चश्म-ए-दिल पर कैफ़ है छाया हुआ
है तसव्वुर में कोई आया हुआ
दिल में है हर वक़्त इक महफ़िल जमी
क्या हुआ गर मैं कभी तन्हा हुआ
तेरे क़ाबिल तो नहीं है ये मगर
एक दिल लाया हूँ मैं टूटा हुआ
ज़िक्र फिर बिछड़े चमन का छिड़ गया
मुंदमिल था ज़ख़्म-ए-दिल ताज़ा हुआ
ऐ चमन से आने वालो कुछ कहो
मेरा भी इक आशियाँ था क्या हुआ
अब जवानी का करें क्या तज़्किरा
एक अफ़्साना सा है भूला हुआ
कर रहा है दिल का मातम किस लिए
दिल अगर टूटा तिरा अच्छा हुआ
उम्र गुज़री और हम देखा किए
ज़िंदगी का कारवाँ लूटा हुआ
ठोकरें खा खा के दुनिया में 'हबीब'
याद आया हर सबक़ भूला हुआ
chashm-e-dil par kaif hai chhāyā huā
hai tasavvur meñ koī aayā huā
dil meñ hai har vaqt ik mahfil jamī
kyā huā gar maiñ kabhī tanhā huā
tere qābil to nahīñ hai ye magar
ek dil laayā huuñ maiñ TuuTā huā
zikr phir bichhḌe chaman kā chhiḌ gayā
mundamil thā zaḳhm-e-dil taaza huā
ai chaman se aane vaalo kuchh kaho
merā bhī ik āshiyāñ thā kyā huā
ab javānī kā kareñ kyā tazkira
ek afsāna sā hai bhūlā huā
kar rahā hai dil kā mātam kis liye
dil agar TuuTā tirā achchhā huā
umr guzrī aur ham dekhā kiye
zindagī kā kārvāñ luuTā huā
Thokareñ khā khā ke duniyā meñ 'habīb'
yaad aayā har sabaq bhūlā huā
چشم دل پر کیف ہے چھایا ہوا
ہے تصور میں کوئی آیا ہوا
دل میں ہے ہر وقت اک محفل جمی
کیا ہوا گر میں کبھی تنہا ہوا
تیرے قابل تو نہیں ہے یہ مگر
ایک دل لایا ہوں میں ٹوٹا ہوا
ذکر پھر بچھڑے چمن کا چھڑ گیا
مندمل تھا زخم دل تازہ ہوا
اے چمن سے آنے والو کچھ کہو
میرا بھی اک آشیاں تھا کیا ہوا
اب جوانی کا کریں کیا تذکرہ
ایک افسانہ سا ہے بھولا ہوا
کر رہا ہے دل کا ماتم کس لیے
دل اگر ٹوٹا ترا اچھا ہوا
عمر گزری اور ہم دیکھا کیے
زندگی کا کارواں لوٹا ہوا
ٹھوکریں کھا کھا کے دنیا میں حبیبؔ
یاد آیا ہر سبق بھولا ہوا