बुलबुल गुलों से देख के तुझ को बिगड़ गया
क़ुमरी का तौक़ सर्व की गर्दन में पड़ गया
चीं-बर-जबीं न ऐ बुत-ए-चीं रह ग़ुरूर से
तस्वीर का है ऐब जो चेहरा बिगड़ गया
आई तो है पसंद उसे चाल यार की
सुन लीजो पाँव कब्क-ए-दरी का उखड़ गया
पीछे हटा न कूचा-ए-क़ातिल से अपना पाँव
सर से तड़प के चार क़दम आगे धड़ गया
खींची जो मेरी तरह से क़ुमरी ने आह-ए-सर्द
जाड़े के मारे सर्व चमन में अकड़ गया
शीरीं के शेफ़्ता हुए परवेज़-ओ-कोहकन
शाइ'र हूँ मैं ये कहता हूँ मज़मून लड़ गया
अल्लाह-रे शौक़ अपनी जबीं को ख़बर नहीं
उस बुत के आस्ताने का पत्थर रगड़ गया
दरमाँ से और दर्द हमारा हुआ दो-चंद
मरहम से दाग़ सीने में नासूर पड़ गया
गुलदस्ता बन के रौनक़-ए-बज़्म-ए-शहाँ हुआ
कूड़ा जो उस फ़क़ीर के तकिए से झड़ गया
निकला न जिस्म से दिल-ए-नालाँ शरीक-ए-रूह
मंज़िल में रंग नाक़ा से अपने बिछड़ गया
पहुँचा मजाज़ से जो हक़ीक़त की कुनह को
ये जान ले कि रास्ते में फेर पड़ गया
फ़ुर्क़त की शब में ज़ीस्त ने अपनी वफ़ा न की
क़ब्ल-ए-सहर चराग़ हमारा न बढ़ गया
पाता हूँ शौक़-ए-वस्ल में अहबाब की कमी
हुस्न-ओ-जमाल-ए-यार में कुछ फ़र्क़ पड़ गया
लाशों को आशिक़ों के न उठवा गली से यार
बसने का फिर ये गाँव नहीं जब उजड़ गया
देखा तुझे जो ख़ून-ए-शहीदाँ से सुर्ख़-पोश
तुर्क-ए-फ़लक ज़मीं में ख़जालत से गड़ गया
बरसों की राह आ के अज़ीज़ाँ निकल गए
अफ़सोस कारवाँ से मैं अपने बिछड़ गया
आया जो शरह-ए-लाल-ए-लब-ए-यार का ख़याल
झंडा क़लम का अपने बदख़्शाँ में गड़ गया
मैं नय लिया बग़ल में परी-रू विसाल को
देव-ए-फ़िराक़ कश्ती में मुझ से बिछड़ गया
'आतिश' न पूछ हाल तू मुझ दर्द-मंद का
सीने में दाग़ दाग़ में नासूर पड़ गया
bulbul guloñ se dekh ke tujh ko bigaḌ gayā
qumrī kā tauq sarv kī gardan meñ paḌ gayā
chīñ-bar-jabīñ na ai but-e-chīñ rah ġhurūr se
tasvīr kā hai aib jo chehra bigaḌ gayā
aa.ī to hai pasand use chaal yaar kī
sun liijo paañv kabk-e-darī kā ukhaḌ gayā
pīchhe haTā na kūcha-e-qātil se apnā paañv
sar se taḌap ke chaar qadam aage dhaḌ gayā
khīñchī jo merī tarah se qumrī ne āh-e-sard
jaaḌe ke maare sarv chaman meñ akaḌ gayā
shīrīñ ke shefta hue parvez-o-kohkan
shā.ir huuñ maiñ ye kahtā huuñ mazmūn laḌ gayā
allāh-re shauq apnī jabīñ ko ḳhabar nahīñ
us but ke āstāne kā patthar ragaḌ gayā
darmāñ se aur dard hamārā huā do-chand
marham se daaġh siine meñ nāsūr paḌ gayā
guldasta ban ke raunaq-e-bazm-e-shahāñ huā
kuuḌā jo us faqīr ke takiye se jhaḌ gayā
niklā na jism se dil-e-nālāñ sharīk-e-rūh
manzil meñ rañg naaqa se apne bichhaḌ gayā
pahuñchā majāz se jo haqīqat kī kunah ko
ye jaan le ki rāste meñ pher paḌ gayā
furqat kī shab meñ ziist ne apnī vafā na kī
qabl-e-sahar charāġh hamārā na baḌh gayā
paatā huuñ shauq-e-vasl meñ ahbāb kī kamī
husn-o-jamāl-e-yār meñ kuchh farq paḌ gayā
lāshoñ ko āshiqoñ ke na uThvā galī se yaar
basne kā phir ye gaañv nahīñ jab ujaḌ gayā
dekhā tujhe jo ḳhūn-e-shahīdāñ se surḳh-posh
turk-e-falak zamīñ meñ ḳhajālat se gaḌ gayā
barsoñ kī raah aa ke azīzāñ nikal ga.e
afsos kārvāñ se maiñ apne bichhaḌ gayā
aayā jo sharh-e-la.al-e-lab-e-yār kā ḳhayāl
jhanDā qalam kā apne badaḳhshāñ meñ gaḌ gayā
maiñ nai liyā baġhal meñ parī-rū visāl ko
dev-e-firāq kashtī meñ mujh se bichhaḌ gayā
'ātish' na pūchh haal tū mujh dard-mand kā
siine meñ daaġh daaġh meñ nāsūr paḌ gayā
بلبل گلوں سے دیکھ کے تجھ کو بگڑ گیا
قمری کا طوق سرو کی گردن میں پڑ گیا
چیں بر جبیں نہ اے بت چین رہ غرور سے
تصویر کا ہے عیب جو چہرہ بگڑ گیا
آئی تو ہے پسند اسے چال یار کی
سن لیجو پاؤں کبک دری کا اکھڑ گیا
پیچھے ہٹا نہ کوچۂ قاتل سے اپنا پاؤں
سر سے تڑپ کے چار قدم آگے دھڑ گیا
کھینچی جو میری طرح سے قمری نے آہ سرد
جاڑے کے مارے سرو چمن میں اکڑ گیا
شیریں کے شیفتہ ہوئے پرویز و کوہ کن
شاعر ہوں میں یہ کہتا ہوں مضمون لڑ گیا
اللہ رے شوق اپنی جبیں کو خبر نہیں
اس بت کے آستانہ کا پتھر رگڑ گیا
درماں سے اور درد ہمارا ہوا دو چند
مرہم سے داغ سینہ میں ناسور پڑ گیا
گلدستہ بن کے رونق بزم شہاں ہوا
کوڑا جو اس فقیر کے تکیے سے جھڑ گیا
نکلا نہ جسم سے دل نالاں شریک روح
منزل میں رنگ ناقہ سے اپنے بچھڑ گیا
پہنچا مجاز سے جو حقیقت کی کنہ کو
یہ جان لے کہ راستے میں پھیر پڑ گیا
فرقت کی شب میں زیست نے اپنی وفا نہ کی
قبل سحر چراغ ہمارا نہ بڑھ گیا
پاتا ہوں شوق وصل میں احباب کی کمی
حسن و جمال یار میں کچھ فرق پڑ گیا
لاشوں کو عاشقوں کے نہ اٹھوا گلی سے یار
بسنے کا پھر یہ گاؤں نہیں جب اجڑ گیا
دیکھا تجھے جو خون شہیداں سے سرخ پوش
ترک فلک زمیں میں خجالت سے گڑ گیا
برسوں کی راہ آ کے عزیزاں نکل گئے
افسوس کارواں سے میں اپنے بچھڑ گیا
آیا جو شرح لعل لب یار کا خیال
جھنڈا قلم کا اپنے بدخشاں میں گڑ گیا
میں نے لیا بغل میں پری رو وصال کو
دیو فراق کشتی میں مجھ سے بچھڑ گیا
آتشؔ نہ پوچھ حال تو مجھ درد مند کا
سینہ میں داغ داغ میں ناسور پڑ گیا