बू-ए-मय पा के मैं चलता हुआ मय-ख़ाने को
इक परी थी कि लगा ले गई दीवाने को
मेरे साक़ी सा कहाँ कोई पिलाने वाला
आँखें कहती हैं लुटा दीजिए मय-ख़ाने को
सख़्ती-ए-इश्क़ उठाने का ज़माना न रहा
अब तो है फूल भी पथर तिरे दीवाने को
हाथ में आते ही क्या पाँव निकाले साक़ी
आफ़रीं है तिरे चलते हुए पैमाने को
इस में ऐ अहल-ए-वतन राय तुम्हारी क्या है
कहती है वहशत-ए-दिल घर से निकल जाने को
चल गया काम यहाँ जाम चले या न चले
बादा-कश लौट गए देख कै मय-ख़ाने को
दिल सुलगते रहें पर्वा नहीं होती कुछ उन्हें
शम्अ अच्छी कि जला देती है परवाने को
शामिल-ए-दौर हों अग़्यार सितम है साक़ी
अपने पैमाने से बढ़ने दे न पैमाने को
हुस्न-ए-ख़िदमत का सिला देखिए यूँ पाते हैं
रुख़ मिला आइने को ज़ुल्फ़ मिली शाने को
चाल है मस्त नज़र मस्त अदा में मस्ती
जैसे आते हैं वो टूटे होए मय-ख़ाने को
अब्र में बर्क़ का रह रह के चमकना कैसा
ये भी इक उस की है शोख़ी मिरे तड़पाने को
इस में ऐ पर्दा-नशीं पर्दा-दरी किस की है
देखने आती है ख़िल्क़त तिरे दीवाने को
ख़ूब इंसाफ़ है ऐ बादा-कशो क्या कहना
तुम को तस्कीन हो गर्दिश हो जो पैमाने को
है बड़ी चीज़ लगी दिल की ख़ुदा जस को दे
आग में कूद पड़ा देखिए परवाने को
हो के पाबंद-ए-जुनूँ सब से रिहाई पाई
बेड़ियाँ लिपटी थीं लाखों तिरे दीवाने को
खिंच चुकी तेग़ तो अब है ये रुकावट कैसी
आप तड़पाने को आए हैं कि तरसाने को
कोई ऐसी भी है सूरत तिरे सदक़े साक़ी
रख लूँ मैं दिल में उठा कर तिरे मय-ख़ाने को
बुत-ए-पिंदार को तोड़ो तो हो दिल पाक 'जलील'
तुम ख़ुदा-ख़ाना बनाओ इसी बुत-ख़ाने को
bū-e-mai pā ke maiñ chaltā huā mai-ḳhāne ko
ik parī thī ki lagā le ga.ī dīvāne ko
mere saaqī sā kahāñ koī pilāne vaalā
āñkheñ kahtī haiñ luTā dījiye mai-ḳhāne ko
saḳhtī-e-ishq uThāne kā zamāna na rahā
ab to hai phuul bhī pathar tire dīvāne ko
haath meñ aate hī kyā paañv nikāle saaqī
āfrīñ hai tire chalte hue paimāne ko
is meñ ai ahl-e-vatan raa.e tumhārī kyā hai
kahtī hai vahshat-e-dil ghar se nikal jaane ko
chal gayā kaam yahāñ jaam chale yā na chale
bāda-kash lauT ga.e dekh kai mai-ḳhāne ko
dil sulagte raheñ parvā nahīñ hotī kuchh unheñ
sham.a achchhī ki jalā detī hai parvāne ko
shāmil-e-daur hoñ aġhyār sitam hai saaqī
apne paimāne se baḌhne de na paimāne ko
Husn-e-ḳhidmat kā sila dekhiye yuuñ paate haiñ
ruḳh milā aa.ine ko zulf milī shāne ko
chaal hai mast nazar mast adā meñ mastī
jaise aate haiñ vo TuuTe ho.e mai-ḳhāne ko
abr meñ barq kā rah rah ke chamaknā kaisā
ye bhī ik us kī hai shoḳhī mire taḌpāne ko
is meñ ai parda-nashīñ parda-darī kis kī hai
dekhne aatī hai ḳhilqat tire dīvāne ko
ḳhuub insāf hai ai bāda-kasho kyā kahnā
tum ko taskīn ho gardish ho jo paimāne ko
hai baḌī chiiz lagī dil kī ḳhudā jas ko de
aag meñ kuud paḌā dekhiye parvāne ko
ho ke pāband-e-junūñ sab se rihā.ī paa.ī
beḌiyāñ lipTī thiiñ lākhoñ tire dīvāne ko
khiñch chukī teġh to ab hai ye rukāvaT kaisī
aap taḌpāne ko aa.e haiñ ki tarsāne ko
koī aisī bhī hai sūrat tire sadqe saaqī
rakh luuñ maiñ dil meñ uThā kar tire mai-ḳhāne ko
but-e-pindār ko toḌo to ho dil paak 'jalīl'
tum ḳhudā-ḳhāna banāo isī but-ḳhāne ko
بوئے مے پا کے میں چلتا ہوا مے خانے کو
اک پری تھی کہ لگا لے گئی دیوانے کو
میرے ساقی سا کہاں کوئی پلانے والا
آنکھیں کہتی ہیں لٹا دیجئے مے خانے کو
سختیٔ عشق اٹھانے کا زمانہ نہ رہا
اب تو ہے پھول بھی پتھر ترے دیوانے کو
ہاتھ میں آتے ہی کیا پاؤں نکالے ساقی
آفریں ہے ترے چلتے ہوے پیمانے کو
اس میں اے اہل وطن رائے تمہاری کیا ہے
کہتی ہے وحشت دل گھر سے نکل جانے کو
چل گیا کام یہاں جام چلے یا نہ چلے
بادہ کش لوٹ گئے دیکھ کے مے خانے کو
دل سلگتے رہیں پروا نہیں ہوتی کچھ انہیں
شمع اچھی کہ جلا دیتی ہے پروانے کو
شامل دور ہوں اغیار ستم ہے ساقی
اپنے پیمانے سے بڑھنے دے نہ پیمانے کو
حسن خدمت کا صلہ دیکھیے یوں پاتے ہیں
رخ ملا آئنے کو زلف ملی شانے کو
چال ہے مست نظر مست ادا میں مستی
جیسے آتے ہیں وہ ٹوٹے ہوئے مے خانے کو
ابر میں برق کا رہ رہ کے چمکنا کیسا
یہ بھی اک اس کی ہے شوخی مرے تڑپانے کو
اس میں اے پردہ نشیں پردہ دری کس کی ہے
دیکھنے آتی ہے خلقت ترے دیوانے کو
خوب انصاف ہے اے بادہ کشو کیا کہنا
تم کو تسکین ہو گردش ہو جو پیمانے کو
ہے بڑی چیز لگی دل کی خدا جس کو دے
آگ میں کود پڑا دیکھیے پروانے کو
ہو کے پابند جنوں سب سے رہائی پائی
بیڑیاں لپٹی تھیں لاکھوں ترے دیوانے کو
کھنچ چکی تیغ تو اب ہے یہ رکاوٹ کیسی
آپ تڑپانے کو آئے ہیں کہ ترسانے کو
کوئی ایسی بھی ہے صورت ترے صدقے ساقی
رکھ لوں میں دل میں اٹھا کر ترے مے خانے کو
بت پندار کو توڑو تو ہو دل پاک جلیلؔ
تم خدا خانہ بناؤ اسی بت خانے کو