चाक हो पर्दा-ए-वहशत मुझे मंज़ूर नहीं
वर्ना ये हाथ गरेबान से कुछ दूर नहीं
सज्दे करने से मिटा ख़त्त-ए-जबीं ऐ ज़ाहिद
हम कहे देते हैं क़िस्मत में तिरी हूर नहीं
मोहतसिब माने-ए'-इ'ल्लत है गुमान-ए-मय से
सूँघने को भी मयस्सर मुझे अंगूर नहीं
लब तक आई थी शिकायत कि मोहब्बत ने कहा
देख पछताएगा ख़ामोश ये दस्तूर नहीं
रात दिन नामा-ओ-पैग़ाम कहाँ तक होंगे
साफ़ कह दीजिए मिलना हमें मंज़ूर नहीं
तुम ने दी कोहकन-ओ-क़ैस से मुझ को निस्बत
कोई दीवाना नहीं मैं कोई मज़दूर नहीं
क्या करे 'दाग़' कोई उस की मोहब्बत का इलाज
वो कलेजा ही नहीं जिस में ये नासूर नहीं
chaak ho parda-e-vahshat mujhe manzūr nahīñ
varna ye haath garebān se kuchh duur nahīñ
sajde karne se miTā ḳhatt-e-jabīñ ai zāhid
ham kahe dete haiñ qismat meñ tirī huur nahīñ
mohtasib māne'-e-'illat hai gumān-e-mai se
sūñghne ko bhī mayassar mujhe angūr nahīñ
lab tak aa.ī thī shikāyat ki mohabbat ne kahā
dekh pachhtā.egā ḳhāmosh ye dastūr nahīñ
raat din nāma-o-paiġhām kahāñ tak hoñge
saaf kah dījiye milnā hameñ manzūr nahīñ
tum ne dī kohkan-o-qais se mujh ko nisbat
koī dīvāna nahīñ maiñ koī mazdūr nahīñ
kyā kare 'dāġh' koī us kī mohabbat kā ilaaj
vo kaleja hī nahīñ jis meñ ye nāsūr nahīñ
چاک ہو پردۂ وحشت مجھے منظور نہیں
ورنہ یہ ہاتھ گریبان سے کچھ دور نہیں
سجدے کرنے سے مٹا خط جبیں اے زاہد
ہم کہے دیتے ہیں قسمت میں تری حور نہیں
محتسب مانع علت ہے گمان مے سے
سونگھنے کو بھی میسر مجھے انگور نہیں
لب تک آئی تھی شکایت کہ محبت نے کہا
دیکھ پچھتائے گا خاموش یہ دستور نہیں
رات دن نامہ و پیغام کہاں تک ہوں گے
صاف کہہ دیجئے ملنا ہمیں منظور نہیں
تم نے دی کوہ کن و قیس سے مجھ کو نسبت
کوئی دیوانہ نہیں میں کوئی مزدور نہیں
کیا کرے داغؔ کوئی اس کی محبت کا علاج
وہ کلیجہ ہی نہیں جس میں یہ ناسور نہیں