एक दिन भी तो न अपनी रात नूरानी हुई
हम को क्या ऐ मह-जबीं गर चाँद-पेशानी हुई
सर्द-मेहरी का तिरी साक़ी नतीजा ये हुआ
आग के मोलों जो बिकती थी वो मय पानी हुई
अल्लाह अल्लाह फूट निकला रंग चाहत का मिरी
ज़हर खाया मैं ने पोशाक आप की धानी हुई
हम को हो सकता नहीं धोका हुजूम-ए-हश्र में
तेरी सूरत है अज़ल से जानी पहचानी हुई
ले उड़ी घूंगट के अंदर से निगाह-ए-मस्त होश
आज साक़ी ने पिलाई मय हमें छानी हुई
जान कर दुश्मन जो लिपटे जान में जाँ आ गई
बारकल्लाह किस मज़े की तुम से नादानी हुई
रफ़्ता रफ़्ता दीदा-ए-तर को डुबोया अश्क ने
पानी रिसते रिसते कश्ती मेरी तूफ़ानी हुई
कर गई दीवानगी हम को बरी हर जुर्म से
चाक-दामानी से अपनी पाक-दामानी हुई
ख़ून की चादर मुबारक बा-हया तलवार को
म्यान से बाहर निकल कर भी न उर्यानी हुई
रात को छुप कर निकल जाती है आँखों से 'जलील'
सैर देखो नींद भी कम-बख़्त सैलानी हुई
ek din bhī to na apnī raat nūrānī huī
ham ko kyā ai mah-jabīñ gar chāñd-peshānī huī
sard-mehrī kā tirī saaqī natīja ye huā
aag ke moloñ jo biktī thī vo mai paanī huī
allāh allāh phuuT niklā rañg chāhat kā mirī
zahr khāyā maiñ ne poshāk aap kī dhānī huī
ham ko ho saktā nahīñ dhokā hujūm-e-hashr meñ
terī sūrat hai azal se jaanī pahchānī huī
le uḌī ghūñgaT ke andar se nigāh-e-mast hosh
aaj saaqī ne pilā.ī mai hameñ chhānī huī
jaan kar dushman jo lipTe jaan meñ jaañ aa ga.ī
bārak-allāh kis maze kī tum se nādānī huī
rafta rafta dīda-e-tar ko Duboyā ashk ne
paanī riste riste kashtī merī tūfānī huī
kar ga.ī dīvāngī ham ko barī har jurm se
chāk-dāmānī se apnī pāk-dāmānī huī
ḳhuun kī chādar mubārak bā-hayā talvār ko
myaan se bāhar nikal kar bhī na uryānī huī
raat ko chhup kar nikal jaatī hai āñkhoñ se 'jalīl'
sair dekho niiñd bhī kam-baḳht sailānī huī
ایک دن بھی تو نہ اپنی رات نورانی ہوئی
ہم کو کیا اے مہ جبیں گر چاند پیشانی ہوئی
سرد مہری کا تری ساقی نتیجہ یہ ہوا
آگ کے مولوں جو بکتی تھی وہ مے پانی ہوئی
اللہ اللہ پھوٹ نکلا رنگ چاہت کا مری
زہر کھایا میں نے پوشاک آپ کی دھانی ہوئی
ہم کو ہو سکتا نہیں دھوکا ہجوم حشر میں
تیری صورت ہے ازل سے جانی پہچانی ہوئی
لے اڑی گھونگٹ کے اندر سے نگاہ مست ہوش
آج ساقی نے پلائی مے ہمیں چھانی ہوئی
جان کر دشمن جو لپٹے جان میں جاں آ گئی
بارک اللہ کس مزے کی تم سے نادانی ہوئی
رفتہ رفتہ دیدۂ تر کو ڈبویا اشک نے
پانی رستے رستے کشتی میری طوفانی ہوئی
کر گئی دیوانگی ہم کو بری ہر جرم سے
چاک دامانی سے اپنی پاک دامانی ہوئی
خون کی چادر مبارک با حیا تلوار کو
میان سے باہر نکل کر بھی نہ عریانی ہوئی
رات کو چھپ کر نکل جاتی ہے آنکھوں سے جلیلؔ
سیر دیکھو نیند بھی کمبخت سیلانی ہوئی