एक ही बार नहीं है वो दुबारा कम है
मैं वो दरिया हूँ जिसे अपना किनारा कम है
वही तकरार है और एक वही यकसानी
इस शब-ओ-रोज़ में अब अपना गुज़ारा कम है
मेरे दिन रात में करना नहीं अब इस को शुमार
हिस्सा-ए-उम्र कोई मैं ने गुज़ारा कम है
मैं ज़ियादा हूँ बहुत उस के लिए अब तक भी
और मेरे लिए वो सारे का सारा कम है
उस की अपनी भी तवज्जोह नहीं मुझ पर कोई ख़ास
और मैं ने भी अभी उस को पुकारा कम है
आज पानी जो उछलता नहीं पहले की तरह
ऐसा लगता है कि इस में कोई धारा कम है
हाथ पैर आप ही मैं मार रहा हूँ फ़िलहाल
डूबते को अभी तिनके का सहारा कम है
मैं तो रखता हूँ बहुत रोज़ के रोज़ इन का हिसाब
आसमाँ पर कोई आज एक सितारा कम है
पेश-रफ़्त और अभी मुमकिन भी नहीं है कि 'ज़फ़र'
अभी उस शोख़ पे कुछ ज़ोर हमारा कम है
ek hī baar nahīñ hai vo dubāra kam hai
maiñ vo dariyā huuñ jise apnā kināra kam hai
vahī takrār hai aur ek vahī yaksānī
is shab-o-roz meñ ab apnā guzāra kam hai
mere din raat meñ karnā nahīñ ab is ko shumār
hissa-e-umr koī maiñ ne guzārā kam hai
maiñ ziyāda huuñ bahut us ke liye ab tak bhī
aur mere liye vo saare kā saarā kam hai
us kī apnī bhī tavajjoh nahīñ mujh par koī ḳhaas
aur maiñ ne bhī abhī us ko pukārā kam hai
aaj paanī jo uchhaltā nahīñ pahle kī tarah
aisā lagtā hai ki is meñ koī dhārā kam hai
haath pair aap hī maiñ maar rahā huuñ filhāl
Dūbte ko abhī tinke kā sahārā kam hai
maiñ to rakhtā huuñ bahut roz ke roz in kā hisāb
āsmāñ par koī aaj ek sitāra kam hai
pesh-raft aur abhī mumkin bhī nahīñ hai ki 'zafar'
abhī us shoḳh pe kuchh zor hamārā kam hai
ایک ہی بار نہیں ہے وہ دوبارہ کم ہے
میں وہ دریا ہوں جسے اپنا کنارہ کم ہے
وہی تکرار ہے اور ایک وہی یکسانی
اس شب و روز میں اب اپنا گزارہ کم ہے
میرے دن رات میں کرنا نہیں اب اس کو شمار
حصۂ عمر کوئی میں نے گزارا کم ہے
میں زیادہ ہوں بہت اس کے لیے اب تک بھی
اور میرے لیے وہ سارے کا سارا کم ہے
اس کی اپنی بھی توجہ نہیں مجھ پر کوئی خاص
اور میں نے بھی ابھی اس کو پکارا کم ہے
آج پانی جو اچھلتا نہیں پہلے کی طرح
ایسا لگتا ہے کہ اس میں کوئی دھارا کم ہے
ہاتھ پیر آپ ہی میں مار رہا ہوں فی الحال
ڈوبتے کو ابھی تنکے کا سہارا کم ہے
میں تو رکھتا ہوں بہت روز کے روز ان کا حساب
آسماں پر کوئی آج ایک ستارہ کم ہے
پیش رفت اور ابھی ممکن بھی نہیں ہے کہ ظفرؔ
ابھی اس شوخ پہ کچھ زور ہمارا کم ہے