दिल की कुदूरतें अगर इंसाँ से दूर हों
सारे निफ़ाक़ गब्र ओ मुसलमाँ से दूर हों
नज़दीक आ चुकी है सवारी बहार की
बर्ग-ए-ख़िज़ाँ-रसीदा गुलिस्ताँ से दूर हों
दिल इस क़दर गुदाज़ है बरसों ही ग़म रहे
आँसू जो अपने दीदा-ए-गिर्यां से दूर हों
मिटता नहीं नविश्ता-ए-क़िस्मत किसी तरह
जौहर कभी न ख़ंजर-ए-बुर्राँ से दूर हों
फ़स्ल-ए-बहार आई है कपड़ों को फाड़िए
दिल के बुख़ार दस्त-ओ-गरेबाँ से दूर हों
छिड़काव का इरादा है चश्म-ए-पुर-आब का
गर्द-ओ-ग़ुबार कूचा-ए-जानाँ से दूर हों
ये तंग कर रहा है तो उलझा रहे हैं वो
दामन के पाट पहले गरेबाँ से दूर हों
वहश ओ तुयूर को मिरी आहें करें हलाक
आब-ओ-गियाह कोह-ओ-बयाबाँ से दूर हों
मुमकिन नहीं नजात असीरान-ए-इश्क़ को
ये क़ैदी वो नहीं कि जो ज़िंदाँ से दूर हों
मुद्दत के ब'अद आए हैं सहरा में ऐ जुनूँ
दो आबले तो ख़ार-ए-मुग़ीलाँ से दूर हों
गर्दिश से चश्म-ए-यार के 'आतिश' अजब नहीं
जो जो अमल कि गर्दिश-ए-दौराँ से दूर हों
dil kī kudūrateñ agar insāñ se duur hoñ
saare nifāq gabr o musalmāñ se duur hoñ
nazdīk aa chukī hai savārī bahār kī
barg-e-ḳhizāñ-rasīda gulistāñ se duur hoñ
dil is qadar gudāz hai barsoñ hī ġham rahe
aañsū jo apne dīda-e-giryāñ se duur hoñ
miTtā nahīñ navishta-e-qismat kisī tarah
jauhar kabhī na ḳhanjar-e-burrāñ se duur hoñ
fasl-e-bahār aa.ī hai kapḌoñ ko phāḌiye
dil ke buḳhār dast-o-garebāñ se duur hoñ
chhiḌkāv kā irāda hai chashm-e-pur-āb kā
gard-o-ġhubār kūcha-e-jānāñ se duur hoñ
ye tañg kar rahā hai to uljhā rahe haiñ vo
dāman ke paaT pahle garebāñ se duur hoñ
vahsh o tuyūr ko mirī aa.heñ kareñ halāk
āb-o-giyāh koh-o-bayābāñ se duur hoñ
mumkin nahīñ najāt asīrān-e-ishq ko
ye qaidī vo nahīñ ki jo zindāñ se duur hoñ
muddat ke ba.ad aa.e haiñ sahrā meñ ai junūñ
do aable to ḳhār-e-muġhīlāñ se duur hoñ
gardish se chashm-e-yār ke 'ātish' ajab nahīñ
jo jo amal ki gardish-e-daurāñ se duur hoñ
دل کی کدورتیں اگر انساں سے دور ہوں
سارے نفاق گبر و مسلماں سے دور ہوں
نزدیک آ چکی ہے سواری بہار کی
برگ خزاں رسیدہ گلستاں سے دور ہوں
دل اس قدر گداز ہے برسوں ہی غم رہے
آنسو جو اپنے دیدۂ گریاں سے دور ہوں
مٹتا نہیں نوشتۂ قسمت کسی طرح
جوہر کبھی نہ خنجر براں سے دور ہوں
فصل بہار آئی ہے کپڑوں کو پھاڑیے
دل کے بخار دست و گریباں سے دور ہوں
چھڑکاؤ کا ارادہ ہے چشم پر آب کا
گرد و غبار کوچۂ جاناں سے دور ہوں
یہ تنگ کر رہا ہے تو الجھا رہے ہیں وہ
دامن کے پاٹ پہلے گریباں سے دور ہوں
وحش و طیور کو مری آہیں کریں ہلاک
آب و گیاہ کوہ و بیاباں سے دور ہوں
ممکن نہیں نجات اسیران عشق کو
یہ قیدی وہ نہیں کہ جو زنداں سے دور ہوں
مدت کے بعد آئے ہیں صحرا میں اے جنوں
دو آبلے تو خار مغیلاں سے دور ہوں
گردش سے چشم یار کے آتشؔ عجب نہیں
جو جو عمل کہ گردش دوراں سے دور ہوں