दिल बहुत तंग रहा करता है
रंग बे-रंग रहा करता है
हुस्न में तेरे कोई 'ऐब नहीं
क़ुब्ह में दंग रहा करता है
सुल्ह की दिल से हैं याँ मस्लिहतें
वाँ सर-ए-जंग रहा करता है
मोहतसिब को तिरे मस्तानों से
ख़ौफ़-ए-सरचंग रहा करता है
दिल मिरा पी के मोहब्बत की शराब
नश्शा में भंग रहा करता है
फ़ारसी 'आर है मुझ मजनूँ को
नंग से नंग रहा करता है
जौहर-ए-तेग़ दिखाता है हुस्न
'इश्क़ चौरंग रहा करता है
गुफ़्तनी हाल नहीं है अपना
कुछ 'अजब ढंग रहा करता है
हलब-ए-रुख़ में तिरे ख़ालों से
लश्कर-ए-ज़ंग रहा करता है
मंज़िल-ए-गोर के दीवानों के
सीना पर संग रहा करता है
'आलम-ए-वज्द तिरे मस्तों को
बे-दफ़-ओ-चंग रहा करता है
फ़ुंदुक-ए-दस्त-ए-सनम से नादिम
गुल-ए-औरंग रहा करता है
तेरे गोश-ए-शनवा का मुश्ताक़
हर ख़ुश-आहंग रहा करता है
बंदिश-ए-चुस्त से तेरी 'आतिश'
क़ाफ़िया तंग रहा करता है
dil bahut tang rahā kartā hai
rang be-rang rahā kartā hai
husn meñ tere koī 'aib nahīñ
qub.h meñ dang rahā kartā hai
sulh kī dil se haiñ yaañ maslihateñ
vaañ sar-e-jang rahā kartā hai
mohtasib ko tire mastānoñ se
ḳhauf-e-sarchang rahā kartā hai
dil mirā pī ke mohabbat kī sharāb
nashsha meñ bhañg rahā kartā hai
fārsī 'aar hai mujh majnūñ ko
nañg se nañg rahā kartā hai
jauhar-e-teġh dikhātā hai husn
'ishq chaurañg rahā kartā hai
guftanī haal nahīñ hai apnā
kuchh 'ajab Dhang rahā kartā hai
halab-e-ruḳh meñ tire ḳhāloñ se
lashkar-e-zañg rahā kartā hai
manzil-e-gor ke dīvānoñ ke
siina par sang rahā kartā hai
'ālam-e-vajd tire mastoñ ko
be-daf-o-chang rahā kartā hai
funduq-e-dast-e-sanam se nādim
gul-e-aurang rahā kartā hai
tere gosh-e-shanvā kā mushtāq
har ḳhush-āhañg rahā kartā hai
bandish-e-chust se terī 'ātish'
qāfiya tang rahā kartā hai
دل بہت تنگ رہا کرتا ہے
رنگ بے رنگ رہا کرتا ہے
حسن میں تیرے کوئی عیب نہیں
قبح میں دنگ رہا کرتا ہے
صلح کی دل سے ہیں یاں مصلحتیں
واں سر جنگ رہا کرتا ہے
محتسب کو ترے مستانوں سے
خوف سرچنگ رہا کرتا ہے
دل مرا پی کے محبت کی شراب
نشہ میں بھنگ رہا کرتا ہے
فارسی عار ہے مجھ مجنوں کو
ننگ سے ننگ رہا کرتا ہے
جوہر تیغ دکھاتا ہے حسن
عشق چورنگ رہا کرتا ہے
گفتنی حال نہیں ہے اپنا
کچھ عجب ڈھنگ رہا کرتا ہے
حلب رخ میں ترے خالوں سے
لشکر زنگ رہا کرتا ہے
منزل گور کے دیوانوں کے
سینہ پر سنگ رہا کرتا ہے
عالم وجد ترے مستوں کو
بے دف و چنگ رہا کرتا ہے
فندق دست صنم سے نادم
گل اورنگ رہا کرتا ہے
تیرے گوش شنوا کا مشتاق
ہر خوش آہنگ رہا کرتا ہے
بندش چست سے تیری آتشؔ
قافیہ تنگ رہا کرتا ہے