दिल-लगी अपनी तिरे ज़िक्र से किस रात न थी
सुब्ह तक शाम से या-हू के सिवा बात न थी
इल्तिजा तुझ से कब ऐ क़िबला-ए-हाजात न थी
तेरी दरगाह में किस रोज़ मुनाजात न थी
अब मुलाक़ात हुई है तो मुलाक़ात रहे
न मुलाक़ात थी जब तक कि मुलाक़ात न थी
ग़ुंचा-ए-गुल को न हँसना था तिरी सूरत से
छोटे से मुँह की सज़ा-वार बड़ी बात न थी
इब्तिदा से तुझे मौजूद समझता था मैं
मिरे तेरे कभी पर्दे की मुलाक़ात न थी
ऐ नसीम-ए-सहरी बहर-ए-असीरान-ए-क़फ़स
तोहफ़ा-तर निकहत-ए-गुल से कोई सौग़ात न थी
उन दिनों 'इश्क़ रुलाता था हमें सूरत-ए-अब्र
कौन सी फ़स्ल थी वो जिस में कि बरसात न थी
क्या कहूँ उस के जो मुझ पर करम-ए-पिन्हाँ थे
ज़ाहिरी यार से हर-चंद मुलाक़ात न थी
अपने बाँधे होए गाती तुझे देखा फड़का
दिलरुबा शय थी मिरी जान तिरी गात न थी
एक में मिल गए ऐ शाह-सवार अहल-ए-नियाज़
नाज़-ए-माशूक़ था तू सुन की तिरे लात न थी
लब के बोसे का है इंकार त'अज्जुब ऐ यार
फेरे साइल से जो मुँह को वो तिरी ज़ात न थी
कमर-ए-यार थी अज़-बस-कि निहायत नाज़ुक
सूझती बंदिश-ए-मज़मूँ की कोई घात न थी
उन दिनों होता था तू घर में हमारे शब-बाश
रोज़-ए-रौशन से कम ऐ मेहर-लक़ा रात न थी
बे-शुऊरों ने न समझा तो न समझा 'आतिश'
नुक्ता-संजों को लतीफ़ा थी तिरी बात न थी
dil-lagī apnī tire zikr se kis raat na thī
sub.h tak shaam se yā-hū ke sivā baat na thī
iltijā tujh se kab ai qibla-e-hājāt na thī
terī dargāh meñ kis roz munājāt na thī
ab mulāqāt huī hai to mulāqāt rahe
na mulāqāt thī jab tak ki mulāqāt na thī
ġhuncha-e-gul ko na hañsnā thā tirī sūrat se
chhoTe se muñh kī sazā-vār baḌī baat na thī
ibtidā se tujhe maujūd samajhtā thā maiñ
mire tere kabhī parde kī mulāqāt na thī
ai nasīm-e-saharī bahr-e-asīrān-e-qafas
tohfa-tar nik.hat-e-gul se koī sauġhāt na thī
un dinoñ 'ishq rulātā thā hameñ sūrat-e-abr
kaun sī fasl thī vo jis meñ ki barsāt na thī
kyā kahūñ us ke jo mujh par karam-e-pinhāñ the
zāhirī yaar se har-chand mulāqāt na thī
apne bāñdhe ho.e gaatī tujhe dekhā phaḌkā
dilrubā shai thī mirī jaan tirī gaat na thī
ek meñ mil ga.e ai shāh-savār ahl-e-niyāz
nāz-e-ma.ashūq thā tū sun kī tire laat na thī
lab ke bose kā hai inkār ta'ajjub ai yaar
phere saa.il se jo muñh ko vo tirī zaat na thī
kamar-e-yār thī az-bas-ki nihāyat nāzuk
sūjhtī bandish-e-mazmūñ kī koī ghaat na thī
un dinoñ hotā thā tū ghar meñ hamāre shab-bāsh
roz-e-raushan se kam ai mehr-laqā raat na thī
be-shu.ūroñ ne na samjhā to na samjhā 'ātish'
nukta-sanjoñ ko latīfa thī tirī baat na thī
دل لگی اپنی ترے ذکر سے کس رات نہ تھی
صبح تک شام سے یاہو کے سوا بات نہ تھی
التجا تجھ سے کب اے قبلۂ حاجات نہ تھی
تیری درگاہ میں کس روز مناجات نہ تھی
اب ملاقات ہوئی ہے تو ملاقات رہے
نہ ملاقات تھی جب تک کہ ملاقات نہ تھی
غنچۂ گل کو نہ ہنسنا تھا تری صورت سے
چھوٹے سے منہ کی سزاوار بڑی بات نہ تھی
ابتدا سے تجھے موجود سمجھتا تھا میں
مرے تیرے کبھی پردے کی ملاقات نہ تھی
اے نسیم سحری بہر اسیران قفس
تحفہ تر نکہت گل سے کوئی سوغات نہ تھی
ان دنوں عشق رلاتا تھا ہمیں صورت ابر
کون سی فصل تھی وہ جس میں کہ برسات نہ تھی
کیا کہوں اس کے جو مجھ پر کرم پنہاں تھے
ظاہری یار سے ہر چند ملاقات نہ تھی
اپنے باندھے ہوئے گاتی تجھے دیکھا پھڑکا
دل ربا شے تھی مری جان تری گات نہ تھی
ایک میں مل گئے اے شاہ سوار اہل نیاز
ناز معشوق تھا تو سن کی ترے لات نہ تھی
لب کے بوسہ کا ہے انکار تعجب اے یار
پھیرے سائل سے جو منہ کو وہ تری ذات نہ تھی
کمر یار تھی از بس کہ نہایت نازک
سوجھتی بندش مضموں کی کوئی گھات نہ تھی
ان دنوں ہوتا تھا تو گھر میں ہمارے شب باش
روز روشن سے کم اے مہر لقا رات نہ تھی
بے شعوروں نے نہ سمجھا تو نہ سمجھا آتشؔ
نکتہ سنجوں کو لطیفہ تھی تری بات نہ تھی