दीवानगी ने क्या क्या 'आलम दिखा दिए हैं
परियों ने खिड़कियों के पर्दे उठा दिए हैं
अल्लाह-रे फ़रोग़ उस रुख़्सार-ए-आतिशीं का
शम्ओं' के रंग मिस्ल-ए-काफ़ूर उड़ा दिए हैं
आतिश-नफ़्स हवा है गुलज़ार की हमारे
बिजली गिरी है ग़ुंचे जब मुस्कुरा दिए हैं
सौ बार गुल को उस ने तलवों तले मला है
कटवा के सर्व शमशाद अक्सर जला दिए हैं
इंसान-ए-ख़ूब-रू से बाक़ी रहे तफ़ावुत
इस वास्ते परी को दो पर लगा दिए हैं
अबरू-ए-कज से ख़ून-ए-उश्शाक़ क्या 'अजब है
तलवार ने निशान-ए-लश्कर मिटा दिए हैं
किस किस को ख़ूब कहिए अल्लाह ने बुतों को
क्या गोश ओ चश्म क्या लब क्या दस्त-ओ-पा दिए हैं
बे-यार बाम पर जो वहशत में चढ़ गया हूँ
परनाले रोते रोते मैं ने बहा दिए हैं
वस्फ़-ए-कमान-ए-अबरू जो कीजिए सो कम है
बे-तीर बिस्मिलों के तूदे लगा दिए हैं
रोया हूँ याद कर के मैं तेरी तुंद-ख़ूई
सरसर ने जब चराग़-ए-रौशन बुझा दिए हैं
सोज़-ए-दिल-ओ-जिगर की शिद्दत फिर आज-कल है
फिर पहलुओं के तकिए मश'अल बना दिए हैं
शम्ओं' को तू ने दिल से परवानों के उतारा
आँखों से बुलबुलों की गुलशन गिरा दिए हैं
वो बादा-कश हूँ मेरी आवाज़-ए-पा को सुन कर
शीशों ने सर हुज़ूर-ए-साग़र झुका दिए हैं
अश्कों से ख़ाना-ए-तन 'आतिश' ख़राब होगा
क़स्र-ए-सीपिहर-ए-रिफ़अत बाराँ ने ढा दिए हैं
dīvāngī ne kyā kyā 'ālam dikhā diye haiñ
pariyoñ ne khiḌkiyoñ ke parde uThā diye haiñ
allāh-re faroġh us ruḳhsār-e-ātishīñ kā
sham.oñ ke rañg misl-e-kāfūr uḌā diye haiñ
ātish-nafs havā hai gulzār kī hamāre
bijlī girī hai ġhunche jab muskurā diye haiñ
sau baar gul ko us ne talvoñ tale malā hai
kaTvā ke sarv shamshād aksar jalā diye haiñ
insān-e-ḳhūb-rū se baaqī rahe tafāvut
is vāste parī ko do par lagā diye haiñ
abrū-e-kaj se ḳhūn-e-ushshāq kyā 'ajab hai
talvār ne nishān-e-lashkar miTā diye haiñ
kis kis ko ḳhuub kahiye allāh ne butoñ ko
kyā gosh o chashm kyā lab kyā dast-o-pā diye haiñ
be-yār baam par jo vahshat meñ chaḌh gayā huuñ
parnāle rote rote maiñ ne bahā diye haiñ
vasf-e-kamān-e-abrū jo kījiye so kam hai
be-tīr bismiloñ ke tuude lagā diye haiñ
royā huuñ yaad kar ke maiñ terī tund-ḳhūī
sarsar ne jab charāġh-e-raushan bujhā diye haiñ
soz-e-dil-o-jigar kī shiddat phir āj-kal hai
phir pahluoñ ke takiye mash'al banā diye haiñ
sham.oñ ko tū ne dil se parvānoñ ke utārā
āñkhoñ se bulbuloñ kī gulshan girā diye haiñ
vo bāda-kash huuñ merī āvāz-e-pā ko sun kar
shīshoñ ne sar huzūr-e-sāġhar jhukā diye haiñ
ashkoñ se ḳhāna-e-tan 'ātish' ḳharāb hogā
qasr-e-sipihr-e-rif.at bārāñ ne Dhā diye haiñ
دیوانگی نے کیا کیا عالم دکھا دیے ہیں
پریوں نے کھڑکیوں کے پردے اٹھا دیے ہیں
اللہ رے فروغ اس رخسار آتشیں کا
شمعوں کے رنگ مثل کافور اڑا دیے ہیں
آتش نفس ہوا ہے گل زار کی ہمارے
بجلی گری ہے غنچے جب مسکرا دیے ہیں
سو بار گل کو اس نے تلووں تلے ملا ہے
کٹوا کے سرو شمشاد اکثر جلا دیے ہیں
انسان خوبرو سے باقی رہے تفاوت
اس واسطے پری کو دو پر لگا دیے ہیں
ابروئے کج سے خون عشاق کیا عجب ہے
تلوار نے نشان لشکر مٹا دیے ہیں
کس کس کو خوب کہئے اللہ نے بتوں کو
کیا گوش و چشم کیا لب کیا دست و پا دیے ہیں
بے یار بام پر جو وحشت میں چڑھ گیا ہوں
پرنالے روتے روتے میں نے بہا دیے ہیں
وصف کمان ابرو جو کیجیے سو کم ہے
بے تیر بسملوں کے تودے لگا دیے ہیں
رویا ہوں یاد کر کے میں تیری تند خوئی
صرصر نے جب چراغ روشن بجھا دیے ہیں
سوز دل و جگر کی شدت پھر آج کل ہے
پھر پہلوؤں کے تکیے مشعل بنا دیے ہیں
شمعوں کو تو نے دل سے پروانوں کے اتارا
آنکھوں سے بلبلوں کی گلشن گرا دیے ہیں
وہ بادہ کش ہوں میری آواز پا کو سن کر
شیشوں نے سر حضور ساغر جھکا دیے ہیں
اشکوں سے خانۂ تن آتشؔ خراب ہوگا
قصر سپہر رفعت باراں نے ڈھا دیے ہیں