दरिया-ए-तुंद-मौज को सहरा बताइए
सीधा भी हो सवाल तो उल्टा बताइए
जैसा भी है वो सामने सब के है किस लिए
ऐसा बताइए उसे वैसा बताइए
क्यूँ छोड़ कर गया था वो क्यूँ फिर से आ गया
आगे बता भी सकते थे अब क्या बताइए
महफ़िल की रौनक़ें हों कि बाज़ार का हुजूम
ये दिल जहाँ भी हो इसे तन्हा बताइए
या क़त्ल कीजिए उसे अपने ही नाम पर
या अजनबी को शहर का रस्ता बताइए
जिस की कभी झलक भी न देखी हो उम्र भर
तू ही बता 'ज़फ़र' उसे कैसा बताइए
dariyā-e-tund-mauj ko sahrā batā.iye
sīdhā bhī ho savāl to ulTā batā.iye
jaisā bhī hai vo sāmne sab ke hai kis liye
aisā batā.iye use vaisā batā.iye
kyuuñ chhoḌ kar gayā thā vo kyuuñ phir se aa gayā
aage batā bhī sakte the ab kyā batā.iye
mahfil kī raunaqeñ hoñ ki bāzār kā hujūm
ye dil jahāñ bhī ho ise tanhā batā.iye
yā qatl kījiye use apne hī naam par
yā ajnabī ko shahr kā rastā batā.iye
jis kī kabhī jhalak bhī na dekhī ho umr bhar
tū hī batā 'zafar' use kaisā batā.iye
دریائے تند موج کو صحرا بتائیے
سیدھا بھی ہو سوال تو الٹا بتائیے
جیسا بھی ہے وہ سامنے سب کے ہے کس لیے
ایسا بتائیے اسے ویسا بتائیے
کیوں چھوڑ کر گیا تھا وہ کیوں پھر سے آ گیا
آگے بتا بھی سکتے تھے اب کیا بتائیے
محفل کی رونقیں ہوں کہ بازار کا ہجوم
یہ دل جہاں بھی ہو اسے تنہا بتائیے
یا قتل کیجئے اسے اپنے ہی نام پر
یا اجنبی کو شہر کا رستا بتائیے
جس کی کبھی جھلک بھی نہ دیکھی ہو عمر بھر
تو ہی بتا ظفرؔ اسے کیسا بتائیے