दरिया-ए-फ़िक्र-ए-नौ की रवानी में गिर गया
सूरज फिसल के बर्फ़ के पानी में गिर गया
जिस ने छुआ था मिसरा-ए-अव्वल में आसमान
वो शे'र आ के मिस्रा-ए-सानी में गिर गया
गंगा में बहती राख है इस बात की गवाह
बरगद का पेड़ टूट के पानी में गिर गया
रहज़न ने कुछ तो लूट लिया रख़्त-ए-ज़िंदगी
जो कुछ बचा था नक़्ल-ए-मकानी में गिर गया
न ज़लज़ला कोई न कोई और सानेहा
ऐवान-ए-रब्त तल्ख़-बयानी में गिर गया
जिस आइने में देख के सजती थीं तितलियाँ
वो आइना भी बाद-ए-ख़िज़ानी में गिर गया
dariyā-e-fikr-e-nau kī ravānī meñ gir gayā
sūraj phisal ke barf ke paanī meñ gir gayā
jis ne chhuā thā misra.a-e-avval meñ āsmān
vo sher aa ke misra-e-sānī meñ gir gayā
gangā meñ bahtī raakh hai is baat kī gavāh
bargad kā peḌ TuuT ke paanī meñ gir gayā
rahzan ne kuchh to luuT liyā raḳht-e-zindagī
jo kuchh bachā thā naql-e-makānī meñ gir gayā
na zalzala koī na koī aur sāneha
aivān-e-rabt talḳh-bayānī meñ gir gayā
jis aa.ine meñ dekh ke sajtī thiiñ titliyāñ
vo aa.ina bhī bād-e-ḳhizānī meñ gir gayā
دریائے فکر نو کی روانی میں گر گیا
سورج پھسل کے برف کے پانی میں گر گیا
جس نے چھوا تھا مصرع اول میں آسمان
وہ شعر آ کے مصرع ثانی میں گر گیا
گنگا میں بہتی راکھ ہے اس بات کی گواہ
برگد کا پیڑ ٹوٹ کے پانی میں گر گیا
رہزن نے کچھ تو لوٹ لیا رخت زندگی
جو کچھ بچا تھا نقل مکانی میں گر گیا
نہ زلزلہ کوئی نہ کوئی اور سانحہ
ایوان ربط تلخ بیانی میں گر گیا
جس آئنے میں دیکھ کے سجتی تھیں تتلیاں
وہ آئنہ بھی باد خزانی میں گر گیا