दश्त-ए-तन्हाई में कल रात हवा कैसी थी
देर तक टूटते लम्हों की सदा कैसी थी
ज़िंदगी ने मिरा पीछा नहीं छोड़ा अब तक
उम्र भर सर से न उतरी ये बला कैसी थी
सुनते रहते थे मोहब्बत के फ़साने क्या क्या
बूँद भर दिल पे न बरसी ये घटा कैसी थी
क्या मिला फ़ैसला-ए-तर्क-ए-तअल्लुक़ कर के
तुम जो बिछड़े थे तो होंटों पे दुआ कैसी थी
टूट कर ख़ुद जो वो बिखरा है तो मालूम हुआ
जिस से लिपटा था वो दीवार-ए-अना कैसी थी
जिस्म से नोच के फेंकी भी तो ख़ुशबू न गई
ये रिवायात की बोसीदा क़बा कैसी थी
डूबते वक़्त भँवर पूछ रहा है 'क़ैसर'
जब किनारे से चले थे तो फ़ज़ा कैसी थी
dasht-e-tanhā.ī meñ kal raat havā kaisī thī
der tak TūTte lamhoñ kī sadā kaisī thī
zindagī ne mirā pīchhā nahīñ chhoḌā ab tak
umr bhar sar se na utrī ye balā kaisī thī
sunte rahte the mohabbat ke fasāne kyā kyā
buuñd bhar dil pe na barsī ye ghaTā kaisī thī
kyā milā faisla-e-tark-e-ta.alluq kar ke
tum jo bichhḌe the to hoñToñ pe duā kaisī thī
TuuT kar ḳhud jo vo bikhrā hai to mālūm huā
jis se lipTā thā vo dīvār-e-anā kaisī thī
jism se noch ke pheñkī bhī to ḳhushbū na ga.ī
ye rivāyāt kī bosīda qabā kaisī thī
Dūbte vaqt bhañvar pūchh rahā hai 'qaisar'
jab kināre se chale the to fazā kaisī thī
دشت تنہائی میں کل رات ہوا کیسی تھی
دیر تک ٹوٹتے لمحوں کی صدا کیسی تھی
زندگی نے مرا پیچھا نہیں چھوڑا اب تک
عمر بھر سر سے نہ اتری یہ بلا کیسی تھی
سنتے رہتے تھے محبت کے فسانے کیا کیا
بوند بھر دل پہ نہ برسی یہ گھٹا کیسی تھی
کیا ملا فیصلۂ ترک تعلق کر کے
تم جو بچھڑے تھے تو ہونٹوں پہ دعا کیسی تھی
ٹوٹ کر خود جو وہ بکھرا ہے تو معلوم ہوا
جس سے لپٹا تھا وہ دیوار انا کیسی تھی
جسم سے نوچ کے پھینکی بھی تو خوشبو نہ گئی
یہ روایات کی بوسیدہ قبا کیسی تھی
ڈوبتے وقت بھنور پوچھ رہا ہے قیصرؔ
جب کنارے سے چلے تھے تو فضا کیسی تھی