दिल बे-तब-ओ-ताब हो गया है
आईना ख़राब हो गया है
हर शख़्स है इश्तिहार अपना
हर चेहरा किताब हो गया है
हर साँस से आ रही हैं लपकें
हर लम्हा अज़ाब हो गया है
जिस दिन से बने हो तुम मसीहा
हाल और ख़राब हो गया है
होंटों पे खिला हुआ तबस्सुम
ज़ख़्मों की नक़ाब हो गया है
सोचा था तो इश्क़ था हक़ीक़त
देखा है तो ख़्वाब हो गया है
'क़ैसर' ग़म-ए-ज़िंदगी सिमट कर
इक जाम-ए-शराब हो गया है
dil be-tab-o-tāb ho gayā hai
ā.īna ḳharāb ho gayā hai
har shaḳhs hai ishtihār apnā
har chehra kitāb ho gayā hai
har saañs se aa rahī haiñ lapkeñ
har lamha azaab ho gayā hai
jis din se bane ho tum masīhā
haal aur ḳharāb ho gayā hai
hoñToñ pe khilā huā tabassum
zaḳhmoñ kī naqāb ho gayā hai
sochā thā to ishq thā haqīqat
dekhā hai to ḳhvāb ho gayā hai
'qaisar' ġham-e-zindagī simaT kar
ik jām-e-sharāb ho gayā hai
دل بے تب و تاب ہو گیا ہے
آئینہ خراب ہو گیا ہے
ہر شخص ہے اشتہار اپنا
ہر چہرہ کتاب ہو گیا ہے
ہر سانس سے آ رہی ہیں لپکیں
ہر لمحہ عذاب ہو گیا ہے
جس دن سے بنے ہو تم مسیحا
حال اور خراب ہو گیا ہے
ہونٹوں پہ کھلا ہوا تبسم
زخموں کی نقاب ہو گیا ہے
سوچا تھا تو عشق تھا حقیقت
دیکھا ہے تو خواب ہو گیا ہے
قیصرؔ غم زندگی سمٹ کر
اک جام شراب ہو گیا ہے