चमके गा अभी मेरे ख़यालात से आगे
वो नक़्श कि था दाग़-ए-मुलाक़ात से आगे
लगता है कि मुश्किल है अभी दिन का निकलना
है रात कोई और भी इस रात से आगे
इस वहम से वापस नहीं पल्टा हूँ कि होगा
कुछ और भी इस ख़्वाब-ए-तिलिस्मात से आगे
आराम से पीछे वो हटा देता है मुझ को
बढ़ता हूँ अगर उस की हिदायात से आगे
दौरान-ए-सफ़र करता हूँ आराम भी लेकिन
होता हूँ ठहरने के मक़ामात से आगे
'उक़्दा इसी ख़ातिर कोई होता ही नहीं हल
हैं सारे सवालात जवाबात से आगे
आगाह किया है तो हुए और भी ग़ाफ़िल
वाक़िफ़ जो नहीं थे मिरे हालात से आगे
हो सकता है क्या कोई भला उन के बराबर
रहते हैं जो ख़ुद अपने बयानात से आगे
इतना भी बहुत है जो 'ज़फ़र' क़हत-ए-नवा में
निकली है कोई बात मिरी बात से आगे
chamke gā abhī mere ḳhayālāt se aage
vo naqsh ki thā dāġh-e-mulāqāt se aage
lagtā hai ki mushkil hai abhī din kā nikalnā
hai raat koī aur bhī is raat se aage
is vahm se vāpas nahīñ palTā huuñ ki hogā
kuchh aur bhī is ḳhvāb-e-tilismāt se aage
ārām se pīchhe vo haTā detā hai mujh ko
baḌhtā huuñ agar us kī hidāyāt se aage
daurān-e-safar kartā huuñ ārām bhī lekin
hotā huuñ Thaharne ke maqāmāt se aage
'uqda isī ḳhātir koī hotā hī nahīñ hal
haiñ saare savālāt javābāt se aage
āgāh kiyā hai to hue aur bhī ġhāfil
vāqif jo nahīñ the mire hālāt se aage
ho saktā hai kyā koī bhalā un ke barābar
rahte haiñ jo ḳhud apne bayānāt se aage
itnā bhī bahut hai jo 'zafar' qaht-e-navā meñ
niklī hai koī baat mirī baat se aage
چمکے گا ابھی میرے خیالات سے آگے
وہ نقش کہ تھا داغ ملاقات سے آگے
لگتا ہے کہ مشکل ہے ابھی دن کا نکلنا
ہے رات کوئی اور بھی اس رات سے آگے
اس وہم سے واپس نہیں پلٹا ہوں کہ ہوگا
کچھ اور بھی اس خواب طلسمات سے آگے
آرام سے پیچھے وہ ہٹا دیتا ہے مجھ کو
بڑھتا ہوں اگر اس کی ہدایات سے آگے
دوران سفر کرتا ہوں آرام بھی لیکن
ہوتا ہوں ٹھہرنے کے مقامات سے آگے
عقدہ اسی خاطر کوئی ہوتا ہی نہیں حل
ہیں سارے سوالات جوابات سے آگے
آگاہ کیا ہے تو ہوئے اور بھی غافل
واقف جو نہیں تھے مرے حالات سے آگے
ہو سکتا ہے کیا کوئی بھلا ان کے برابر
رہتے ہیں جو خود اپنے بیانات سے آگے
اتنا بھی بہت ہے جو ظفرؔ قحط نوا میں
نکلی ہے کوئی بات مری بات سے آگے