दरिया दूर नहीं और प्यासा रह सकता हूँ
उस से मिले बग़ैर भी ज़िंदा रह सकता हूँ
उस की बे-तौफ़ीक़ मोहब्बत के जंगल में
आधा गुम हो कर भी आधा रह सकता हूँ
कैसा रहता हूँ मत पूछो शहर में उस के
वैसा ही रहता हूँ जैसा रह सकता हूँ
तन्हा रहने में भी कोई उज़्र नहीं है
लेकिन उस के साथ ही तन्हा रह सकता हूँ
वो भी दामन छोड़ने को तय्यार नहीं है
मैं भी अभी इस शाख़ से उलझा रह सकता हूँ
कुछ मुझ को ख़ुद भी अंदाज़ा होना चाहिए
कितना ज़ाए हो कर कितना रह सकता हूँ
जिस हालत से निकल आया हूँ कोशिश करके
इस में वो चाहे तो दोबारा रह सकता हूँ
एक अनोखे ख़्वाब के अंदर सोते जागते
रहता हूँ मैं और हमेशा रह सकता हूँ
जितने फ़ासले पर रखता है 'ज़फ़र' वो मुझ को
रह भी सकता हूँ लेकिन क्या रह सकता हूँ
dariyā duur nahīñ aur pyāsā rah saktā huuñ
us se mile baġhair bhī zinda rah saktā huuñ
us kī be-taufīq mohabbat ke jangal meñ
aadhā gum ho kar bhī aadhā rah saktā huuñ
kaisā rahtā huuñ mat pūchho shahr meñ us ke
vaisā hī rahtā huuñ jaisā rah saktā huuñ
tanhā rahne meñ bhī koī uzr nahīñ hai
lekin us ke saath hī tanhā rah saktā huuñ
vo bhī dāman chhoḌne ko tayyār nahīñ hai
maiñ bhī abhī is shāḳh se uljhā rah saktā huuñ
kuchh mujh ko ḳhud bhī andāza honā chāhiye
kitnā zaa.e ho kar kitnā rah saktā huuñ
jis hālat se nikal aayā huuñ koshish karke
is meñ vo chāhe to dobāra rah saktā huuñ
ek anokhe ḳhvāb ke andar sote jāgte
rahtā huuñ maiñ aur hamesha rah saktā huuñ
jitne fāsle par rakhtā hai 'zafar' vo mujh ko
rah bhī saktā huuñ lekin kyā rah saktā huuñ
دریا دور نہیں اور پیاسا رہ سکتا ہوں
اس سے ملے بغیر بھی زندہ رہ سکتا ہوں
اس کی بے توفیق محبت کے جنگل میں
آدھا گم ہو کر بھی آدھا رہ سکتا ہوں
کیسا رہتا ہوں مت پوچھو شہر میں اس کے
ویسا ہی رہتا ہوں جیسا رہ سکتا ہوں
تنہا رہنے میں بھی کوئی عذر نہیں ہے
لیکن اس کے ساتھ ہی تنہا رہ سکتا ہوں
وہ بھی دامن چھوڑنے کو تیار نہیں ہے
میں بھی ابھی اس شاخ سے الجھا رہ سکتا ہوں
کچھ مجھ کو خود بھی اندازہ ہونا چاہیئے
کتنا ضائع ہو کر کتنا رہ سکتا ہوں
جس حالت سے نکل آیا ہوں کوشش کرکے
اس میں وہ چاہے تو دوبارہ رہ سکتا ہوں
ایک انوکھے خواب کے اندر سوتے جاگتے
رہتا ہوں میں اور ہمیشہ رہ سکتا ہوں
جتنے فاصلے پر رکھتا ہے ظفرؔ وہ مجھ کو
رہ بھی سکتا ہوں لیکن کیا رہ سکتا ہوں