बीनाई से बाहर कभी अंदर मुझे देखे
मुमकिन ही नहीं है वो बराबर मुझे देखे
हो जाए कभी रात मिरे दम से भी रौशन
वो शम्अ-ए-तमाशा जो घड़ी-भर मुझे देखे
मैं ख़ुद में तो मौजूद ही मुश्किल से रहूँगा
हर देखने वाला मिरे बाहर मुझे देखे
ढूँडे कोई मुझ को तो इसी ख़ाक-ए-हवस में
या सिलसिला-ए-सैल-ए-हवा पर मुझे देखे
माहौल ही कुछ हो चमन-ए-ख़्वाब का ऐसा
बुलबुल मुझे समझे तो गुल-ए-तर मुझे देखे
अब देखना ही शर्त ये ठहरी है कि यूँ हो
मैं मंज़र-ए-नायाब को मंज़र मुझे देखे
दरिया की पज़ीराई में शक तो नहीं लेकिन
इक लहर हो ऐसी भी कि उठ कर मुझे देखे
मैं बार दिगर ही कहीं आता हूँ समझ में
जो देखना चाहे सो मुकर्रर मुझे देखे
मेरा नज़र आना है 'ज़फ़र' बात ही कुछ और
जो देख नहीं सकता वो अक्सर मुझे देखे
bīnā.ī se bāhar kabhī andar mujhe dekhe
mumkin hī nahīñ hai vo barābar mujhe dekhe
ho jaa.e kabhī raat mire dam se bhī raushan
vo sham.a-e-tamāshā jo ghaḌī-bhar mujhe dekhe
maiñ ḳhud meñ to maujūd hī mushkil se rahūñgā
har dekhne vaalā mire bāhar mujhe dekhe
DhūñDe koī mujh ko to isī ḳhāk-e-havas meñ
yā silsila-e-sail-e-havā par mujhe dekhe
māhaul hī kuchh ho chaman-e-ḳhvāb kā aisā
bulbul mujhe samjhe to gul-e-tar mujhe dekhe
ab dekhnā hī shart ye Thahrī hai ki yuuñ ho
maiñ manzar-e-nāyāb ko manzar mujhe dekhe
dariyā kī pazīrā.ī meñ shak to nahīñ lekin
ik lahar ho aisī bhī ki uTh kar mujhe dekhe
maiñ baar digar hī kahīñ aatā huuñ samajh meñ
jo dekhnā chāhe so mukarrar mujhe dekhe
merā nazar aanā hai 'zafar' baat hī kuchh aur
jo dekh nahīñ saktā vo aksar mujhe dekhe
بینائی سے باہر کبھی اندر مجھے دیکھے
ممکن ہی نہیں ہے وہ برابر مجھے دیکھے
ہو جائے کبھی رات مرے دم سے بھی روشن
وہ شمع تماشا جو گھڑی بھر مجھے دیکھے
میں خود میں تو موجود ہی مشکل سے رہوں گا
ہر دیکھنے والا مرے باہر مجھے دیکھے
ڈھونڈے کوئی مجھ کو تو اسی خاک ہوس میں
یا سلسلۂ سیل ہوا پر مجھے دیکھے
ماحول ہی کچھ ہو چمن خواب کا ایسا
بلبل مجھے سمجھے تو گل تر مجھے دیکھے
اب دیکھنا ہی شرط یہ ٹھہری ہے کہ یوں ہو
میں منظر نایاب کو منظر مجھے دیکھے
دریا کی پذیرائی میں شک تو نہیں لیکن
اک لہر ہو ایسی بھی کہ اٹھ کر مجھے دیکھے
میں بار دگر ہی کہیں آتا ہوں سمجھ میں
جو دیکھنا چاہے سو مکرر مجھے دیکھے
میرا نظر آنا ہے ظفرؔ بات ہی کچھ اور
جو دیکھ نہیں سکتا وہ اکثر مجھے دیکھے