दिल को रहीन-ए-बंद-ए-क़बा मत किया करो
है ला-इलाज इस की दवा मत किया करो
वैसे तो इख़्तियार है सारा तुम्हें मगर
जो नारवा है उस को रवा मत किया करो
तौफ़ीक़ तो हुई नहीं ख़ैरात की कभी
कहते हैं इस गली में सदा मत किया करो
जो मिल गए हैं उन की तवाज़ो को छोड़ कर
जो खो गए हैं उन का पता मत किया करो
इस का मोआमला है जुदा वज़्अ ही कुछ और
दिल में हिसाब-ए-तंगी-ए-जा मत किया करो
कुछ और लोग हैं यहाँ इस काम के लिए
वाजिब है जो भी क़र्ज़ अदा मत किया करो
जैसा भी है वो यार है अपना खुला-डला
कुछ इस लिए भी ख़ौफ़-ए-ख़ुदा मत किया करो
सच है कि हम से बात भी करना नमाज़ है
गर हो सके तो इस को क़ज़ा मत किया करो
तुम से तो है 'ज़फ़र' का बस इतना मुतालबा
ख़ुद से इसे ज़ियादा जुदा मत किया करो
dil ko rahīn-e-band-e-qabā mat kiyā karo
hai lā-ilāj is kī davā mat kiyā karo
vaise to iḳhtiyār hai saarā tumheñ magar
jo nāravā hai us ko ravā mat kiyā karo
taufīq to huī nahīñ ḳhairāt kī kabhī
kahte haiñ is galī meñ sadā mat kiyā karo
jo mil ga.e haiñ un kī tavāzo ko chhoḌ kar
jo kho ga.e haiñ un kā patā mat kiyā karo
is kā mo.āmla hai judā vaz.a hī kuchh aur
dil meñ hisāb-e-tañgi-e-jā mat kiyā karo
kuchh aur log haiñ yahāñ is kaam ke liye
vājib hai jo bhī qarz adā mat kiyā karo
jaisā bhī hai vo yaar hai apnā khulā-Dalā
kuchh is liye bhī ḳhauf-e-ḳhudā mat kiyā karo
sach hai ki ham se baat bhī karnā namāz hai
gar ho sake to is ko qazā mat kiyā karo
tum se to hai 'zafar' kā bas itnā mutālba
ḳhud se ise ziyāda judā mat kiyā karo
دل کو رہین بند قبا مت کیا کرو
ہے لا علاج اس کی دوا مت کیا کرو
ویسے تو اختیار ہے سارا تمہیں مگر
جو ناروا ہے اس کو روا مت کیا کرو
توفیق تو ہوئی نہیں خیرات کی کبھی
کہتے ہیں اس گلی میں صدا مت کیا کرو
جو مل گئے ہیں ان کی تواضع کو چھوڑ کر
جو کھو گئے ہیں ان کا پتا مت کیا کرو
اس کا معاملہ ہے جدا وضع ہی کچھ اور
دل میں حساب تنگی جا مت کیا کرو
کچھ اور لوگ ہیں یہاں اس کام کے لیے
واجب ہے جو بھی قرض ادا مت کیا کرو
جیسا بھی ہے وہ یار ہے اپنا کھلا ڈلا
کچھ اس لیے بھی خوف خدا مت کیا کرو
سچ ہے کہ ہم سے بات بھی کرنا نماز ہے
گر ہو سکے تو اس کو قضا مت کیا کرو
تم سے تو ہے ظفرؔ کا بس اتنا مطالبہ
خود سے اسے زیادہ جدا مت کیا کرو