दूरी में क्यूँ कि हो न तमन्ना हुज़ूर की
मंज़िल को मेरी क़ुर्ब से निस्बत है दूर की
फ़ुर्क़त ने उस की वस्ल की तशवीश दूर की
तस्कीं नहीं है यूँ भी दिल-ए-ना-सुबूर की
मूसा के सर पे पाँव है अहल-ए-निगाह का
उस की गली में ख़ाक उड़ी कोह-ए-तूर की
कहता है अंजुमन को तिरी ख़ुल्द मुद्दई
इस बुल-हवस के दिल में तमन्ना है हूर की
वाइज़ ने मय-कदे को जो देखा तो जल गया
फैला गया चराँद शराब-ए-तहूर की
मूसा को क्यूँ न मौज-ए-तजल्ली धकेल दे
जल्वे से उस के गुल हुई मशअ'ल शुऊ'र की
अरबाब-ए-वक़्त जानते हैं रोज़गार ने
की सहव से वफ़ा तो तलाफ़ी ज़रूर की
रुस्वाइयों का हौसला घट घट के बढ़ गया
सामाँ है ख़ामुशी मिरी शोर-ए-नुशूर की
मेल आसमाँ का सू-ए-ज़मीं बे-सबब नहीं
ज़ेर-ए-क़दम जगह है सर-ए-पुर-ग़ुरूर की
उस से न मिलिए जिस से मिले दिल तमाम उम्र
सूझी हमें भी हिज्र में आख़िर को दूर की
पामाल कर रहा है सियह-रोज़ियों का जोश
मिट्टी ख़राब है मिरे कलबे में नूर की
क्या एक क़ुर्ब-ए-ग़ैर का सदमा न पोछिए
हैं दिल के आस पास बला दूर दूर की
मज़मूँ मिरे उड़ाए 'क़लक़' सब ने इस क़दर
सुनता हूँ मैं तराना ज़बानी तुयूर की
duurī meñ kyuuñ ki ho na tamannā huzūr kī
manzil ko merī qurb se nisbat hai duur kī
furqat ne us kī vasl kī tashvīsh duur kī
taskīñ nahīñ hai yuuñ bhī dil-e-nā-subūr kī
muusā ke sar pe paañv hai ahl-e-nigāh kā
us kī galī meñ ḳhaak uḌī koh-e-tūr kī
kahtā hai anjuman ko tirī ḳhuld mudda.ī
is bul-havas ke dil meñ tamannā hai huur kī
vaa.iz ne mai-kade ko jo dekhā to jal gayā
phailā gayā charāñd sharāb-e-tahūr kī
muusā ko kyuuñ na mauj-e-tajallī dhakel de
jalve se us ke gul huī mash.al shu.ūr kī
arbāb-e-vaqt jānte haiñ rozgār ne
kī sahv se vafā to talāfī zarūr kī
rusvā.iyoñ kā hausla ghaT ghaT ke baḌh gayā
sāmāñ hai ḳhāmushī mirī shor-e-nushūr kī
mel āsmāñ kā sū-e-zamīñ be-sabab nahīñ
zer-e-qadam jagah hai sar-e-pur-ġhurūr kī
us se na miliye jis se mile dil tamām umr
sūjhī hameñ bhī hijr meñ āḳhir ko duur kī
pāmāl kar rahā hai siyah-roziyoñ kā josh
miTTī ḳharāb hai mire kalabe meñ nuur kī
kyā ek qurb-e-ġhair kā sadma na pochhiye
haiñ dil ke aas paas balā duur duur kī
mazmūñ mire uḌaa.e 'qalaq' sab ne is qadar
suntā huuñ maiñ tarāna zabānī tuyūr kī
دوری میں کیوں کہ ہو نہ تمنا حضور کی
منزل کو میری قرب سے نسبت ہے دور کی
فرقت نے اس کی وصل کی تشویش دور کی
تسکیں نہیں ہے یوں بھی دل ناصبور کی
موسیٰ کے سر پہ پاؤں ہے اہل نگاہ کا
اس کی گلی میں خاک اڑی کوہ طور کی
کہتا ہے انجمن کو تری خلد مدعی
اس بوالہوس کے دل میں تمنا ہے حور کی
واعظ نے میکدے کو جو دیکھا تو جل گیا
پھیلا گیا چراند شراب طہور کی
موسیٰ کو کیوں نہ موج تجلی دھکیل دے
جلوے سے اس کے گل ہوئی مشعل شعور کی
ارباب وقت جانتے ہیں روزگار نے
کی سہو سے وفا تو تلافی ضرور کی
رسوائیوں کا حوصلہ گھٹ گھٹ کے بڑھ گیا
ساماں ہے خامشی مری شور نشور کی
میل آسماں کا سوئے زمیں بے سبب نہیں
زیر قدم جگہ ہے سر پر غرور کی
اس سے نہ ملیے جس سے ملے دل تمام عمر
سوجھی ہمیں بھی ہجر میں آخر کو دور کی
پامال کر رہا ہے سیہ روزیوں کا جوش
مٹی خراب ہے مرے کلبے میں نور کی
کیا ایک قرب غیر کا صدمہ نہ پوچھیے
ہیں دل کے آس پاس بلا دور دور کی
مضموں مرے اڑائے قلقؔ سب نے اس قدر
سنتا ہوں میں ترانہ زبانی طیور کی