दिल मुब्तला-ए-लज़्ज़त-ए-आज़ार ही रहा
मरना फ़िराक़-ए-यार में दुश्वार ही रहा
हर दम ये शौक़ था उसे क़ुर्बान कीजिए
मैं वस्ल में भी जान से बे-ज़ार ही रहा
एहसान-ए-अफ़्व-ए-जुर्म से वो शर्मसार हूँ
बख़्शा गया मैं तो भी गुनहगार ही रहा
होती हैं हर तरह से मिरी पासदारियाँ
दुश्मन के पास भी वो मिरा यार ही रहा
दिन पहलुओं से टाल दिया कुछ न कह सके
हर चंद उन को वस्ल का इंकार ही रहा
ज़ाहिद की तौबा तौबा रही घूँट घूँट पर
सौ बोतलें उड़ा के भी हुश्यार ही रहा
देखीं हज़ार रश्क-ए-मसीहा की सूरतें
अच्छा रहा जो इश्क़ का बीमार ही रहा
सदक़े में तुम ने छोड़ दिए हैं बहुत असीर
मैं भी रिहा हुआ कि गिरफ़्तार ही रहा
लज़्ज़त वफ़ा में है न किसी की जफ़ा में है
दिलदार ही रहा न दिल-आज़ार ही रहा
जल्वे के बाद वस्ल की ख़्वाहिश ज़रूर थी
वो क्या रहा जो आशिक़-ए-दीदार ही रहा
कहते हैं जल के ग़ैर मोहब्बत से 'दाग़' की
माशूक़ उस के पास वफ़ादार ही रहा
dil mubtalā-e-lazzat-e-āzār hī rahā
marnā firāq-e-yār meñ dushvār hī rahā
har dam ye shauq thā use qurbān kījiye
maiñ vasl meñ bhī jaan se be-zār hī rahā
ehsān-e-afv-e-jurm se vo sharmsār huuñ
baḳhshā gayā maiñ to bhī gunahgār hī rahā
hotī haiñ har tarah se mirī pāsdāriyāñ
dushman ke paas bhī vo mirā yaar hī rahā
din pahluoñ se Taal diyā kuchh na kah sake
har chand un ko vasl kā inkār hī rahā
zāhid kī tauba tauba rahī ghūñT ghūñT par
sau botaleñ uḌā ke bhī hushyār hī rahā
dekhīñ hazār rashk-e-masīhā kī sūrateñ
achchhā rahā jo ishq kā bīmār hī rahā
sadqe meñ tum ne chhoḌ diye haiñ bahut asiir
maiñ bhī rihā huā ki giraftār hī rahā
lazzat vafā meñ hai na kisī kī jafā meñ hai
dildār hī rahā na dil-āzār hī rahā
jalve ke baad vasl kī ḳhvāhish zarūr thī
vo kyā rahā jo āshiq-e-dīdār hī rahā
kahte haiñ jal ke ġhair mohabbat se 'dāġh' kī
māshūq us ke paas vafādār hī rahā
دل مبتلائے لذت آزار ہی رہا
مرنا فراق یار میں دشوار ہی رہا
ہر دم یہ شوق تھا اسے قربان کیجئے
میں وصل میں بھی جان سے بے زار ہی رہا
احسان عفو جرم سے وہ شرمسار ہوں
بخشا گیا میں تو بھی گنہ گار ہی رہا
ہوتی ہیں ہر طرح سے مری پاسداریاں
دشمن کے پاس بھی وہ مرا یار ہی رہا
دن پہلوؤں سے ٹال دیا کچھ نہ کہہ سکے
ہر چند ان کو وصل کا انکار ہی رہا
زاہد کی توبہ توبہ رہی گھونٹ گھونٹ پر
سو بوتلیں اڑا کے بھی ہشیار ہی رہا
دیکھیں ہزار رشک مسیحا کی صورتیں
اچھا رہا جو عشق کا بیمار ہی رہا
صدقے میں تم نے چھوڑ دیئے ہیں بہت اسیر
میں بھی رہا ہوا کہ گرفتار ہی رہا
لذت وفا میں ہے نہ کسی کی جفا میں ہے
دل دار ہی رہا نہ دل آزار ہی رہا
جلوہ کے بعد وصل کی خواہش ضرور تھی
وہ کیا رہا جو عاشق دیدار ہی رہا
کہتے ہیں جل کے غیر محبت سے داغؔ کی
معشوق اس کے پاس وفادار ہی رہا