देख कर जोबन तिरा किस किस को हैरानी हुई
इस जवानी पर जवानी आप दीवानी हुई
पर्दे पर्दे में मोहब्बत दुश्मन-ए-जानी हुई
ये ख़ुदा की मार क्या ऐ शौक़-ए-पिन्हानी हुई
दिल का सौदा कर के उन से क्या पशेमानी हुई
क़द्र उस की फिर कहाँ जिस शय की अर्ज़ानी हुई
मेरे घर उस शोख़ की दो दिन से मेहमानी हुई
बेकसी की आज कल क्या ख़ाना-वीरानी हुई
तर्क-ए-रस्म-ओ-राह पर अफ़्सोस है दोनों तरफ़
हम से नादानी हुई या तुम से नादानी हुई
इब्तिदा से इंतिहा तक हाल उन से कह तो दूँ
फ़िक्र ये है और जो कह कर पशेमानी हुई
ग़म क़यामत का नहीं वाइ'ज़ मुझे ये फ़िक्र है
दीन कब बाक़ी रहा दुनिया अगर फ़ानी हुई
तुम न शब को आओगे ये है यक़ीं आया हुआ
तुम न मानोगे मिरी ये बात है मानी हुई
मुझ में दम जब तक रहा मुश्किल में थे तीमारदार
मेरी आसानी से सब यारों की आसानी हुई
इस को क्या कहते हैं उतना ही बढ़ा शौक़-ए-विसाल
जिस क़दर मशहूर उन की पाक-दामानी हुई
बज़्म से उठने की ग़ैरत बैठने से दिल को रश्क
देख कर ग़ैरों का मजमा क्या परेशानी हुई
दावा-ए-तस्ख़ीर पर ये उस परी-वश ने कहा
आप का दिल क्या हुआ मोहर-ए-सुलेमानी हुई
खुल गईं ज़ुल्फ़ें मगर उस शोख़ मस्त-ए-नाज़ की
झूमती बाद-ए-सबा फिरती है मस्तानी हुई
मैं सरापा सज्दे करता उस के दर पर शौक़ से
सर से पा तक क्यूँ न पेशानी ही पेशानी हुई
दिल की क़ल्ब-ए-माहियत का हो उसे क्यूँकर यक़ीं
कब हवा मिट्टी हुई है आग कब पानी हुई
आते ही कहते हो अब घर जाएँगे अच्छी कही
ये मसल पूरी यहाँ मन-मानी घर जानी हुई
अरसा-ए-महशर में तुझ को ढूँड लाऊँ तो सही
कोई छुप सकती है जो सूरत हो पहचानी हुई
देख कर क़ातिल का ख़ाली हाथ भी जी डर गया
उस की चीन-ए-आस्तीं भी चीन-ए-पेशानी हुई
खा के धोका उस बुत-ए-कमसिन ने दामन में लिए
अश्क-अफ़्शानी भी मेरी गौहर-अफ़्शानी हुई
बेकसी पर मेरी अपनी तेग़ की हसरत तो देख
चश्म-ए-जौहर भी ब-शक्ल-ए-चश्म-ए-हैरानी हुई
बेकसी पर 'दाग़' की अफ़्सोस आता है हमें
किस जगह किस वक़्त उस की ख़ाना-वीरानी हुई
dekh kar joban tirā kis kis ko hairānī huī
is javānī par javānī aap dīvānī huī
parde parde meñ mohabbat dushman-e-jānī huī
ye ḳhudā kī maar kyā ai shauq-e-pinhānī huī
dil kā saudā kar ke un se kyā pashemānī huī
qadr us kī phir kahāñ jis shai kī arzānī huī
mere ghar us shoḳh kī do din se mehmānī huī
bekasī kī aaj kal kyā ḳhāna-vīrānī huī
tark-e-rasm-o-rāh par afsos hai donoñ taraf
ham se nādānī huī yā tum se nādānī huī
ibtidā se intihā tak haal un se kah to duuñ
fikr ye hai aur jo kah kar pashemānī huī
ġham qayāmat kā nahīñ vā'iz mujhe ye fikr hai
diin kab baaqī rahā duniyā agar faanī huī
tum na shab ko aaoge ye hai yaqīñ aayā huā
tum na mānoge mirī ye baat hai maanī huī
mujh meñ dam jab tak rahā mushkil meñ the tīmārdār
merī āsānī se sab yāroñ kī āsānī huī
is ko kyā kahte haiñ utnā hī baḌhā shauq-e-visāl
jis qadar mash.hūr un kī pāk-dāmānī huī
bazm se uThne kī ġhairat baiThne se dil ko rashk
dekh kar ġhairoñ kā majma.a kyā pareshānī huī
dāva-e-tasḳhīr par ye us parī-vash ne kahā
aap kā dil kyā huā mohr-e-sulemānī huī
khul ga.iiñ zulfeñ magar us shoḳh mast-e-nāz kī
jhūmtī bād-e-sabā phirtī hai mastānī huī
maiñ sarāpā sajde kartā us ke dar par shauq se
sar se pā tak kyuuñ na peshānī hī peshānī huī
dil kī qalb-e-māhiyat kā ho use kyūñkar yaqīñ
kab havā miTTī huī hai aag kab paanī huī
aate hī kahte ho ab ghar jā.eñge achchhī kahī
ye masal puurī yahāñ man-mānī ghar jaanī huī
arsa-e-mahshar meñ tujh ko DhūñD lā.ūñ to sahī
koī chhup saktī hai jo sūrat ho pahchānī huī
dekh kar qātil kā ḳhālī haath bhī jī Dar gayā
us kī chīn-e-āstīñ bhī chīn-e-peshānī huī
khā ke dhokā us but-e-kamsin ne dāman meñ liye
ashk-afshānī bhī merī gauhar-afshānī huī
bekasī par merī apnī teġh kī hasrat to dekh
chashm-e-jauhar bhī ba-shakl-e-chashm-e-hairānī huī
bekasī par 'dāġh' kī afsos aatā hai hameñ
kis jagah kis vaqt us kī ḳhāna-vīrānī huī
دیکھ کر جوبن ترا کس کس کو حیرانی ہوئی
اس جوانی پر جوانی آپ دیوانی ہوئی
پردے پردے میں محبت دشمن جانی ہوئی
یہ خدا کی مار کیا اے شوق پنہانی ہوئی
دل کا سودا کر کے ان سے کیا پشیمانی ہوئی
قدر اس کی پھر کہاں جس شے کی ارزانی ہوئی
میرے گھر اس شوخ کی دو دن سے مہمانی ہوئی
بیکسی کی آج کل کیا خانہ ویرانی ہوئی
ترک رسم و راہ پر افسوس ہے دونوں طرف
ہم سے نادانی ہوئی یا تم سے نادانی ہوئی
ابتدا سے انتہا تک حال ان سے کہہ تو دوں
فکر یہ ہے اور جو کہہ کر پشیمانی ہوئی
غم قیامت کا نہیں واعظ مجھے یہ فکر ہے
دین کب باقی رہا دنیا اگر فانی ہوئی
تم نہ شب کو آؤ گے یہ ہے یقیں آیا ہوا
تم نہ مانو گے مری یہ بات ہے مانی ہوئی
مجھ میں دم جب تک رہا مشکل میں تھے تیماردار
میری آسانی سے سب یاروں کی آسانی ہوئی
اس کو کیا کہتے ہیں اتنا ہی بڑھا شوق وصال
جس قدر مشہور ان کی پاک دامانی ہوئی
بزم سے اٹھنے کی غیرت بیٹھنے سے دل کو رشک
دیکھ کر غیروں کا مجمع کیا پریشانی ہوئی
دعویٰ تسخیر پر یہ اس پری وش نے کہا
آپ کا دل کیا ہوا مہر سلیمانی ہوئی
کھل گئیں زلفیں مگر اس شوخ مست ناز کی
جھومتی باد صبا پھرتی ہے مستانی ہوئی
میں سراپا سجدے کرتا اس کے در پر شوق سے
سر سے پا تک کیوں نہ پیشانی ہی پیشانی ہوئی
دل کی قلب ماہیت کا ہو اسے کیونکر یقیں
کب ہوا مٹی ہوئی ہے آگ کب پانی ہوئی
آتے ہی کہتے ہو اب گھر جائیں گے اچھی کہی
یہ مثل پوری یہاں من مانی گھر جانی ہوئی
عرصۂ محشر میں تجھ کو ڈھونڈ لاؤں تو سہی
کوئی چھپ سکتی ہے جو صورت ہو پہچانی ہوئی
دیکھ کر قاتل کا خالی ہاتھ بھی جی ڈر گیا
اس کی چین آستیں بھی چین پیشانی ہوئی
کھا کے دھوکا اس بت کمسن نے دامن میں لیے
اشک افشانی بھی میری گوہر افشانی ہوئی
بیکسی پر میری اپنی تیغ کی حسرت تو دیکھ
چشم جوہر بھی بشکل چشم حیرانی ہوئی
بیکسی پر داغؔ کی افسوس آتا ہے ہمیں
کس جگہ کس وقت اس کی خانہ ویرانی ہوئی