बिजली गिरी है कल किसी उजड़े मकान पर
रोने लगूँ कि हँस पड़ूँ इस दास्तान पर
वो क़हर था कि रात का पत्थर पिघल पड़ा
क्या आतिशीं गुलाब खिला आसमान पर
इक नक़्श सा निखरता रहेगा निगाह में
इक हर्फ़ सा लरज़ता रहेगा ज़बान पर
अपने लिए ही आँख का पर्दा हूँ रात दिन
मैं वर्ना आश्कार हूँ सारे जहान पर
शेर आ के चीर फाड़ गया मुझ को ख़्वाब में
दम-भर को मेरी आँख लगी थी मचान पर
प्यासी है रूह जिस्म शराबोर है तो क्या
बे-कार मेंह बरसता रहा साएबान पर
पीली हवा में ख़ून का ज़र्रा उड़ा ही था
पागल हुआ ये शहर ज़रा से निशान पर
ख़ाली पड़ी हैं बेद की बीमार कुर्सियाँ
ख़ूँ-ख़्वाब धूप-धुँद बरसती है लान पर
किस ताज़ा मा'रके पे गया आज फिर 'ज़फ़र'
तलवार ताक़ में है न घोड़ा है थान पर
bijlī girī hai kal kisī ujḌe makān par
rone lagūñ ki hañs paḌūñ is dāstān par
vo qahr thā ki raat kā patthar pighal paḌā
kyā ātishīñ gulāb khilā āsmān par
ik naqsh sā nikhartā rahegā nigāh meñ
ik harf sā laraztā rahegā zabān par
apne liye hī aañkh kā parda huuñ raat din
maiñ varna āshkār huuñ saare jahān par
sher aa ke chiir phaaḌ gayā mujh ko ḳhvāb meñ
dam-bhar ko merī aañkh lagī thī machān par
pyāsī hai ruuh jism sharābor hai to kyā
be-kār meñh barastā rahā sā.ebān par
piilī havā meñ ḳhuun kā zarra uḌā hī thā
pāgal huā ye shahr zarā se nishān par
ḳhālī paḌī haiñ bed kī bīmār kursiyāñ
ḳhūñ-ḳhvāb dhūp-dhund barastī hai lawn par
kis taaza mā'rke pe gayā aaj phir 'zafar'
talvār taaq meñ hai na ghoḌā hai thaan par
بجلی گری ہے کل کسی اجڑے مکان پر
رونے لگوں کہ ہنس پڑوں اس داستان پر
وہ قہر تھا کہ رات کا پتھر پگھل پڑا
کیا آتشیں گلاب کھلا آسمان پر
اک نقش سا نکھرتا رہے گا نگاہ میں
اک حرف سا لرزتا رہے گا زبان پر
اپنے لیے ہی آنکھ کا پردہ ہوں رات دن
میں ورنہ آشکار ہوں سارے جہان پر
شیر آ کے چیر پھاڑ گیا مجھ کو خواب میں
دم بھر کو میری آنکھ لگی تھی مچان پر
پیاسی ہے روح جسم شرابور ہے تو کیا
بیکار مینہ برستا رہا سائبان پر
پیلی ہوا میں خون کا ذرہ اڑا ہی تھا
پاگل ہوا یہ شہر ذرا سے نشان پر
خالی پڑی ہیں بید کی بیمار کرسیاں
خوں خواب دھوپ دھند برستی ہے لان پر
کس تازہ معرکے پہ گیا آج پھر ظفرؔ
تلوار طاق میں ہے نہ گھوڑا ہے تھان پر