छक गए हैं आज इक साग़र से हम
हाथ धो बैठे मय-ए-कौसर से हम
बुत-कदे में जा के उस बुत का पता
पूछते फिरते हैं हर पत्थर से हम
क़स्द-ए-सहरा है दिल-ए-वीराँ के साथ
इक बयाबाँ ले चले हैं घर से हम
जब रग-ए-जाँ से कमी करता है ख़ून
छेड़ देते हैं उसे निश्तर से हम
किस क़दर कटती है राह-ए-शौक़ जल्द
तेज़ चलते हैं तिरे ख़ंजर से हम
क्या कहें किस से कहें किस के लिए
फिरते हैं चारों तरफ़ मुज़्तर से हम
वो सितमगर रू-ब-रू होगा तो 'दाग़'
क्या कहेंगे दावर-ए-महशर से हम
chhak ga.e haiñ aaj ik sāġhar se ham
haath dho baiThe mai-e-kausar se ham
but-kade meñ jā ke us but kā pata
pūchhte phirte haiñ har patthar se ham
qasd-e-sahrā hai dil-e-vīrāñ ke saath
ik bayābāñ le chale haiñ ghar se ham
jab rag-e-jāñ se kamī kartā hai ḳhuun
chheḌ dete haiñ use nishtar se ham
kis qadar kaTtī hai rāh-e-shauq jald
tez chalte haiñ tire ḳhanjar se ham
kyā kaheñ kis se kaheñ kis ke liye
phirte haiñ chāroñ taraf muztar se ham
vo sitamgar rū-ba-rū hogā to 'dāġh'
kyā kaheñge dāvar-e-mahshar se ham
چھک گئے ہیں آج اک ساغر سے ہم
ہاتھ دھو بیٹھے مئے کوثر سے ہم
بت کدہ میں جا کے اس بت کا پتہ
پوچھتے پھرتے ہیں ہر پتھر سے ہم
قصد صحرا ہے دل ویراں کے ساتھ
اک بیاباں لے چلے ہیں گھر سے ہم
جب رگ جاں سے کمی کرتا ہے خون
چھیڑ دیتے ہیں اسے نشتر سے ہم
کس قدر کٹتی ہے راہ شوق جلد
تیز چلتے ہیں ترے خنجر سے ہم
کیا کہیں کس سے کہیں کس کے لیے
پھرتے ہیں چاروں طرف مضطر سے ہم
وہ ستم گر روبرو ہوگا تو داغؔ
کیا کہیں گے داور محشر سے ہم