दिल 'अजब जल्वा-ए-उम्मीद दिखाता है मुझे
शाम से 'यास' सवेरा नज़र आता है मुझे
जल्वा-ए-दार-ओ-रसन अपने नसीबों में कहाँ
कौन दुनिया की निगाहों पे चढ़ाता है मुझे
दिल को लहराता है हंगामा-ए-ज़िंदान-ए-बला
शोर-ए-ईज़ा-तलबी वज्द में लाता है मुझे
पा-ए-आज़ाद है ज़िंदाँ के चलन से बाहर
बेड़ियाँ क्यूँ कोई दीवाना पिन्हाता है मुझे
हँस के कहता है कि घर अपना क़फ़स को समझो
सबक़ उल्टा मिरा सय्याद पढ़ाता है मुझे
जैसे दोज़ख़ की हवा खा के अभी आया है
किस क़दर वाइज़-ए-मक्कार डराता है मुझे
फट पड़ें अब ही दर-ओ-बाम तो पर्दा रह जाए
फ़लक-ए-ख़ाना-ख़राब आँख दिखाता है मुझे
दीदनी है चमन-आराई-ए-चश्म-ए-इबरत
सैर-ए-ताज़ा गुल-ए-पज़मुर्दा दिखाता है मुझे
तर्क-ए-मतलब से है मतलब तो दु'आएँ कैसी
सुब्ह तक क्यूँ दिल-ए-बीमार जगाता है मुझे
नंग-ए-महफ़िल मिरा ज़िंदा मिरा मुर्दा भारी
कौन उठाता है मुझे कौन बिठाता है मुझे
लब-ए-दरिया का हुआ मैं न तह-ए-दरिया का
कौन से घाट ये धारा लिए जाता है मुझे
पाँव सोए हैं मगर जागते हैं अपने नसीब
क्या समझ कर जरस-ए-गुंग जगाता है मुझे
'यास' मंज़िल है मिरी मंज़िल-ए-अनक़ा-ए-कमाल
लखनऊ में कोई क्यूँ ढूँडने आता है मुझे
dil 'ajab jalva-e-ummīd dikhātā hai mujhe
shaam se 'yās' saverā nazar aatā hai mujhe
jalva-e-dār-o-rasan apne nasīboñ meñ kahāñ
kaun duniyā kī nigāhoñ pe chaḌhātā hai mujhe
dil ko lahrātā hai hañgāma-e-znidān-e-balā
shor-e-īzā-talabī vajd meñ laatā hai mujhe
pā-e-āzād hai zindāñ ke chalan se bāhar
beḌiyāñ kyuuñ koī dīvāna phinātā hai mujhe
hañs ke kahtā hai ki ghar apnā qafas ko samjho
sabaq ulTā mirā sayyād paḌhātā hai mujhe
jaise dozaḳh kī havā khā ke abhī aayā hai
kis qadar vā.iz-e-makkār Darātā hai mujhe
phaT paḌeñ ab hī dar-o-bām to parda rah jaa.e
falak-e-ḳhāna-ḳharāb aañkh dikhātā hai mujhe
dīdanī hai chaman-ārā.ī-e-chashm-e-ibrat
sair-e-tāza gul-e-pazhmurda dikhātā hai mujhe
tark-e-matlab se hai matlab to du'ā.eñ kaisī
sub.h tak kyuuñ dil-e-bīmār jagātā hai mujhe
nañg-e-mahfil mirā zinda mirā murda bhārī
kaun uThātā hai mujhe kaun biThātā hai mujhe
lab-e-dariyā kā huā maiñ na tah-e-dariyā kā
kaun se ghaaT ye dhārā liye jaatā hai mujhe
paañv so.e haiñ magar jāgte haiñ apne nasīb
kyā samajh kar jaras-e-guñg jagātā hai mujhe
'yās' manzil hai mirī manzil-e-anqā-e-kamāl
lucknow meñ koī kyuuñ DhūñDne aatā hai mujhe
دل عجب جلوۂ امید دکھاتا ہے مجھے
شام سے یاسؔ سویرا نظر آتا ہے مجھے
جلوۂ دار و رسن اپنے نصیبوں میں کہاں
کون دنیا کی نگاہوں پہ چڑھاتا ہے مجھے
دل کو لہراتا ہے ہنگامۂ زندان بلا
شور ایذا طلبی وجد میں لاتا ہے مجھے
پائے آزاد ہے زنداں کے چلن سے باہر
بیڑیاں کیوں کوئی دیوانہ پہناتا ہے مجھے
ہنس کے کہتا ہے کہ گھر اپنا قفس کو سمجھو
سبق الٹا مرا صیاد پڑھاتا ہے مجھے
جیسے دوزخ کی ہوا کھا کے ابھی آیا ہے
کس قدر واعظ مکار ڈراتا ہے مجھے
پھٹ پڑیں اب ہی در و بام تو پردہ رہ جائے
فلک خانہ خراب آنکھ دکھاتا ہے مجھے
دیدنی ہے چمن آرائیٔ چشم عبرت
سیر تازہ گل پژمردہ دکھاتا ہے مجھے
ترک مطلب سے ہے مطلب تو دعائیں کیسی
صبح تک کیوں دل بیمار جگاتا ہے مجھے
ننگ محفل مرا زندہ مرا مردہ بھاری
کون اٹھاتا ہے مجھے کون بٹھاتا ہے مجھے
لب دریا کا ہوا میں نہ تہ دریا کا
کون سے گھاٹ یہ دھارا لیے جاتا ہے مجھے
پاؤں سوئے ہیں مگر جاگتے ہیں اپنے نصیب
کیا سمجھ کر جرس گنگ جگاتا ہے مجھے
یاسؔ منزل ہے مری منزل عنقائے کمال
لکھنؤ میں کوئی کیوں ڈھونڈنے آتا ہے مجھے