बुलबुल को ख़ार ख़ार-ए-दबिस्ताँ है इन दिनों
हर तिफ़्ल की बग़ल में गुलिस्ताँ है इन दिनों
ज़ुन्नार इश्क़-ए-बुत में रग-ए-जाँ है इन दिनों
नाक़ूस-ए-बरहमन दिल-ए-नालाँ है इन दिनों
आबाद मेरा ख़ाना-ए-वीराँ है इन दिनों
सैलाब मुझ ग़रीब का मेहमाँ है इन दिनों
दामन है अपने हाथ में इक रश्क-ए-माह का
पेश-ए-नज़र हिलाल-ए-गरेबाँ है इन दिनों
बाग़-ए-जहाँ में जो है गिरफ़्तार है तिरा
आज़ाद एक सर्व-ए-गुलिस्ताँ है इन दिनों
कहते हैं हम ज़मीन में मजनूँ की अब ग़ज़ल
हर बैत अपनी ख़ाना-ए-ज़िंदाँ है इन दिनों
काफ़िर हो ऐ सनम जो ख़रीदे न तू उसे
मेहंदी के मोल ख़ून-ए-मुसलमाँ है इन दिनों
हंगामा हुस्न-ओ-'इश्क़ का है गर्म आज-कल बहुत
दीवाना-ए-परी है जो इंसाँ है इन दिनों
मस्ती का उन लबों के फ़साना कहाँ नहीं
मज्लिस नहीं वो जो नहीं हैराँ है इन दिनों
सदक़े चकोर होते हैं रुख़्सार-ए-यार के
वो माह-ए-चार-दह मह-ए-ताबाँ है इन दिनों
आता है सैर-ए-बाग़ को वो गौहर-ए-मुराद
फैलाए गुल के पास जो दामाँ है इन दिनों
क़द सर्व चेहरा गुल है तो सुम्बुल हैं मू-ए-यार
घर ख़ाना बाग़ है जो वो मेहमाँ है इन दिनों
जौहर-शनास जम' हैं 'आतिश' है मा'रका
शमशीर है वही कि जो 'उर्यां है इन दिनों
bulbul ko ḳhaar ḳhār-e-dabistāñ hai in dinoñ
har tifl kī baġhal meñ gulistāñ hai in dinoñ
zunnār ishq-e-but meñ rag-e-jāñ hai in dinoñ
nāqūs-e-barhaman dil-e-nālāñ hai in dinoñ
ābād merā ḳhāna-e-vīrāñ hai in dinoñ
sailāb mujh ġharīb kā mehmāñ hai in dinoñ
dāman hai apne haath meñ ik rashk-e-māh kā
pesh-e-nazar hilāl-e-garebāñ hai in dinoñ
bāġh-e-jahāñ meñ jo hai giraftār hai tirā
āzād ek sarv-e-gulistāñ hai in dinoñ
kahte haiñ ham zamīn meñ majnūñ kī ab ġhazal
har bait apnī ḳhāna-e-zindāñ hai in dinoñ
kāfir ho ai sanam jo ḳharīde na tū use
mehñdī ke mol ḳhūn-e-musalmāñ hai in dinoñ
hangāma husn-o-'ishq kā hai garm āj-kal bahut
dīvāna-e-parī hai jo insāñ hai in dinoñ
mastī kā un laboñ ke fasāna kahāñ nahīñ
majlis nahīñ vo jo nahīñ hairāñ hai in dinoñ
sadqe chakor hote haiñ ruḳhsār-e-yār ke
vo māh-e-chār-dah mah-e-tābāñ hai in dinoñ
aatā hai sair-e-bāġh ko vo gauhar-e-murād
phailā.e gul ke paas jo dāmāñ hai in dinoñ
qad sarv chehra gul hai to sumbul haiñ mū-e-yār
ghar ḳhāna baaġh hai jo vo mehmāñ hai in dinoñ
jauhar-shanās jam' haiñ 'ātish' hai mā'raka
shamshīr hai vahī ki jo 'uryāñ hai in dinoñ
بلبل کو خار خار دبستاں ہے ان دنوں
ہر طفل کی بغل میں گلستاں ہے ان دنوں
زنار عشق بت میں رگ جاں ہے ان دنوں
ناقوس برہمن دل نالاں ہے ان دنوں
آباد میرا خانۂ ویراں ہے ان دنوں
سیلاب مجھ غریب کا مہماں ہے ان دنوں
دامن ہے اپنے ہاتھ میں اک رشک ماہ کا
پیش نظر ہلال گریباں ہے ان دنوں
باغ جہاں میں جو ہے گرفتار ہے ترا
آزاد ایک سرو گلستاں ہے ان دنوں
کہتے ہیں ہم زمین میں مجنوں کی اب غزل
ہر بیت اپنی خانۂ زنداں ہے ان دنوں
کافر ہو اے صنم جو خریدے نہ تو اسے
مہندی کے مول خون مسلماں ہے ان دنوں
ہنگامہ حسن و عشق کا ہے گرم آج کل بہت
دیوانہ پری ہے جو انساں ہے ان دنوں
مستی کا ان لبوں کے فسانہ کہاں نہیں
مجلس نہیں وہ جو نہیں حیراں ہے ان دنوں
صدقے چکور ہوتے ہیں رخسار یار کے
وہ ماہ چار دہ مہ تاباں ہے ان دنوں
آتا ہے سیر باغ کو وہ گوہر مراد
پھیلائے گل کے پاس جو داماں ہے ان دنوں
قد سرو چہرہ گل ہے تو سنبل ہیں موئے یار
گھر خانہ باغ ہے جو وہ مہماں ہے ان دنوں
جوہر شناس جمع ہیں آتشؔ ہے معرکہ
شمشیر ہے وہی کہ جو عریاں ہے ان دنوں