दहन पर हैं उन के गुमाँ कैसे कैसे
कलाम आते हैं दरमियाँ कैसे कैसे
ज़मीन-ए-चमन गुल खिलाती है क्या क्या
बदलता है रंग आसमाँ कैसे कैसे
तुम्हारे शहीदों में दाख़िल हुए हैं
गुल-ओ-लाला-ओ-अर्ग़वाँ कैसे कैसे
बहार आई है नश्शे में झूमते हैं
मुरीदान-ए-पीर-ए-मुग़ाँ कैसे कैसे
'अजब क्या छुटा रूह से जामा-ए-तन
लुटे राह में कारवाँ कैसे कैसे
तप-ए-हिज्र की काहिशों ने किए हैं
जुदा पोस्त से उस्तुख़्वाँ कैसे कैसे
न मुड़ कर भी बे-दर्द क़ातिल ने देखा
तड़पते रहे नीम-जाँ कैसे कैसे
न गोर-ए-सिकंदर न है क़ब्र-ए-दारा
मिटे नामियों के निशाँ कैसे कैसे
बहार-ए-गुलिस्ताँ की है आमद आमद
ख़ुशी फिरते हैं बाग़बाँ कैसे कैसे
तवज्जोह ने तेरी हमारे मसीहा
तवाना किए ना-तवाँ कैसे कैसे
दिल-ओ-दीदा-ए-अहल-ए-आलम में घर है
तुम्हारे लिए हैं मकाँ कैसे कैसे
ग़म-ओ-ग़ुस्सा ओ रंज-ओ-अंदोह-ओ-हिर्मां
हमारे भी हैं मेहरबाँ कैसे कैसे
तिरे किल्क-ए-क़ुदरत के क़ुर्बान आँखें
दिखाए हैं ख़ुश-रू जवाँ कैसे कैसे
करे जिस क़दर शुक्र-ए-ने'मत वो कम है
मज़े लूटती है ज़बाँ कैसे कैसे
dahan par haiñ un ke gumāñ kaise kaise
kalām aate haiñ darmiyāñ kaise kaise
zamīn-e-chaman gul khilātī hai kyā kyā
badaltā hai rang āsmāñ kaise kaise
tumhāre shahīdoñ meñ dāḳhil hue haiñ
gul-o-lāla-o-arġhavāñ kaise kaise
bahār aa.ī hai nashshe meñ jhūmte haiñ
murīdān-e-pīr-e-muġhāñ kaise kaise
'ajab kyā chhuTā ruuh se jāma-e-tan
luTe raah meñ kārvāñ kaise kaise
tap-e-hijr kī kāhishoñ ne kiye haiñ
judā post se ustuḳhvāñ kaise kaise
na muḌ kar bhī be-dard qātil ne dekhā
taḌapte rahe nīm-jāñ kaise kaise
na gor-e-sikandar na hai qabr-e-dārā
miTe nāmiyoñ ke nishāñ kaise kaise
bahār-e-gulistāñ kī hai aamad aamad
ḳhushī phirte haiñ bāġhbāñ kaise kaise
tavajjoh ne terī hamāre masīhā
tavānā kiye nā-tavāñ kaise kaise
dil-o-dīda-e-ahl-e-ālam meñ ghar hai
tumhāre liye haiñ makāñ kaise kaise
ġham-o-ġhussa o ranj-o-andoh-o-hirmāñ
hamāre bhī haiñ mehrbāñ kaise kaise
tire cilk-e-qudrat ke qurbān āñkheñ
dikhā.e haiñ ḳhush-rū javāñ kaise kaise
kare jis qadar shukr-e-ne'mat vo kam hai
maze lūTtī hai zabāñ kaise kaise
دہن پر ہیں ان کے گماں کیسے کیسے
کلام آتے ہیں درمیاں کیسے کیسے
زمین چمن گل کھلاتی ہے کیا کیا
بدلتا ہے رنگ آسماں کیسے کیسے
تمہارے شہیدوں میں داخل ہوئے ہیں
گل و لالہ و ارغواں کیسے کیسے
بہار آئی ہے نشہ میں جھومتے ہیں
مریدان پیر مغاں کیسے کیسے
عجب کیا چھٹا روح سے جامۂ تن
لٹے راہ میں کارواں کیسے کیسے
تپ ہجر کی کاہشوں نے کئے ہیں
جدا پوست سے استخواں کیسے کیسے
نہ مڑ کر بھی بے درد قاتل نے دیکھا
تڑپتے رہے نیم جاں کیسے کیسے
نہ گور سکندر نہ ہے قبر دارا
مٹے نامیوں کے نشاں کیسے کیسے
بہار گلستاں کی ہے آمد آمد
خوشی پھرتے ہیں باغباں کیسے کیسے
توجہ نے تیری ہمارے مسیحا
توانا کئے ناتواں کیسے کیسے
دل و دیدۂ اہل عالم میں گھر ہے
تمہارے لیے ہیں مکاں کیسے کیسے
غم و غصہ و رنج و اندوہ و حرماں
ہمارے بھی ہیں مہرباں کیسے کیسے
ترے کلک قدرت کے قربان آنکھیں
دکھائے ہیں خوش رو جواں کیسے کیسے
کرے جس قدر شکر نعمت وہ کم ہے
مزے لوٹتی ہے زباں کیسے کیسے