दिल परेशान हुआ जाता है
और सामान हुआ जाता है
ख़िदमत-ए-पीर-ए-मुग़ाँ कर ज़ाहिद
तू अब इंसान हुआ जाता है
मौत से पहले मुझे क़त्ल करो
उस का एहसान हुआ जाता है
लज़्ज़त-ए-इश्क़ इलाही मिट जाए
दर्द अरमान हुआ जाता है
दम ज़रा लो कि मिरा दम तुम पर
अभी क़ुर्बान हुआ जाता है
गिर्या क्या ज़ब्त करूँ ऐ नासेह
अश्क पैमान हुआ जाता है
बेवफ़ाई से भी रफ़्ता रफ़्ता
वो मिरी जान हुआ जाता है
अर्सा-ए-हश्र में वो आ पहुँचे
साफ़ मैदान हुआ जाता है
मदद ऐ हिम्मत-ए-दुश्वार-पसंद
काम आसान हुआ जाता है
छाई जाती है ये वहशत कैसी
घर बयाबान हुआ जाता है
शिकवा सुन आँख मिला कर ज़ालिम
क्यूँ पशेमान हुआ जाता है
आतिश-ए-शौक़ बुझी जाती है
ख़ाक अरमान हुआ जाता है
उज़्र जाने में न कर ऐ क़ासिद
तू भी नादान हुआ जाता है
मुज़्तरिब क्यूँ न हों अरमाँ दिल में
क़ैद मेहमान हुआ जाता है
'दाग़' ख़ामोश न लग जाए नज़र
शे'र दीवान हुआ जाता है
dil pareshān huā jaatā hai
aur sāmān huā jaatā hai
ḳhidmat-e-pīr-e-muġhāñ kar zāhid
tū ab insān huā jaatā hai
maut se pahle mujhe qatl karo
us kā ehsān huā jaatā hai
lazzat-e-ishq ilāhī miT jaa.e
dard armān huā jaatā hai
dam zarā lo ki mirā dam tum par
abhī qurbān huā jaatā hai
girya kyā zabt karūñ ai nāseh
ashk paimān huā jaatā hai
bevafā.ī se bhī rafta rafta
vo mirī jaan huā jaatā hai
arsa-e-hashr meñ vo aa pahuñche
saaf maidān huā jaatā hai
madad ai himmat-e-dushvār-pasañd
kaam āsān huā jaatā hai
chhā.ī jaatī hai ye vahshat kaisī
ghar bayābān huā jaatā hai
shikva sun aañkh milā kar zālim
kyuuñ pashemān huā jaatā hai
ātish-e-shauq bujhī jaatī hai
ḳhaak armān huā jaatā hai
uzr jaane meñ na kar ai qāsid
tū bhī nādān huā jaatā hai
muztarib kyuuñ na hoñ armāñ dil meñ
qaid mehmān huā jaatā hai
'dāġh' ḳhāmosh na lag jaa.e nazar
sher dīvān huā jaatā hai
دل پریشان ہوا جاتا ہے
اور سامان ہوا جاتا ہے
خدمت پیر مغاں کر زاہد
تو اب انسان ہوا جاتا ہے
موت سے پہلے مجھے قتل کرو
اس کا احسان ہوا جاتا ہے
لذت عشق الٰہی مٹ جائے
درد ارمان ہوا جاتا ہے
دم ذرا لو کہ مرا دم تم پر
ابھی قربان ہوا جاتا ہے
گریہ کیا ضبط کروں اے ناصح
اشک پیمان ہوا جاتا ہے
بے وفائی سے بھی رفتہ رفتہ
وہ مری جان ہوا جاتا ہے
عرصۂ حشر میں وہ آ پہنچے
صاف میدان ہوا جاتا ہے
مدد اے ہمت دشوارپسند
کام آسان ہوا جاتا ہے
چھائی جاتی ہے یہ وحشت کیسی
گھر بیابان ہوا جاتا ہے
شکوہ سن آنکھ ملا کر ظالم
کیوں پشیمان ہوا جاتا ہے
آتش شوق بجھی جاتی ہے
خاک ارمان ہوا جاتا ہے
عذر جانے میں نہ کر اے قاصد
تو بھی نادان ہوا جاتا ہے
مضطرب کیوں نہ ہوں ارماں دل میں
قید مہمان ہوا جاتا ہے
داغؔ خاموش نہ لگ جائے نظر
شعر دیوان ہوا جاتا ہے