दिल है अपना न अब जिगर अपना
कर गई काम वो नज़र अपना
अब तो दोनों की एक हालत है
दिल सँभालूँ कि मैं जिगर अपना
मैं हूँ गो बे-ख़बर ज़माने से
दिल है पहलू में बा-ख़बर अपना
दिल में आए थे सैर करने को
रह पड़े वो समझ के घर अपना
था बड़ा मअ'रका मोहब्बत का
सर किया मैं ने दे के सर अपना
अश्क-बारी नहीं ये दर-पर्दा
हाल कहती है चश्म-ए-तर अपना
क्या असर था निगाह-ए-साक़ी में
नश्शा उतरा न उम्र भर अपना
चारा-गर दे मुझे दवा ऐसी
दर्द हो जाए चारा-गर अपना
वज़्अ-दारी की शान है ये 'जलील'
रंग बदला न उम्र भर अपना
dil hai apnā na ab jigar apnā
kar ga.ī kaam vo nazar apnā
ab to donoñ kī ek hālat hai
dil sambhālūñ ki maiñ jigar apnā
maiñ huuñ go be-ḳhabar zamāne se
dil hai pahlū meñ bā-ḳhabar apnā
dil meñ aa.e the sair karne ko
rah paḌe vo samajh ke ghar apnā
thā baḌā ma.arka mohabbat kā
sar kiyā maiñ ne de ke sar apnā
ashk-bārī nahīñ ye dar-parda
haal kahtī hai chashm-e-tar apnā
kyā asar thā nigāh-e-sāqī meñ
nashsha utrā na umr bhar apnā
chāra-gar de mujhe davā aisī
dard ho jaa.e chāra-gar apnā
vaz.a-dārī kī shaan hai ye 'jalīl'
rañg badlā na umr bhar apnā
دل ہے اپنا نہ اب جگر اپنا
کر گئی کام وہ نظر اپنا
اب تو دونوں کی ایک حالت ہے
دل سنبھالوں کہ میں جگر اپنا
میں ہوں گو بے خبر زمانے سے
دل ہے پہلو میں با خبر اپنا
دل میں آئے تھے سیر کرنے کو
رہ پڑے وہ سمجھ کے گھر اپنا
تھا بڑا معرکہ محبت کا
سر کیا میں نے دے کے سر اپنا
اشک باری نہیں یہ در پردہ
حال کہتی ہے چشم تر اپنا
کیا اثر تھا نگاہ ساقی میں
نشہ اترا نہ عمر بھر اپنا
چارہ گر دے مجھے دوا ایسی
درد ہو جائے چارہ گر اپنا
وضع داری کی شان ہے یہ جلیلؔ
رنگ بدلا نہ عمر بھر اپنا