चराग़-ए-ज़ीस्त बुझा दिल से इक धुआँ निकला
लगा के आग मिरे घर से मेहमाँ निकला
दिल अपना ख़ाक था फिर ख़ाक को जलाना क्या
न कोई शो'ला उठा और न कुछ धुआँ निकला
सुनेंगे छेड़ के अफ़्साना-ए-दिल-ए-मरहूम
इधर से मुल्क-ए-अदम का जो कारवाँ निकला
तड़प के आबला-पा उठ खड़े हुए आख़िर
तलाश-ए-यार में जब कोई कारवाँ निकला
लहू लगा के शहीदों में हो गए दाख़िल
हवस तो निकली मगर हौसला कहाँ निकला
हरीम-ए-नाज़ में शायद किसी को दख़्ल नहीं
दिल अज़ीज़ भी ना-ख़्वांदा मेहमाँ निकला
निहाँ था ख़ाना-ए-दिल में ही शाहिद-ए-मक़्सूद
जो बे-निशाँ था वो दीवार-ए-दरमियाँ निकला
है फ़न्न-ए-इश्क़ का उस्ताद बस दिल-ए-वहशी
मरीज़-ए-ग़म का यही इक मिज़ाज-दाँ निकला
लगा है दिल को अब अंजाम-कार का खटका
बहार-ए-गुल से भी इक पहलू-ए-ख़िज़ाँ निकला
ज़माना फिर गया चलने लगी हवा उल्टी
चमन को आग लगा कर जो बाग़बाँ निकला
हमारे सब्र की खाते हैं अब क़सम अग़्यार
जफ़ा-कशी का मज़ा बा'द-ए-इम्तिहाँ निकला
ख़ुशी से हो गए बद-ख़्वाह मेरे शादी-ए-मर्ग
कफ़न पहन के जो मैं घर से ना-गहाँ निकला
अजल से बढ़ के मुहाफ़िज़ नहीं कोई अपना
ख़ुदा की शान कि दुश्मन निगाह-बाँ निकला
दिखाया गोर-ए-सिकंदर ने बढ़ के आईना
जो सर उठा के कोई ज़ेर-ए-आसमाँ निकला
लहद से बढ़ के नहीं कोई गोशा-ए-राहत
क़यामत आई जो इस घर से मेहमाँ निकला
अब अपनी रूह है और सैर-ए-आलम-ए-बाला
कुएँ से यूसुफ़-ए-गुम-ए-कर्दा-कारवाँ निकला
कलाम-ए-'यास' से दुनिया में फिर इक आग लगी
ये कौन हज़रत-ए-'आतिश' का हम-ज़बाँ निकला
charāġh-e-zīst bujhā dil se ik dhuāñ niklā
lagā ke aag mire ghar se mehmāñ niklā
dil apnā ḳhaak thā phir ḳhaak ko jalānā kyā
na koī sho.ala uThā aur na kuchh dhuāñ niklā
suneñge chheḌ ke afsāna-e-dil-e-marhūm
idhar se mulk-e-adam kā jo kārvāñ niklā
taḌap ke ābla-pā uTh khaḌe hue āḳhir
talāsh-e-yār meñ jab koī kārvāñ niklā
lahū lagā ke shahīdoñ meñ ho ga.e dāḳhil
havas to niklī magar hausla kahāñ niklā
harīm-e-nāz meñ shāyad kisī ko daḳhl nahīñ
dil aziiz bhī nā-ḳhvāñda mehmāñ niklā
nihāñ thā ḳhāna-e-dil meñ hī shāhid-e-maqsūd
jo be-nishāñ thā vo dīvār-e-darmiyāñ niklā
hai fann-e-ishq kā ustād bas dil-e-vahshī
marīz-e-ġham kā yahī ik mizāj-dāñ niklā
lagā hai dil ko ab anjām-kār kā khaTkā
bahār-e-gul se bhī ik pahlū-e-ḳhizāñ niklā
zamāna phir gayā chalne lagī havā ulTī
chaman ko aag lagā kar jo bāġhbāñ niklā
hamāre sabr kī khāte haiñ ab qasam aġhyār
jafā-kashī kā maza ba.ad-e-imtihāñ niklā
ḳhushī se ho ga.e bad-ḳhvāh mere shādī-e-marg
kafan pahan ke jo maiñ ghar se nā-gahāñ niklā
ajal se baḌh ke muhāfiz nahīñ koī apnā
ḳhudā kī shaan ki dushman nigāh-bāñ niklā
dikhāyā gor-e-sikandar ne baḌh ke ā.īna
jo sar uThā ke koī zer-e-āsmāñ niklā
lahad se baḌh ke nahīñ koī gosha-e-rāhat
qayāmat aa.ī jo is ghar se mehmāñ niklā
ab apnī ruuh hai aur sair-e-ālam-e-bālā
kueñ se yūsuf-e-gum-karda-kārvāñ niklā
kalām-e-'yās' se duniyā meñ phir ik aag lagī
ye kaun hazrat-e-'ātish' kā ham-zabāñ niklā
چراغ زیست بجھا دل سے اک دھواں نکلا
لگا کے آگ مرے گھر سے میہماں نکلا
دل اپنا خاک تھا پھر خاک کو جلانا کیا
نہ کوئی شعلہ اٹھا اور نہ کچھ دھواں نکلا
سنیں گے چھیڑ کے افسانۂ دل مرحوم
ادھر سے ملک عدم کا جو کارواں نکلا
تڑپ کے آبلہ پا اٹھ کھڑے ہوئے آخر
تلاش یار میں جب کوئی کارواں نکلا
لہو لگا کے شہیدوں میں ہو گئے داخل
ہوس تو نکلی مگر حوصلہ کہاں نکلا
حریم ناز میں شاید کسی کو دخل نہیں
دل عزیز بھی نا خواندہ میہماں نکلا
نہاں تھا خانۂ دل میں ہی شاہد مقصود
جو بے نشاں تھا وہ دیوار درمیاں نکلا
ہے فن عشق کا استاد بس دل وحشی
مریض غم کا یہی اک مزاج داں نکلا
لگا ہے دل کو اب انجام کار کا کھٹکا
بہار گل سے بھی اک پہلوئے خزاں نکلا
زمانہ پھر گیا چلنے لگی ہوا الٹی
چمن کو آگ لگا کر جو باغباں نکلا
ہمارے صبر کی کھاتے ہیں اب قسم اغیار
جفا کشی کا مزہ بعد امتحاں نکلا
خوشی سے ہو گئے بد خواہ میرے شادیٔ مرگ
کفن پہن کے جو میں گھر سے ناگہاں نکلا
اجل سے بڑھ کے محافظ نہیں کوئی اپنا
خدا کی شان کہ دشمن نگاہ باں نکلا
دکھایا گور سکندر نے بڑھ کے آئینہ
جو سر اٹھا کے کوئی زیر آسماں نکلا
لحد سے بڑھ کے نہیں کوئی گوشۂ راحت
قیامت آئی جو اس گھر سے میہماں نکلا
اب اپنی روح ہے اور سیر عالم بالا
کنویں سے یوسف گم کردہ کارواں نکلا
کلام یاسؔ سے دنیا میں پھر اک آگ لگی
یہ کون حضرت آتشؔ کا ہم زباں نکلا