दिल-ए-नाकाम के हैं काम ख़राब
कर लिया आशिक़ी में नाम ख़राब
इस ख़राबात का यही है मज़ा
कि रहे आदमी मुदाम ख़राब
देख कर जिंस-ए-दिल वो कहते हैं
क्यूँ करे कोई अपने दाम ख़राब
अब्र-ए-तर से सबा ही अच्छी थी
मेरी मिट्टी हुई तमाम ख़राब
वो भी साक़ी मुझे नहीं देता
वो जो टूटा पड़ा है जाम ख़राब
क्या मिला हम को ज़िंदगी के सिवा
वो भी दुश्वार ना-तमाम ख़राब
वाह क्या मुँह से फूल झड़ते हैं
ख़ूब-रू हो के ये कलाम ख़राब
चाल की रहनुमा-ए-इश्क़ ने भी
वो दिखाया जो था मक़ाम ख़राब
'दाग़' है बद-चलन तो होने दो
सौ में होता है इक ग़ुलाम ख़राब
dil-e-nākām ke haiñ kaam ḳharāb
kar liyā āshiqī meñ naam ḳharāb
is ḳharābāt kā yahī hai maza
ki rahe aadmī mudām ḳharāb
dekh kar jins-e-dil vo kahte haiñ
kyuuñ kare koī apne daam ḳharāb
abr-e-tar se sabā hī achchhī thī
merī miTTī huī tamām ḳharāb
vo bhī saaqī mujhe nahīñ detā
vo jo TuuTā paḌā hai jaam ḳharāb
kyā milā ham ko zindagī ke sivā
vo bhī dushvār nā-tamām ḳharāb
vaah kyā muñh se phuul jhaḌte haiñ
ḳhūb-rū ho ke ye kalām ḳharāb
chaal kī rahnumā-e-ishq ne bhī
vo dikhāyā jo thā maqām ḳharāb
'dāġh' hai bad-chalan to hone do
sau meñ hotā hai ik ġhulām ḳharāb
دل ناکام کے ہیں کام خراب
کر لیا عاشقی میں نام خراب
اس خرابات کا یہی ہے مزہ
کہ رہے آدمی مدام خراب
دیکھ کر جنس دل وہ کہتے ہیں
کیوں کرے کوئی اپنے دام خراب
ابر تر سے صبا ہی اچھی تھی
میری مٹی ہوئی تمام خراب
وہ بھی ساقی مجھے نہیں دیتا
وہ جو ٹوٹا پڑا ہے جام خراب
کیا ملا ہم کو زندگی کے سوا
وہ بھی دشوار ناتمام خراب
واہ کیا منہ سے پھول جھڑتے ہیں
خوب رو ہو کے یہ کلام خراب
چال کی رہنمائے عشق نے بھی
وہ دکھایا جو تھا مقام خراب
داغؔ ہے بد چلن تو ہونے دو
سو میں ہوتا ہے اک غلام خراب