दिन की बेदर्द थकन चेहरे पे ले कर मत जा
बाम-ओ-दर जाग रहे होंगे अभी घर मत जा
मेरे पुरखों की विरासत का भरम रहने दे
तू हवेली को खुला देख के अंदर मत जा
बूँद भर दर्द सँभलता नहीं कम-ज़र्फ़ों से
रख के तू अपनी हथेली पे समुंदर मत जा
फूटने दे मिरी पलकों से ज़रा और लहू
ऐ मिरी नींद अभी छोड़ के बिस्तर मत जा
कुछ तो रहने दे अभी तर्क-ए-वफ़ा की ख़ातिर
तुझ को जाना है तो जा हाथ झटक कर मत जा
और कुछ देर ये मश्क़-ए-निगह-ए-नाज़ सही
सामने बैठ अभी फेंक के ख़ंजर मत जा
धूप क्या है तुझे अंदाज़ा नहीं है 'क़ैसर'
आबले पाँव में पड़ जाएँगे बाहर मत जा
din kī bedard thakan chehre pe le kar mat jā
bām-o-dar jaag rahe hoñge abhī ghar mat jā
mere purkhoñ kī virāsat kā bharam rahne de
tū havelī ko khulā dekh ke andar mat jā
buuñd bhar dard sañbhaltā nahīñ kam-zarfoñ se
rakh ke tū apnī hathelī pe samundar mat jā
phūTne de mirī palkoñ se zarā aur lahū
ai mirī niiñd abhī chhoḌ ke bistar mat jā
kuchh to rahne de abhī tark-e-vafā kī ḳhātir
tujh ko jaanā hai to jā haath jhaTak kar mat jā
aur kuchh der ye mashq-e-nigah-e-nāz sahī
sāmne baiTh abhī pheñk ke ḳhanjar mat jā
dhuup kyā hai tujhe andāza nahīñ hai 'qaisar'
aable paañv meñ paḌ jā.eñge bāhar mat jā
دن کی بے درد تھکن چہرے پہ لے کر مت جا
بام و در جاگ رہے ہوں گے ابھی گھر مت جا
میرے پرکھوں کی وراثت کا بھرم رہنے دے
تو حویلی کو کھلا دیکھ کے اندر مت جا
بوند بھر درد سنبھلتا نہیں کم ظرفوں سے
رکھ کے تو اپنی ہتھیلی پہ سمندر مت جا
پھوٹنے دے مری پلکوں سے ذرا اور لہو
اے مری نیند ابھی چھوڑ کے بستر مت جا
کچھ تو رہنے دے ابھی ترک وفا کی خاطر
تجھ کو جانا ہے تو جا ہاتھ جھٹک کر مت جا
اور کچھ دیر یہ مشق نگہ ناز سہی
سامنے بیٹھ ابھی پھینک کے خنجر مت جا
دھوپ کیا ہے تجھے اندازہ نہیں ہے قیصرؔ
آبلے پاؤں میں پڑ جائیں گے باہر مت جا