhoñ meñ abhī ashk bahut baaqī haiñ
tum jo mahfil meñ charāġhoñ kī zarūrat samjho
ai 'sabā' kyuuñ ho dar-e-ġhair pe tauhīn-talab
apne hī dar ko hamesha dar-e-daulat samjho
کثرت جلوہ کو آئینۂ وحدت سمجھو
جس کی صورت نظر آئے وہی صورت سمجھو
غم کو غم اور نہ مصیبت کو مصیبت سمجھو
جو در دوست سے مل جائے غنیمت سمجھو
جھک کے جو سینکڑوں فتنوں کو جگا سکتی ہیں
وہ نگاہیں اگر اٹھیں تو قیامت سمجھو
نہیں ہوتے ہیں ریاکاری کے سجدے مجھ سے
میں اگر سر نہ جھکاؤں تو عبادت سمجھو
رفتہ رفتہ مری خودداری سے واقف ہو گے
ابھی کچھ دن مرے انداز محبت سمجھو
جلوہ دیکھو گے کہاں دل کے علاوہ اپنا
مرے ٹوٹے ہوئے آئینے کی قسمت سمجھو
کم نہیں دور اسیری میں سہارا یہ بھی
قید میں یاد نشیمن کو غنیمت سمجھو
خوب سمجھایا ہے یہ کاتب قسمت نے ہمیں
جو میسر ہو جہاں میں اسے قسمت سمجھو
ہم جفاؤں کو بھی انداز عنایت سمجھیں
اور تم شکر ستم کو بھی شکایت سمجھو
میری آنکھوں میں ابھی اشک بہت باقی ہیں
تم جو محفل میں چراغوں کی ضرورت سمجھو
اے صباؔ کیوں ہو در غیر پہ توہین طلب
اپنے ہی در کو ہمیشہ در دولت سمجھو