दौलत-ए-हुस्न की भी है क्या लूट
आँखों को पड़ गई है लूटा-लूट
चल रही है दिला हवा-ए-बहार
लाला फूला है दाग़-ए-सौदा लूट
सामने तेरे जो पड़े ऐ तुर्क
उस में का'बा हो या कलीसा लूट
चार दिन है बहार ऐ बुलबुल
ज़र-ए-गुल का हज़ार तोड़ा लूट
सफ़-ए-मिज़्गाँ से कह रही है वो चश्म
दिल मिलें जितने बे-तहाशा लूट
सर्फ़-ए-अल्लाह माल-ए-दुनिया कर
मर्द है कुछ तो बहर-ए-उक़्बा लूट
साफ़ दिल हो तो जल्वा-गर हो यार
आइना हो तो हो तमाशा लूट
नेमत-ख़्वान-ए-हुस्न जो मिल जाए
ये समझ ले है मन्न-ओ-सल्वा लूट
गौहर-ए-आबला हुए तो चले
लेंगे दीवानो ख़ार-ए-सहरा लूट
जानते हैं कि फ़ौज-ए-जंगी से
नहीं सरदार फेर लेता लूट
काम मर्दों का है ये ऐ 'आतिश'
रखती है जान का भी खटका लूट
daulat-e-husn kī bhī hai kyā luuT
āñkhoñ ko paḌ ga.ī hai lūTā-lūT
chal rahī hai dilā havā-e-bahār
laala phūlā hai dāġh-e-saudā luuT
sāmne tere jo paḌe ai turk
us meñ ka.aba ho yā kalīsā luuT
chaar din hai bahār ai bulbul
zar-e-gul kā hazār toḌā luuT
saf-e-mizhgāñ se kah rahī hai vo chashm
dil mileñ jitne be-tahāshā luuT
sarf-e-allāh māl-e-duniyā kar
mard hai kuchh to bahr-e-uqbā luuT
saaf dil ho to jalva-gar ho yaar
aa.ina ho to ho tamāshā luuT
ne.amat-ḳhvān-e-husn jo mil jaa.e
ye samajh le hai mann-o-salvā luuT
gauhar-e-ābla hue to chale
leñge dīvāno ḳhār-e-sahrā luuT
jānte haiñ ki fauj-e-jañgī se
nahīñ sardār pher letā luuT
kaam mardoñ kā hai ye ai 'ātish'
rakhtī hai jaan kā bhī khaTkā luuT
دولت حسن کی بھی ہے کیا لوٹ
آنکھوں کو پڑ گئی ہے لوٹا لوٹ
چل رہی ہے دلا ہوائے بہار
لالہ پھولا ہے داغ سودا لوٹ
سامنے تیرے جو پڑے اے ترک
اس میں کعبہ ہو یا کلیسا لوٹ
چار دن ہے بہار اے بلبل
زر گل کا ہزار توڑا لوٹ
صف مژگاں سے کہہ رہی ہے وہ چشم
دل ملیں جتنے بے تحاشا لوٹ
صرف اللہ مال دنیا کر
مرد ہے کچھ تو بہر عقبیٰ لوٹ
صاف دل ہو تو جلوہ گر ہو یار
آئنہ ہو تو ہو تماشا لوٹ
نعمت خوان حسن جو مل جائے
یہ سمجھ لے ہے من و سلویٰ لوٹ
گوہر آبلہ ہوئے تو چلے
لیں گے دیوانو خار صحرا لوٹ
جانتے ہیں کہ فوج جنگی سے
نہیں سردار پھیر لیتا لوٹ
کام مردوں کا ہے یہ اے آتشؔ
رکھتی ہے جان کا بھی کھٹکا لوٹ