चमन में ख़ार ही क्या गुल भी दिल-फ़िगार मिले
फ़रेब-ख़ुर्दा-ए-रंगीनी-ए-बहार मिले
मज़ा तो जब है कि वो आफ़्ताब-ए-सुब्ह-ए-जमाल
गले लिपट के सर-ए-शाम-ए-इंतिज़ार मिले
निगाह-ए-यास से मुँह तक रहा हूँ इक इक का
कोई तो बज़्म-ए-रक़ीबाँ में ग़म-गुसार मिले
जिन्हों ने अपने लहू से चमन को सींचा था
उन्हीं के जैब-ओ-गरेबान तार तार मिले
मैं उन के वा'दों का यूँ भी यक़ीन करता हूँ
मिले मिले न मिले लुत्फ़-ए-इंतिज़ार मिले
क़फ़स के बा'द चमन में ये देखना है मुझे
ख़िज़ाँ मिले कि वहाँ मौसम-ए-बहार मिले
वही तो फ़िक्र-ए-सुख़न आज-कल करे 'जाफ़र'
जिसे हयात का माहौल ख़ुश-गवार मिले
chaman meñ ḳhaar hī kyā gul bhī dil-figār mile
fareb-ḳhurda-e-rañgīnī-e-bahār mile
maza to jab hai ki vo āftāb-e-sub.h-e-jamāl
gale lipaT ke sar-e-shām-e-intizār mile
nigāh-e-yās se muñh tak rahā huuñ ik ik kā
koī to bazm-e-raqībañ meñ ġham-gusār mile
jinhoñ ne apne lahū se chaman ko sīñchā thā
unhīñ ke jaib-o-garebān taar taar mile
maiñ un ke va.adoñ kā yuuñ bhī yaqīn kartā huuñ
mile mile na mile lutf-e-intizār mile
qafas ke ba.ad chaman meñ ye dekhnā hai mujhe
ḳhizāñ mile ki vahāñ mausam-e-bahār mile
vahī to fikr-e-suḳhan āj-kal kare 'ja.afar'
jise hayāt kā māhaul ḳhush-gavār mile
چمن میں خار ہی کیا گل بھی دل فگار ملے
فریب خوردۂ رنگینیٔ بہار ملے
مزہ تو جب ہے کہ وہ آفتاب صبح جمال
گلے لپٹ کے سر شام انتظار ملے
نگاہ یاس سے منہ تک رہا ہوں اک اک کا
کوئی تو بزم رقیباں میں غم گسار ملے
جنہوں نے اپنے لہو سے چمن کو سینچا تھا
انہیں کے جیب و گریبان تار تار ملے
میں ان کے وعدوں کا یوں بھی یقین کرتا ہوں
ملے ملے نہ ملے لطف انتظار ملے
قفس کے بعد چمن میں یہ دیکھنا ہے مجھے
خزاں ملے کہ وہاں موسم بہار ملے
وہی تو فکر سخن آج کل کرے جعفرؔ
جسے حیات کا ماحول خوش گوار ملے