दोस्त दुश्मन ने किए क़त्ल के सामाँ क्या क्या
जान-ए-मुश्ताक़ के पैदा हुए ख़्वाहाँ क्या क्या
आफ़तें ढाती है वो नर्गिस-ए-फ़तां क्या क्या
दाग़ देती है मुझे गर्दिश-ए-दौराँ क्या क्या
फिर सकी मेरे गले पर न छुरी है ज़ालिम
वर्ना गर्दूं से हुए कार-ए-नुमायाँ क्या क्या
हुस्न में पहलू-ए-ख़ुर्शीद मगर दाबेगा
दूर खिंचता है हमारा मह-ए-ताबाँ क्या क्या
रू-ए-दिलबर की सफ़ा से था बड़ा ही दा'वा
सामने हो के हुआ आइना हैराँ क्या क्या
आँखें गेसू के तसव्वुर में रहा करती हैं बंद
लुत्फ़ दिखलाता है ये ख़्वाब-ए-परेशाँ क्या क्या
गर्दिश-ए-चश्म दिखाता है कभी गर्दिश-ए-जाम
मेरी तदबीर में फिरता है ये दौराँ क्या क्या
चश्म-ए-बीना भी 'अता की दिल-ए-आगह भी दिया
मेरे अल्लाह ने मुझ पर किए एहसाँ क्या क्या
दोस्त ने जब न दम-ए-ज़ब्ह सिसकता छोड़ा
मेरे दुश्मन हुए हँस हँस के पशेमाँ क्या क्या
गर्दिश-ए-नर्गिस-ए-फ़त्ताँ ने तो दीवाना किया
देखो झंकवाए कुएँ चाह-ए-ज़नख़दाँ क्या क्या
जल गया आग में आप अपने मैं मानिंद-ए-चिनार
पीसते रह गए दाँत अर्रा-ओ-सोहाँ क्या क्या
कुछ कहे कोई मैं मुँह देख के रह जाता हूँ
कम दिमाग़ी ने किया है मुझे हैराँ क्या क्या
गर्म हरगिज़ न हुआ पहलू-ए-ख़ाली बे-यार
याद आवेगी मुझे फ़स्ल-ए-ज़मिस्ताँ क्या क्या
कोई मरदूद-ए-ख़लाइक़ नहीं मुझ सा 'आतिश'
क्या कहूँ कहते हैं हिंदू-ओ-मुसलमाँ क्या क्या
dost dushman ne kiye qatl ke sāmāñ kyā kyā
jān-e-mushtāq ke paidā hue ḳhvāhāñ kyā kyā
āfateñ Dhātī hai vo nargis-e-fatāñ kyā kyā
daaġh detī hai mujhe gardish-e-daurāñ kyā kyā
phir sakī mere gale par na chhurī hai zālim
varna gardūñ se hue kār-e-numāyāñ kyā kyā
husn meñ pahlū-e-ḳhurshīd magar dābegā
duur khiñchtā hai hamārā mah-e-tābāñ kyā kyā
rū-e-dilbar kī safā se thā baḌā hī dā'vā
sāmne ho ke huā aa.ina hairāñ kyā kyā
āñkheñ gesū ke tasavvur meñ rahā kartī haiñ band
lutf dikhlātā hai ye ḳhvāb-e-pareshāñ kyā kyā
gardish-e-chashm dikhātā hai kabhī gardish-e-jām
merī tadbīr meñ phirtā hai ye daurāñ kyā kyā
chashm-e-bīnā bhī 'atā kī dil-e-āgah bhī diyā
mere allāh ne mujh par kiye ehsāñ kyā kyā
dost ne jab na dam-e-zab.h sisaktā chhoḌā
mere dushman hue hañs hañs ke pashemāñ kyā kyā
gardish-e-nargis-e-fattāñ ne to dīvāna kiyā
dekho jañkvā.e kuñ.eñ chāh-e-zanaḳhdāñ kyā kyā
jal gayā aag meñ aap apne maiñ mānind-e-chinār
pīste rah ga.e daañt arra-o-sohāñ kyā kyā
kuchh kahe koī maiñ muñh dekh ke rah jaatā huuñ
kam dimāġhī ne kiyā hai mujhe hairāñ kyā kyā
garm hargiz na huā pahlū-e-ḳhālī be-yār
yaad āvegī mujhe fasl-e-zamistāñ kyā kyā
koī mardūd-e-ḳhalā.iq nahīñ mujh sā 'ātish'
kyā kahūñ kahte haiñ hindū-o-musalmāñ kyā kyā
دوست دشمن نے کئے قتل کے ساماں کیا کیا
جان مشتاق کے پیدا ہوئے خواہاں کیا کیا
آفتیں ڈھاتی ہے وہ نرگس فتاں کیا کیا
داغ دیتی ہے مجھے گردش دوراں کیا کیا
پھر سکی میرے گلے پر نہ چھری ہے ظالم
ورنہ گردوں سے ہوئے کار نمایاں کیا کیا
حسن میں پہلوئے خورشید مگر دابے گا
دور کھنچتا ہے ہمارا مہ تاباں کیا کیا
روئے دلبر کی صفا سے تھا بڑا ہی دعویٰ
سامنے ہو کے ہوا آئنہ حیراں کیا کیا
آنکھیں گیسو کے تصور میں رہا کرتی ہیں بند
لطف دکھلاتا ہے یہ خواب پریشاں کیا کیا
گردش چشم دکھاتا ہے کبھی گردش جام
میری تدبیر میں پھرتا ہے یہ دوراں کیا کیا
چشم بینا بھی عطا کی دل آگہ بھی دیا
میرے اللہ نے مجھ پر کئے احساں کیا کیا
دوست نے جب نہ دم ذبح سسکتا چھوڑا
میرے دشمن ہوئے ہنس ہنس کے پشیماں کیا کیا
گردش نرگس فتاں نے تو دیوانہ کیا
دیکھو جھنکوائے کنویں چاہ زنخداں کیا کیا
جل گیا آگ میں آپ اپنے میں مانند چنار
پیستے رہ گئے دانت ارہ و سوہاں کیا کیا
کچھ کہے کوئی میں منہ دیکھ کے رہ جاتا ہوں
کم دماغی نے کیا ہے مجھے حیراں کیا کیا
گرم ہرگز نہ ہوا پہلوئے خالی بے یار
یاد آوے گی مجھے فصل زمستاں کیا کیا
کوئی مردود خلائق نہیں مجھ سا آتشؔ
کیا کہوں کہتے ہیں ہندو و مسلماں کیا کیا