दिल शहीद-ए-रह-ए-दामाँ न हुआ था सो हुआ
टुकड़े टुकड़े जो गरेबाँ न हुआ था सो हुआ
बर्क़ बे-नूर है उस रुख़ की चमक के आगे
आलम-ए-नूर का इंसाँ न हुआ था सो हुआ
रोने पर मेरे हुआ हँस के वो गुल शर्मिंदा
ग़ुंचा साँ सर-ब-गरेबाँ न हुआ था सो हुआ
मैं ने रंगीं न किया उस का तड़प कर दामन
सर-ए-जल्लाद पे एहसाँ न हुआ था सो हुआ
हो गया देख के क़ाज़ी भी तरफ़-दार उस का
बे-गुनह ख़ून-ए-मुसलमाँ न हुआ था सो हुआ
हर ज़बाँ पर मिरी रुस्वाई का अफ़्साना है
नुस्ख़ा-ए-शौक़ परेशाँ न हुआ था सो हुआ
अरक़-आलूदा जबीं देख कै दिल डूब गया
शबनम-ए-बाग़ से तूफ़ाँ न हुआ था सो हुआ
क़त्ल कर के मुझे तलवार को तोड़ा उस ने
ख़ून-ए-नाहक़ से पशेमाँ न हुआ था सो हुआ
यार के रू-ए-किताबी की करूँ क्या तारीफ़
बा'द क़ुरआँ के जो क़ुरआँ न हुआ था सो हुआ
आँसू आँखों से निकलता है सो चिंगारी है
पर्दा-ए-दिल से नुमायाँ न हुआ था सो हुआ
आतिश-ए-इश्क़ से है दाग़ सरापा मेरा
आदमी सर्व-ए-चराग़ाँ न हुआ था सो हुआ
गर्द-ए-रह बन के हुआ संदल-ए-पेशानी-ए-यार
ज़र्रा ख़ुर्शीद-ए-दरख़्शाँ न हुआ था सो हुआ
पहरों ही मिस्रा-ए-सौदा है रुलाता 'आतिश'
तुझे ऐ दीदा-ए-गिर्यां न हुआ था सो हुआ
dil shahīd-e-rah-e-dāmāñ na huā thā so huā
TukḌe TukḌe jo garebāñ na huā thā so huā
barq be-nūr hai us ruḳh kī chamak ke aage
ālam-e-nūr kā insāñ na huā thā so huā
rone par mere huā hañs ke vo gul sharminda
ġhuncha saañ sar-ba-garebāñ na huā thā so huā
maiñ ne rangīñ na kiyā us kā taḌap kar dāman
sar-e-jallād pe ehsāñ na huā thā so huā
ho gayā dekh ke qaazī bhī taraf-dār us kā
be-gunah ḳhūn-e-musalmāñ na huā thā so huā
har zabāñ par mirī rusvā.ī kā afsāna hai
nusḳha-e-shauq pareshāñ na huā thā so huā
araq-ālūda jabīñ dekh kai dil Duub gayā
shabnam-e-bāġh se tūfāñ na huā thā so huā
qatl kar ke mujhe talvār ko toḌā us ne
ḳhūn-e-nāhaq se pashemāñ na huā thā so huā
yaar ke rū-e-kitābī kī karūñ kyā tārīf
baa'd qur.āñ ke jo qur.āñ na huā thā so huā
aañsū āñkhoñ se nikaltā hai so chingārī hai
parda-e-dil se numāyāñ na huā thā so huā
ātish-e-ishq se hai daaġh sarāpā merā
aadmī sarv-e-charāġhāñ na huā thā so huā
gard-e-rah ban ke huā sandal-e-peshānī-e-yār
zarra ḳhurshīd-e-daraḳhshāñ na huā thā so huā
pahroñ hī misra.a-e-saudā hai rulātā 'ātish'
tujhe ai dīda-e-giryāñ na huā thā so huā
دل شہید رہ داماں نہ ہوا تھا سو ہوا
ٹکڑے ٹکڑے جو گریباں نہ ہوا تھا سو ہوا
برق بے نور ہے اس رخ کی چمک کے آگے
عالم نور کا انساں نہ ہوا تھا سو ہوا
رونے پر میرے ہوا ہنس کے وہ گل شرمندہ
غنچہ ساں سر بہ گریباں نہ ہوا تھا سو ہوا
میں نے رنگیں نہ کیا اس کا تڑپ کر دامن
سر جلاد پہ احساں نہ ہوا تھا سو ہوا
ہو گیا دیکھ کے قاضی بھی طرف دار اس کا
بے گنہ خون مسلماں نہ ہوا تھا سو ہوا
ہر زباں پر مری رسوائی کا افسانہ ہے
نسخۂ شوق پریشاں نہ ہوا تھا سو ہوا
عرق آلودہ جبیں دیکھ کے دل ڈوب گیا
شبنم باغ سے طوفاں نہ ہوا تھا سو ہوا
قتل کر کے مجھے تلوار کو توڑا اس نے
خون ناحق سے پشیماں نہ ہوا تھا سو ہوا
یار کے روئے کتابی کی کروں کیا تعریف
بعد قرآں کے جو قرآں نہ ہوا تھا سو ہوا
آنسو آنکھوں سے نکلتا ہے سو چنگاری ہے
پردۂ دل سے نمایاں نہ ہوا تھا سو ہوا
آتش عشق سے ہے داغ سراپا میرا
آدمی سرو چراغاں نہ ہوا تھا سو ہوا
گرد رہ بن کے ہوا صندل پیشانیٔ یار
ذرہ خورشید درخشاں نہ ہوا تھا سو ہوا
پہروں ہی مصرع سودا ہے رلاتا آتشؔ
تجھے اے دیدۂ گریاں نہ ہوا تھا سو ہوا