दिल-ए-बे-ताब को कब वस्ल का यारा होता
शादी-ए-दौलत-ए-दीदार ने मारा होता
शब-ए-ग़म ज़हर ही खाने का मज़ा था वर्ना
इंतिज़ार-ए-सहर-ए-वस्ल ने मारा होता
शब-ए-हिज्राँ की बला टाले नहीं टलती है
भोर कर देते अगर ज़ोर हमारा होता
आई जिस शान से मदफ़न में सवारी मेरी
देखते ग़ैर तो मरना ही गवारा होता
क्यूँ न सीने से लगी रहती अमानत तेरी
दाग़-ए-दिल क्यूँ न हमें जान से प्यारा होता
सर झुकाए तिरी उम्मीद पे बैठे हैं हम
क़ातिल इस बार अमानत को उतारा होता
एक हो जाती अभी काफ़िर-ओ-दीं-दार की राह
अगर उन जुट्टी भुवों का इक इशारा होता
भीगती जाती है रात और अभी सोहबत है गर्म
जाम लब-रेज़ इसी आलम में हमारा होता
निगह-ए-लुत्फ़ से महरूम हूँ अब तक साक़ी
सफ़-ए-आख़िर की तरफ़ भी इक इशारा होता
दूर से साग़र-ओ-मीना को खड़ा तकता हूँ
दिल कोई रखता तो मुझ को भी पुकारा होता
दूर इतनी न कभी खिंचती अदम की मंज़िल
काश कुछ नक़्श-ए-क़दम ही का सहारा होता
यास अब आप कहाँ और कहाँ बाँग-ए-जरस
कौन इस वादी-ए-ग़ुर्बत में तुम्हारा होता
देखते रह गए 'यास' आप ने अच्छा न किया
डूबते वक़्त किसी को तो पुकारा होता
सूरत-ए-ज़ाहिरी इक पर्दा-ए-तारीक थी 'यास'
हुस्न-ए-मा'नी का कन-आँखियों से नज़ारा होता
dil-e-be-tāb ko kab vasl kā yaarā hotā
shādī-e-daulat-e-dīdār ne maarā hotā
shab-e-ġham zahr hī khāne kā maza thā varna
intizār-e-sahar-e-vasl ne maarā hotā
shab-e-hijrāñ kī balā Taale nahīñ Taltī hai
bhor kar dete agar zor hamārā hotā
aa.ī jis shaan se madfan meñ savārī merī
dekhte ġhair to marnā hī gavārā hotā
kyuuñ na siine se lagī rahtī amānat terī
dāġh-e-dil kyuuñ na hameñ jaan se pyārā hotā
sar jhukā.e tirī ummīd pe baiThe haiñ ham
qātil is baar amānat ko utārā hotā
ek ho jaatī abhī kāfir-o-dīñ-dār kī raah
agar un juTTī bhuvoñ kā ik ishārā hotā
bhīgtī jaatī hai raat aur abhī sohbat hai garm
jaam lab-rez isī aalam meñ hamārā hotā
nigah-e-lutf se mahrūm huuñ ab tak saaqī
saf-e-āḳhir kī taraf bhī ik ishārā hotā
duur se sāġhar-o-mīnā ko khaḌā taktā huuñ
dil koī rakhtā to mujh ko bhī pukārā hotā
duur itnī na kabhī khiñchtī adam kī manzil
kaash kuchh naqsh-e-qadam hī kā sahārā hotā
yaas ab aap kahāñ aur kahāñ bāñg-e-jaras
kaun is vādī-e-ġhurbat meñ tumhārā hotā
dekhte rah ga.e 'yās' aap ne achchhā na kiyā
Dūbte vaqt kisī ko to pukārā hotā
sūrat-e-zāhirī ik parda-e-tārīk thī 'yās'
husn-e-ma.anī kā kan-āñkhiyoñ se nazāra hotā
دل بے تاب کو کب وصل کا یارا ہوتا
شادیٔ دولت دیدار نے مارا ہوتا
شب غم زہر ہی کھانے کا مزہ تھا ورنہ
انتظار سحر وصل نے مارا ہوتا
شب ہجراں کی بلا ٹالے نہیں ٹلتی ہے
بھور کر دیتے اگر زور ہمارا ہوتا
آئی جس شان سے مدفن میں سواری میری
دیکھتے غیر تو مرنا ہی گوارا ہوتا
کیوں نہ سینے سے لگی رہتی امانت تیری
داغ دل کیوں نہ ہمیں جان سے پیارا ہوتا
سر جھکائے تری امید پہ بیٹھے ہیں ہم
قاتل اس بار امانت کو اتارا ہوتا
ایک ہو جاتی ابھی کافر و دیں دار کی راہ
اگر ان جٹی بھوؤں کا اک اشارا ہوتا
بھیگتی جاتی ہے رات اور ابھی صحبت ہے گرم
جام لب ریز اسی عالم میں ہمارا ہوتا
نگہ لطف سے محروم ہوں اب تک ساقی
صف آخر کی طرف بھی اک اشارا ہوتا
دور سے ساغر و مینا کو کھڑا تکتا ہوں
دل کوئی رکھتا تو مجھ کو بھی پکارا ہوتا
دور اتنی نہ کبھی کھنچتی عدم کی منزل
کاش کچھ نقش قدم ہی کا سہارا ہوتا
یاس اب آپ کہاں اور کہاں بانگ جرس
کون اس وادئ غربت میں تمہارا ہوتا
دیکھتے رہ گئے یاسؔ آپ نے اچھا نہ کیا
ڈوبتے وقت کسی کو تو پکارا ہوتا
صورت ظاہری اک پردۂ تاریک تھی یاسؔ
حسن معنی کا کن آنکھیوں سے نظارہ ہوتا