चाल ऐसी वो शोख़ चलता है
हश्र का जिस पे दम निकलता है
अश्क-ए-ख़ूँ क्यूँ न आँख से टपकें
दिल का अरमाँ यूँही निकलता है
साक़िया एक जाम के चलते
कितने प्यासों का काम चलता है
मैं किसी सरज़मीं का क़स्द करूँ
आसमाँ साथ साथ चलता है
हाए गर्दिश वो चश्म-ए-साक़ी की
मैं ये समझा कि जाम चलता है
सर्व है नाम नख़्ल-ए-उल्फ़त का
फूलता है कभी न फलता है
क्या ज़माना भी है असीर तिरा
कि इशारे पे तेरे चलता है
तीर दिल का न खींच रहने दे
लुत्फ़-ए-सोहबत है जी बहलता है
शेर-ए-रंगीं न समझो उन को 'जलील'
तूति-ए-फ़िक्र लाल उगलता है
chaal aisī vo shoḳh chaltā hai
hashr kā jis pe dam nikaltā hai
ashk-e-ḳhūñ kyuuñ na aañkh se Tapkeñ
dil kā armāñ yūñhī nikaltā hai
sāqiyā ek jaam ke chalte
kitne pyāsoñ kā kaam chaltā hai
maiñ kisī sarzamīñ kā qasd karūñ
āsmāñ saath saath chaltā hai
haa.e gardish vo chashm-e-sāqī kī
maiñ ye samjhā ki jaam chaltā hai
sarv hai naam naḳhl-e-ulfat kā
phūltā hai kabhī na phaltā hai
kyā zamāna bhī hai asiir tirā
ki ishāre pe tere chaltā hai
tiir dil kā na khīñch rahne de
lutf-e-sohbat hai jī bahaltā hai
sher-e-rañgīñ na samjho un ko 'jalīl'
tūti-e-fikr laal ugaltā hai
چال ایسی وہ شوخ چلتا ہے
حشر کا جس پہ دم نکلتا ہے
اشک خوں کیوں نہ آنکھ سے ٹپکیں
دل کا ارماں یوں ہی نکلتا ہے
ساقیا ایک جام کے چلتے
کتنے پیاسوں کا کام چلتا ہے
میں کسی سرزمیں کا قصد کروں
آسماں ساتھ ساتھ چلتا ہے
ہائے گردش وہ چشم ساقی کی
میں یہ سمجھا کہ جام چلتا ہے
سرو ہے نام نخل الفت کا
پھولتا ہے کبھی نہ پھلتا ہے
کیا زمانہ بھی ہے اسیر ترا
کہ اشارے پہ تیرے چلتا ہے
تیر دل کا نہ کھینچ رہنے دے
لطف صحبت ہے جی بہلتا ہے
شعر رنگیں نہ سمجھو ان کو جلیلؔ
طوطی فکر لعل اگلتا ہے