दिल लगाने की जगह आलम-ए-ईजाद नहीं
ख़्वाब आँखों ने बहुत देखे मगर याद नहीं
आज असीरों में वो हंगामा-ए-फ़रियाद नहीं
शायद अब कोई गुलिस्ताँ का सबक़ याद नहीं
सर-ए-शोरीदा सलामत है मगर क्या कहिए
दस्त-ए-फ़रहाद नहीं तेशा-ए-फ़रहाद नहीं
तौबा भी भूल गए इश्क़ में वो मार पड़ी
ऐसे औसान गए हैं कि ख़ुदा याद नहीं
दुश्मन ओ दोस्त से आबाद हैं दोनों पहलू
दिल सलामत है तो घर इश्क़ का बर्बाद नहीं
फ़िक्र-ए-इमरोज़ न अंदेशा-ए-फ़र्दा की ख़लिश
ज़िंदगी उस की जिसे मौत का दिन याद नहीं
निकहत-ए-गुल की है रफ़्तार हवा की पाबंद
रूह क़ालिब से निकलने पे भी आज़ाद नहीं
ज़िंदा हैं मुर्दा-परस्तों में अभी तक 'ग़ालिब'
मगर उस्ताद 'यगाना' सा अब उस्ताद नहीं
dil lagāne kī jagah ālam-e-ījād nahīñ
ḳhvāb āñkhoñ ne bahut dekhe magar yaad nahīñ
aaj asīroñ meñ vo hañgāma-e-fariyād nahīñ
shāyad ab koī gulistāñ kā sabaq yaad nahīñ
sar-e-shorīda salāmat hai magar kyā kahiye
dast-e-farhād nahīñ tesha-e-farhād nahīñ
tauba bhī bhuul ga.e ishq meñ vo maar paḌī
aise ausān ga.e haiñ ki ḳhudā yaad nahīñ
dushman o dost se ābād haiñ donoñ pahlū
dil salāmat hai to ghar ishq kā barbād nahīñ
fikr-e-imroz na andesha-e-fardā kī ḳhalish
zindagī us kī jise maut kā din yaad nahīñ
nik.hat-e-gul kī hai raftār havā kī pāband
ruuh qālib se nikalne pe bhī āzād nahīñ
zinda haiñ murda-parastoñ meñ abhī tak 'ġhālib'
magar ustād 'yagānā' sā ab ustād nahīñ
دل لگانے کی جگہ عالم ایجاد نہیں
خواب آنکھوں نے بہت دیکھے مگر یاد نہیں
آج اسیروں میں وہ ہنگامۂ فریاد نہیں
شاید اب کوئی گلستاں کا سبق یاد نہیں
سر شوریدہ سلامت ہے مگر کیا کہئے
دست فرہاد نہیں تیشۂ فرہاد نہیں
توبہ بھی بھول گئے عشق میں وہ مار پڑی
ایسے اوسان گئے ہیں کہ خدا یاد نہیں
دشمن و دوست سے آباد ہیں دونوں پہلو
دل سلامت ہے تو گھر عشق کا برباد نہیں
فکر امروز نہ اندیشۂ فردا کی خلش
زندگی اس کی جسے موت کا دن یاد نہیں
نکہت گل کی ہے رفتار ہوا کی پابند
روح قالب سے نکلنے پہ بھی آزاد نہیں
زندہ ہیں مردہ پرستوں میں ابھی تک غالبؔ
مگر استاد یگانہؔ سا اب استاد نہیں