दर्द मिन्नत-कश-ए-दरमाँ हो ज़रूरी तो नहीं
ज़ख़्म मरहम का ही ख़्वाहाँ हो ज़रूरी तो नहीं
दिल की गहराई में दाग़ों के चमन खिलते हैं
मेरा हर ज़ख़्म नुमायाँ हो ज़रूरी तो नहीं
आग है दोनों तरफ़ गरचे बराबर की लगी
फिर भी मुझ सा वो परेशाँ हो ज़रूरी तो नहीं
हिज्र में तेरे तसव्वुर के मज़े क्या कहने
हर कोई दीद का ख़्वाहाँ हो ज़रूरी तो नहीं
मुंतज़िर मैं तिरे आने का रहूँगा हर-दम
झूटा हर इक तिरा पैमाँ हो ज़रूरी तो नहीं
दिल से चाहूँ मैं जिसे वो भी तो चाहे मुझ को
पूरा ऐसा कभी अरमाँ हो ज़रूरी तो नहीं
मौत आती है कभी मादर-ए-मुशफ़िक़ की तरह
इस से हर शख़्स गुरेज़ाँ हो ज़रूरी तो नहीं
इश्क़ ने नासेह-ए-मुश्फ़िक़ की सुनी ही कब थी
अक़्ल ही दिल की निगहबाँ हो ज़रूरी तो नहीं
खेते किस वास्ते कश्ती को हो साहिल साहिल
न यहाँ ख़तरा-ए-तूफ़ाँ हो ज़रूरी तो नहीं
मैं समझता तो हूँ अंजाम-ए-मोहब्बत को 'हबीब'
दिल इस अंजाम से लर्ज़ां हो ज़रूरी तो नहीं
dard minnat-kash-e-darmāñ ho zarūrī to nahīñ
zaḳhm marham kā hī ḳhvāhāñ ho zarūrī to nahīñ
dil kī gahrā.ī meñ dāġhoñ ke chaman khilte haiñ
merā har zaḳhm numāyāñ ho zarūrī to nahīñ
aag hai donoñ taraf garche barābar kī lagī
phir bhī mujh sā vo pareshāñ ho zarūrī to nahīñ
hijr meñ tere tasavvur ke maze kyā kahne
har koī diid kā ḳhvāhāñ ho zarūrī to nahīñ
muntazir maiñ tire aane kā rahūñgā har-dam
jhūTā har ik tirā paimāñ ho zarūrī to nahīñ
dil se chāhūñ maiñ jise vo bhī to chāhe mujh ko
puurā aisā kabhī armāñ ho zarūrī to nahīñ
maut aatī hai kabhī mādar-e-mushfiq kī tarah
is se har shaḳhs gurezāñ ho zarūrī to nahīñ
ishq ne nāseh-e-mushfiq kī sunī hī kab thī
aql hī dil kī nigahbāñ ho zarūrī to nahīñ
khete kis vāste kashtī ko ho sāhil sāhil
na yahāñ ḳhatra-e-tūfāñ ho zarūrī to nahīñ
maiñ samajhtā to huuñ anjām-e-mohabbat ko 'habīb'
dil is anjām se larzāñ ho zarūrī to nahīñ
درد منت کش درماں ہو ضروری تو نہیں
زخم مرہم کا ہی خواہاں ہو ضروری تو نہیں
دل کی گہرائی میں داغوں کے چمن کھلتے ہیں
میرا ہر زخم نمایاں ہو ضروری تو نہیں
آگ ہے دونوں طرف گرچہ برابر کی لگی
پھر بھی مجھ سا وہ پریشاں ہو ضروری تو نہیں
ہجر میں تیرے تصور کے مزے کیا کہنے
ہر کوئی دید کا خواہاں ہو ضروری تو نہیں
منتظر میں ترے آنے کا رہوں گا ہر دم
جھوٹا ہر اک ترا پیماں ہو ضروری تو نہیں
دل سے چاہوں میں جسے وہ بھی تو چاہے مجھ کو
پورا ایسا کبھی ارماں ہو ضروری تو نہیں
موت آتی ہے کبھی مادر مشفق کی طرح
اس سے ہر شخص گریزاں ہو ضروری تو نہیں
عشق نے ناصح مشفق کی سنی ہی کب تھی
عقل ہی دل کی نگہباں ہو ضروری تو نہیں
کھیتے کس واسطے کشتی کو ہو ساحل ساحل
نہ یہاں خطرۂ طوفاں ہو ضروری تو نہیں
میں سمجھتا تو ہوں انجام محبت کو حبیبؔ
دل اس انجام سے لرزاں ہو ضروری تو نہیں